للاسف ثبت الالزام

[ابو مقبل]

السلام عليكم
راجعت الضمان لاجل المقطوعة
فاشترط مرور سنة من الاستلام حسد في حسد على كذا مايطبلون له بانها سنوية غير صحيح
قدمت شهر 2 وجت في 7 يعني صارت كل سنة ونصف هذي وحدة

الثانية اشترط اكون مشترك في سداد الكهرباء
طيب البيت ايجار وصاحب البيت اللي تعاقدت معه شاريه
يعني العداد باسم المالك القديم ويفولون دبر نفسك وش الحل مع هالبيروقراطيين

يعني نزور ونحتال ونكذب او نترجى اصحاب المنازل ونشهر

طيب ليه ماتصرف كاش وانتهينا قرارات عبيطة الله يعبط مخ اللي يمخمخ علينا :cursing:

وسلامتكم

عندي استفسار من اللي سبقونا واستفادوا من سداد فاتورة الكهرباء
هل يتم كتابة مبلغ الخصم على الفاتورة او هل هناك طريقة لمعرفة كم دفع الضمان؟

 

[عيسى محمد]

رد: للاسف ثبت الالزام

ابومقبل

لاغرابه انت بالسعوديه لاتستغرب اخي السعوديه خلاص تشبعت بالفساد
الملك انشاء حقوق الانسان السعوديه وقبل سنه تقريبآ اشتكى مجموعه من
موظفي حقوق الانسان من عدم تسليمهم رواتبهم هههههههههههههههه
وانشاء الملك هئية الفساد وتذكر كلامي رايح تنشاء هيه اخرى وهكذا
الله يولينا الوالي المحسن

 

[عماد عطية]

رد: للاسف ثبت الالزام

مبلغ الفاتورة يكتب في الفاتورة دعم ضماني اعتقد للفرد ٧٩ ريال شهريا وكلما زادوا عدد الافراد يزيد الدعم

 

[ابو مقبل]

رد: للاسف ثبت الالزام

هل يتم توضيح بالفاتورة

 

[عماد عطية]

رد: للاسف ثبت الالزام

نعم يكتب في الفاتورة. ( دعم ضماني )

 

[مسلمه]

رد: للاسف ثبت الالزام

نحن عداد افراد الاسره 7
ويخصمون 200 ريال من الفاتوره والزايد عن 200 انت تدفعه
الله ييسر امورك يارب

 

[ابو مقبل]

رد: للاسف ثبت الالزام

ابومقبل

لاغرابه انت بالسعوديه لاتستغرب اخي السعوديه خلاص تشبعت بالفساد
الملك انشاء حقوق الانسان السعوديه وقبل سنه تقريبآ اشتكى مجموعه من
موظفي حقوق الانسان من عدم تسليمهم رواتبهم هههههههههههههههه
وانشاء الملك هئية الفساد وتذكر كلامي رايح تنشاء هيه اخرى وهكذا
الله يولينا الوالي المحسن

خخخخخ حلوة هذي صارت نكتة ماهي سالفة
بصراحة الواحد صار مايستبعد اي شي في هالبلد
اقول ذبحنا الشتاء يازين الربيع

 

[ابو مقبل]

رد: للاسف ثبت الالزام

مبلغ الفاتورة يكتب في الفاتورة دعم ضماني اعتقد للفرد ٧٩ ريال شهريا وكلما زادوا عدد الافراد يزيد الدعم

مشكور اهم شي يكتبون دعم ويحددون المبلغ اللي تدفعه الشؤون

بس مبلغ 79 ما اعتقد لان موظف الضمان يقول ثلاثمية وشوي لعدد 8 اشخاص
وعلى كلامك بيصير ستمية وشوي

يعني يمكن نصف المبلغ حوالي 40 للفرد

 

[ابو مقبل]

رد: للاسف ثبت الالزام

نعم يكتب في الفاتورة. ( دعم ضماني )

شكرا لك اخوي عماد على الاهتمام وصلت المعلومة جزاك الله خير

خلصت اليوم موضوع الكهرباء وقالوا يبي لك تشترك في دعم المدارس وتجيب تعريف من مدارس العيال
شيء طيب
لكن بشكل الزامي قوية شوي

 

[ابو مقبل]

رد: للاسف ثبت الالزام

نحن عداد افراد الاسره 7
ويخصمون 200 ريال من الفاتوره والزايد عن 200 انت تدفعه
الله ييسر امورك يارب

معلومة جديدة يعني ميتين تقسيم سبعة تصير 28 للفرد تقريبا

اجل وراه يقول لي 8 افراد يجيك فوق الثلاثمية

بس فيه شي اضافي قال لي عليه

يقول اذا كان استهلاكك في اي شهر اقل من المساعدة فان الفرق يحسب في رصيدك ويخصم من فاتورة لاحقة

يعني باختصار اللي بيفيض بالشتاء بيروح في الصيف خخخخخ
شكرا لكم

 

[امانه]

رد: للاسف ثبت الالزام

معليش ابو مقبل ممكن توضح؟؟ انا ساكنه في بيت جدتي الله يرحمها؟ وامي وابوي متوفيين وساكنه بالبيت انا واختي؟
قدمت على المقطوعه واستلمتها بشهر 4 سنه 1433متى يعني اقدم مره ثانيه؟
واذا جيت اقدم اجيب لهم فاتوره الكهرباء ضروري؟ طيب جدتي متزفيه والبيت ب اسمها كيف اثبت انها جدتي؟ لاتقولون لي شهود؟
ياحياة الشقا بس

 

[ابو مقبل]

رد: للاسف ثبت الالزام

معليش ابو مقبل ممكن توضح؟؟ انا ساكنه في بيت جدتي الله يرحمها؟ وامي وابوي متوفيين وساكنه بالبيت انا واختي؟
قدمت على المقطوعه واستلمتها بشهر 4 سنه 1433متى يعني اقدم مره ثانيه؟
واذا جيت اقدم اجيب لهم فاتوره الكهرباء ضروري؟ طيب جدتي متزفيه والبيت ب اسمها كيف اثبت انها جدتي؟ لاتقولون لي شهود؟
ياحياة الشقا بس

حسب علمي مرور سنة كاملة من تاريخ صرف المبلغ هذا للي ماعنده اي دخل
ومرور سنتين من تاريخ صرف آخر مبلغ كذلك هذا للي عنده مصدر دخل

بالنسبة لي طلبوا فاتورة الكهرباء ولازم تكون باسم صاحب الطلب او باسم المؤجر المذكور بالعقد

ودائما اقول ان الزيارة لاقرب مكتب هو افضل طريقة وللحصول على العلم الاكيد