الله يخليكم ردو علي بسرعـــــــــــــــــة

[قطرة ندى]

السلام عليكم ورحمة الله
اسعد الله مساكم
/
/​

أنا معاقة وماعرفت عن الاعانة الا قبل سنتين وبعد الفحص صاروا يعطوني) 2000 ريال( مع إني أتوقع حقي اكثر خصوصا اني معاقة من عمري 3 سنوات . ومن خلال تصفحي للمنتدى قراءت عن الضمان او الاعانة الشهرية بس مدري لي حق فيها ام لا وكمان سمعت عن بطاقة المعاق تبع التخفيض وكيف احصل عليها لان ماعندي غير بطاقة مركز التأهيل"الوردية" الي فيها معلوماتي ونوع الاعاقة الي يوقعون عليها كل سنه وهل لي تعويض عن السنوات الي ما أخذ ت فيها اعانه تقريبا 20سنه (لانه في الجامعة مركز للمعاقين يقدم بدل اعاقة شهرية وما دريت عنه الا بعد سنه ونص من الدراسه ويوم رحت وسالتهم قالوا انهم بيعطوني تعويض اذ ثبتت الاعاقة قبل دخول الجامعة بس لازم اروح المركز التأهيل واخلص لهم بعض الاوراق ويوم رحت للمركز قالوا لو أخذتي اعانة من الجامعة بيقطعون عني اعانة الشؤون " وش رأيكم احترت من اختاراعانة الجامعة ولا المركز ومش عارفه بعد ما تخرج كيف برجعون لي الاعانه بسهوله ولا لازم تقديم من جديد على المركز ولا ماعاد يعطوني اعانه"
وكمان حابه اسأل عن التقرير الطبي إلي يطلبونه في المركز هل يكون تقرير يثبت الاعاقة فقط. ولا الحالة الصحية بشكل عام لاني يوم رحت للمستشفى وطلبت التقرير بالعافية وافقت الدكتورة تعطيني وقامت تستفزني وتقولي جايه بس تبغي الفلوس ,واعطتني تقرير يثبت الاعاقة بس ،مع ان عندي ضعف بصر وانحناء بسيط في العمود الفقري والتهاب في الكلى بس ما وضحت كل هذا بتقرير............... لوكان علي ماخذت الاعانة ماتسوى 2000 في السنة بس رضا لوالدي الله يحفظه يقول هذا حقك ولازم تاخذينه لانه كبير في السن وخايف على مستقبلي يقول بشتري لك عمارة من عندي وانا اعطيه الفين الاعانة كسداد للدين "هذ موبخل منه علي بس علشان العدل بيني وبين اخواني"
اعذروني السالفة طويلة بس ياريت تردون علي بسررررررررررعـــــــــــــــــة.
ولـــــكـــــــم خـــالـص الشكــر.

 

[نواف]

رد: الله يخليكم ردو علي بسرعـــــــــــــــــة

وعليكم السلام ورحمة الله وبركاته

الله يسعد ايامك

بالنسبة للشلل النصفي
1- صرف اعانة شهرية تقريباً 740 ريال ، عن طريق الشؤون الأجتماعية، عبارة عن صراف آلي لبنك الراجحي
2- اعانة سنوية قيمتها 5000 ريال، هذا بالنسبة للشلل النصفي وكل ما زادت الإصابة زادت الإعانه
في السابق كان قريب من المبلغ وقام الملك فهد رحمه الله وغفر له بتخفيضها لـــ 3000 ريال
وبعدها رجعت لـــ 5000 ريال

والاجراءات تتم عن طريق التأهيل الطبي والشؤون الاجتماعية هذا بالنسبة لمنطقة حائل والله اعلم

واتمنى من الاخوه والاخوات اللي عنده معلومه يفيدك

 

[فالح عبدالله الهاجري]

رد: الله يخليكم ردو علي بسرعـــــــــــــــــة

ايه لك حقوق كثيره
بس الجامعه هل مازلتي فيها الى الان


اول شئ الضمان قدمي عليه الاسبوع هذا واذا قدمتي تعالي هنا
على شان تقدمي على مركز التأهيل الشامل اللي يعطون اعانات سنويه

الان اصغر اعانه 10 الاف ريال بالسنه
الجامعه لااعلم عنها
ولا يمنع تقدمي عليهم واذا لك اسم عندهم اطلبي زياده الاعانه لانك لستي موظفه والجامعه خلصتي منها ومركز التأهيل يصرف لك بطاقه تخفيض وبطاقه مواقف سيارات
ياليت توضحين وضعك الان طالبه ولا بالبيت
وضحي اكثر حتى يتم التوجيه المناسب ان شاء الله

 

[قوة الإرادة]

رد: الله يخليكم ردو علي بسرعـــــــــــــــــة


عندنا انظمة تسد النفس و تقد اللي ما يتعقد

يعني الحين البنت معاقه قدام العين وكل واحد يرمي على الثاني

والدكتوره هذي اللي رفضت تعطيك التقرير وتقول جايه بس علشان الفلوس

اقول لها الله انتي مو قد المكان اللي تشتغلي فيه والله يبلاك في اقرب الناس لك عشان تعرفين قد ايش احنا نعاني

مو كافي ان المبلغ الفين ريال والله ما يكفي شهر مصاريف وكمان يذلونا فيه

حسبي الله ونعم الوكيل

 

[قطرة ندى]

رد: الله يخليكم ردو علي بسرعـــــــــــــــــة

مشكورين على المروووررر اخواني
انا مصنفين اعاقتي بالبسيطة واخذ اعانة 2000 بالسنة وبس يعني ماخذ شيء غيرها
ورحت لضمان وقالوا لي هذا تبع المطلقات و الارامل ومالك شيء عندنا فأنا مدري اذا كانت الاعانة الشهرية تصرف للذكور فقط ولا للاناث حق فيها واذا لي حق فيها الى مين اقدم .

• هل لي تعويض بالسنوات الي مااخذت فيها اعانة.

اخوي الهاجري:
الان اصغر اعانه 10 الاف ريال بالسنه/ الي انا سمعت انها صارت 4000الاف بالسنة بدل ما كانت 2000
الجامعه لااعلم عنها

ولا يمنع تقدميعليهم واذا لك اسم عندهم اطلبي زياده الاعانه لانك لستي موظفه والجامعه خلصتي منهاومركز التأهيل يصرف لك بطاقه تخفيض وبطاقه مواقف سيارات/ رحت احدث بيانتي قبل اسبوعين في مركز التأهيل وطلبت منهم يزيدون الاعانة بس رفضت الطبيبة الي عندهم .
• "من مين اطلب الزيادة وكيف"
• هل بطاقة التخفيض تختلف عن بطاقة مركز التأهيل"الوردية" الي فيها معلوماتي ونوع الاعاقة الي يوقعون عليها كلسنه .لاني اتصل على المركز بس ماحد يرد
ياليت توضحين وضعك الانطالبه ولا بالبيت/ انا لسه بالجامعة بقي لي سنه ونص واتخرج إن شاء الله.


الله يعطيكم العافية ارشدوني مالي الا الله ثم انتم لان ماعندي اخوا كبير بس اثنين بالمتوسط وابوي كبير ومشغول وماودي اتعبه لين اتأكد.

 

[مُعان]

رد: الله يخليكم ردو علي بسرعـــــــــــــــــة

[align=center]
الله يبشر الاخوان بالخير
بصراحة اتوقع انه حقك فقط بمضاعفة الاعانة السنوية
لتصبح بدل 2000 ريال 4000 ريال تلقائيا ومن نفس الجهه اللي كانت تصرفة بالسابق والدكتوره بمركز التأهيل ليس لها دخل في مقدار الاعانة
وانما يحددة التقرير الطبي اللي تحصلين عليه من المستشفى او المدينة الطبيه اللي تم تحويلك عليها
تصرف لك حتى تتوظفين ويتجاوز راتبك الشهري 3000 ريال حينها يقطع
ولان اعاقتك بسيطة وليست شلل نصفي او رباعي او كامل فلن يصرف لك الضمان شيئ
ولا تنسين تاخذين بطاقة تخفيض اجور اركاب معاقين بواقع 50% من السعر الاساسي لجميع الرحلات الداخليه
والله يرزقك من واسع فضلة ويبارك لك في رزقة
[/align]