الله يجازي من يسوي سواتك..........؟؟؟؟؟؟؟؟؟؟؟؟؟

[الخلوق]

الله يجازي من يسوي ... سواتك

الله يجازي من يسوي ... سواتك​

​

​

​

وبذنوب من سوى سواتك ,,, يجازيكـ
مشيت درب الثقل وتحب ... ذاتك
ما تدري إنـه للمـهـالك ,,, يـوديـكــ
وغرك جمالك يا خسارة ... حلاتك
ما تدري إن ما غير طبعك ,,, يحليكـ
بتقول زينك يشفع ... لسـيئاتـك
الحسن ما هو عن وفى الحب ,,, يعفيكـ
لو التواضع والوفى من ... سماتك
بعت الحبايب كلهم دين ,,, واشريكـ
لكن عجزت أغيرك يااا ... جراتك
على الغياب اللي بلا عذر ,,, ينجيكـ
خطاي في توضيح وشي ... غلاتك
وخطاك في توضيح وشو ,,, تغليكـ
وشلون توْصِيني وتنسى ... وصاتك
وتصد عن صوت ( ن ) تقطّع ,,, يناديكـ
ما فاتك التجريح والعذر ... فاتك
وتبغي رضاي الحين ما عاد ,,, يمديكـ
صحيح أحبك بس هذي ... جزاتك
بعلمك درس ( ن ) يفيدك ,,, ويحييكـ
تدري وش ابيض من خفوقك ... عباتك !!
وتدري وش اللي غرني ,,, نظرتي فيكـ
أدري بتستغرب ! .... تصبّر وجاتك
قصيدتن من واحد ( ن ) ,,, كااان يبغيكـ
وتبغي تناظر وأنت عايش ... مماتك
شف وحدتك والناس تجلس ,,, حواليكـ
وتبغي تشوف اشجع رجل ... في حياتك
شفني وانا راحل على كثر,,, ما أغليكـ​

الشاعر:محمد بن فطيس ​

​

​

 

[الحنان كله]

رد: الله يجازي من يسوي سواتك..........؟؟؟؟؟؟؟؟؟؟؟؟؟

صح لسان شاعرها وعلا شان ناقلها

مشكور اخوي الخلوق

 

[بنت قحطان]

رد: الله يجازي من يسوي سواتك..........؟؟؟؟؟؟؟؟؟؟؟؟؟

[align=center]
حَرفُك انيق / نصّ مذهلْ ..
صح السان شاعر
ولا هان ناقلها

كل الورد والودّ... /
[/align]

 

[الخلوق]

رد: الله يجازي من يسوي سواتك..........؟؟؟؟؟؟؟؟؟؟؟؟؟

لاهنتوووووووووووووو كلكم مشكورين على المرور تحياتي لكم

 

[القدر المكتوب]

رد: الله يجازي من يسوي سواتك..........؟؟؟؟؟؟؟؟؟؟؟؟؟

صح لسان شاعرنا ابن فطيس ويالبيه وتسلم يمينك على النقل الطيب

 

[سفير قحطان]

رد: الله يجازي من يسوي سواتك..........؟؟؟؟؟؟؟؟؟؟؟؟؟

قصيده رائعه لاهنت اخوي