العلاج في الداخل

[الصابرة على امر الله]

بسم الله الرحمن الرحيم

ابنتي العام ذهبت بها ل المانيا للعلاج وعدت بعد شهر لظروف قاهره

ومنذ عدنا وتغير العلاج وعدم التزام طبيبها المعالج في مكه بنفس العلاج

وتغيره للقديم وابنتي تعاني ولها 10 شهور الآن منومه في مستشفى الملك عبدالعزيز في مكه

وطلبت تجديد أمر العلاج واخبروني ان مرضى التصلب الويحي ليس لهم بعد الآن علاج في الخارج

وخيروني بين عبدالطيف جميل او مدينة الامير سلطان في الرياض

واخترت الرياض لان ابنتي تحتاج مع اعادة التاهيل الى علاج طبي مكثف

سؤالي:

صدرت الموافقه وانتظر توفير الاخلاء الطبي للسفر

وحيث ان والدها مقعد وهو محرمها لانه ليس لها اخوه او اخوات

فسأضطر للسكن مع والدها خارج المستشفى

هل لي مصروفات ام فقط المستشفى على حساب الدوله

مع اني لااحتاج لاركاب لاني ووالدها معها في الاخلاء الطبي

افيدوني اسعدكم المولى.

 

[ضوء القمر]

رد: العلاج في الداخل

شافاها الله وعافاها

يجي من يفيدك

واللي أعرفه ان الحكومة تتكفل بكل شي من أكل وسكن اذا المريض بيعالجونه في الخارج بس الآن كل شي تغير والظروف الإقتصادية والرؤية مدري الان هل كل شي على حسابهم او بس العلاج

بالتوفيق

 

[الصابرة على امر الله]

رد: العلاج في الداخل

جربت الخارج وكل شيء متكفله به الحكومه

ارجو ان يفيدني من عنده علم او خبره

شكرا ضوء القمر

 

[ضوء القمر]

رد: العلاج في الداخل

العفوووو

في بعضهم يسكنوهم بالسكن حق المستشفى وفي بعضهم يعطونه فلوس للشقق المفروشة على حسب الحالة او على حسب المستشفى

حبيت ارد عشان ينرفع الموضوع ويجي من يفيدك

 

[الصابرة على امر الله]

رد: العلاج في الداخل

فديت قلبك

بحثت في النت ووجدت
المريض 300 لو خارج المستشفى لو داخل المستشفى ماله شيء
المرافق 300 ريال يوميا
ونعمه من الله على الاقل حق شقه مفروشه

الله يعز حكومتنا وولاة امرنا

 

[معاند الضيم]

رد: العلاج في الداخل

اذكر ان موضوع التعويضات او مكتبهم باللجنة الطبية بالمدينة الي انت فيها


يعطونك امر اركاب للمريض ومرافقية ام واب مثلاً
وايضاً بعد فترة تطبع لهم المواعيد او فترة التنويم بالمستشفى وتجيبها لهم ويعوضونك عن كل يوم مبلغ محدد لديهم
مصروف يومي + تكاليف سكن

 

[الصابرة على امر الله]

رد: العلاج في الداخل

مافهمت اجيبها لمن ؟

 

[معاند الضيم]

رد: العلاج في الداخل

مافهمت اجيبها لمن ؟

مكتب التعويضات بالهيئة الطبية
تذهب لهم بالتقرير الطبي و خطاب تحويلكم للمستشفى الاخر واثبات المريض والمرافقين

هذا اذا عندكم امر علاج بمستشفى يقع في مدينة غير مدينتكم
تقدمون اواراقكم لهم ويصدرون لكم امر اركاب ( لحجز التذاكر مجاناً )
ثم بعد ان تحظر المواعيد واردت تعويض تطبع برنت بالمواعيد من المستشفى ثم تذهب بها لنفس المكتب الخاص بالتعويضات ويصرف لك ما ذكرت


تستطيع الاستفسار من مكتب علاقات المرضى ويوجهونك لمكان المكتب
وبالتوفيق يارب

 

[الصابرة على امر الله]

رد: العلاج في الداخل

خالتك ماتفهم بها الامور
انا محوله لمدية الامير سلطان طبعا عن طريق وزارة الصحه
مافي اركاب اخلاء طبي
وبنتي راح تكون مقيمه في المستشفى
السكن لابوها المقعد
اخذ عقد الايجار واذهب به للهيئه الطبيه في الرياض؟
انا من مكه المكرمه

 

[معاند الضيم]

رد: العلاج في الداخل

خالتك ماتفهم بها الامور
انا محوله لمدية الامير سلطان طبعا عن طريق وزارة الصحه
مافي اركاب اخلاء طبي
وبنتي راح تكون مقيمه في المستشفى
السكن لابوها المقعد
اخذ عقد الايجار واذهب به للهيئه الطبيه في الرياض؟
انا من مكه المكرمه

انا ما قلت اخلاء طبي

امر اركاب ( معناه حجز تذاكر مجاناً بالخطوط السعودية للمريض وللمرافقين معه)

التعويض
الاعاشة والمصروف اليومي تصرف حسب حالة المريض
بعض المرضى يحتاج مرافق وبعضهم يحتاج مرافقين اثنين
تجيبون ورقة من مدينة سلطان يوضح فيها تاريخ الدخول و تاريخ الخروج من مدينة سلطان ( فترة العلاج )
وتذهبون بالورقة هاذي للهيئة الطبية مكتب التعويضات لاعطاءكم تعويض عنها

اذا كان ما ذكرت غير واضح لكم
راجعوا الهيئة الطبية مكتب التعويضات واسألوهم ليبينوا لكم كل شئ بالتفصيل

 

[موسيقى]

رد: العلاج في الداخل

حبيبتي مايعطونك ولا ريال. تروحين تسكنين على حسابك. يمكن يتعاطفون معاكم ويخلونكم الثلاثه بالغرفه. بس السكن انتي تسكنين على حسابك. وترا بعيد كل شي عن المدينه. اقل شي مشوار نص ساعه. المدينه مو بالرياض. بطريق القصيم. اذا بتطلعين. يعطونك ورقه ترسلينها ل الهيئه الطبيه تصرف لك قيمة السكن للمرافق الخارجي اللي هوا ولي الامر. وانتظري لين تطلع لك. فيه بنات ماطلعت لهم اكثر من سنه!

 

[الصابرة على امر الله]

رد: العلاج في الداخل

موسيقى عزفت على وتر مؤلم
احتمال الاقامه شهور
ودخلت شفت اسعار الشقق الشهر اقل شيء 6 ألاف ا\ا كان سكن نظيف
الله يدبرها من عنده