الله يجزاه الجنة من يرد علي ويريح قلبي ،،

[سمو الأنوثة]

السلام عليكم ورحمه الله وبركاته..

ابغى رأيكم في بطاقة الصراف

والله اني ماصدقت اطلعها وتتفعل

بس قدر الله علي اني ضيعت ورقة الرقم السري

والحين محتارة مدري وش اسوي

ناوية اروح بكرة الصباح للضمان

بس ابغى اعرف تطول الشغلة او اطلعها في نفس الوقت

والله ماعاد فيني اقعد انتظر كم يوم لين يطلعونه

والله فيني هم ماتتخيلونه عشان هالرقم الي ضاع

هالبطاقة انذليييت لين طلعتها:icon_crying:

والمواصلات عندي صعبة ويالله دبرتها بكرة

واخاف لو اروح يقولون ارجعي بعد كم يوم :icon_cry:

والرقم الي يعطوني اياه اقدر اغيره واحط رقم من عندي عشان يسهل علي حفظه



تكفووون ردي علي الله يسعدك ويوفقكم دنيا واخرة

 

[سمو الأنوثة]

رد: الله يجزاه الجنة من يرد علي ويريح قلبي ،،

وفيه سؤال بعد،،،

وش الاوراق المطلوبة مني عشان اطلع رقم سري جديد؟؟؟

هل يطلبون مني صك الطلاق وكرت العائلة للوالد؟؟

او بطاقة الضمان وبطاقة الاحوال تكفي؟؟

 

[ضوء القمر]

رد: الله يجزاه الجنة من يرد علي ويريح قلبي ،،

وعليكم السﻵم

بالنسبه لتغيير الرقم السري تقدرين عن طريق الصراف وتضعين خيار تغيير الرقم السري ...

بالنسبه لنفس اليوم يعطوك الرقم ملعندي علم بس مادام بتروحين بكره أخذي كل الأوراق كأنك أول مره تقدمينإحتياط علشان ماترجعين فاضيه

بالنسبة للهم ادري شي يضيق الصدر بسبب الروتين والاجراءات بس الله يفرجها ويكون في عونك

اتمنى أفدتك والبقيه اللي عندهم علم ماراح يقصرون

تحياتي أخوك ضوء القمر

 

[عبدالله مبارك شعيب]

رد: الله يجزاه الجنة من يرد علي ويريح قلبي ،،

شوفي اشغلة ماتطول ان شاءالله بس يطلبون اثباتك وبطاقة الضمان بس والله يوفقك تري تاخذين الرقم الجديد بسرعة في نفس الوقت

 

[أهداب متقاعد]

رد: الله يجزاه الجنة من يرد علي ويريح قلبي ،،

الله ييسر امرك

 

[محمد العمري]

رد: الله يجزاه الجنة من يرد علي ويريح قلبي ،،

أسأل الله ييسر أمرك ويفرج كربك ويرزقك ويغنيك بالدنيا واﻷخرة وكل محتاج من المسلمين ،،

 

[سمو الأنوثة]

رد: الله يجزاه الجنة من يرد علي ويريح قلبي ،،

رحت لهم اليوم ولا استلم الرقم الجديد الا بعد اسبوعين

الله يصبرني

كله رقم سري ليش مايعطوني في نفس الوقت ويريحوني


الله يعطينا الصبر

 

[سامي]

رد: الله يجزاه الجنة من يرد علي ويريح قلبي ،،

مالك الا الانتظار ولا تخافين ان المبلغ راح يطير لانه موجود وراح تستلمينه كامل واكيد عليك ملتزمات ومصاريف لكن اعتبري هذا الاسبوعين درس لك لكي تحتفظين اكثر وتحاولين ان تكوني مهتمه اكثر بموضوع البطاقة والرقم السري واجعلي تعبك بطلوع البطاقة والرقم السري نصب عينك وتذكريهم لكي تجدين حلاوة الاعانة لديك والاحتفاظ بالبطاقة والرقم أكثر فأكثر .

* هل تعلمين يا اختي أول مرة استلم البطاقة كيف احتفظت بالرقم السري ( كتبته بخط كبير وعريض داخل الدولاب حقي وذلك لحرصي على اموري لان كما قلتي ماطلعت هذا البطاقة الا بطلعت الروح كما يقال .

 

[معاند الضيم]

رد: الله يجزاه الجنة من يرد علي ويريح قلبي ،،

اصبري واحتسبي الاجر

ما تدرين وش الخيرة فيه
انا مثلك لما اخذت البطاقه حقت التأهيل غيرت الرقم السري لرقم متعود عليه وحافظه
حتى ما يصير لي الي صار لك الان

لكن تساهيل انسيها والايام تمشي بسرعه

 

[سمو الأنوثة]

رد: الله يجزاه الجنة من يرد علي ويريح قلبي ،،

اشكركم اخواني

بارك الله فيكم وجزاكم كل خير

واكيد الي صار درس علمني

والله يعين الجميع