الله يخليكم ساعدوني

[ابو يوسف شوايه]

السلام عليكم ورحمة الله وبركاته

اول شي احب اشكر ادارة الموقع على هذا المنتدى الرائع جزاكم الله كل خير

وعندي استفسار مهم جدا جدا جدا والله يخليكم ساعدووني ووضحولي

انا معاق بشلل رباعي

متزوج ولدي ولد ولله الحمد

استلم من الضمان انا وزوجتي وولدي 1386 واحيان يكون 1400

واستلم من التأهيل الشامل 1666 شهريا طبعا

وكلمني صديق عزيز علي وقال لي بسجلك بالتامينات ويعطوونك راتب وانت جالس ببيتك

قلت له جزاك الله خير وسالته هل يقطعون عني الضمان الشهري؟

قال اللي اعرفه لو تاخذ من التامينات اكثر من 3000 الاف يقطعوون عنك الضمان

بس 2000 ريال ماضن يقطعونه

قلت له متاكد انت ولا تخمين؟

قال روح تاكد انت عشان ترتاح بالمره

وانا ياحبايبي ابي اعرف هل يقطعوون عني الضمان الشهري؟

لاني والله اعاني من هالمصاريف شغاله حبشيه تاخذ 1300 ريال والمولود مصاريفه كثير

يااااااليت تعطووني الخبر الاكيد باسرع وقت ممكن جزاكم الله جنات النعيم

اخوكم

علي يحيى شوايه


ابو يوسف​

 

[قاهر اليأس]

رد: الله يخليكم ساعدوني

اخوى العزيز صديقك صادق بكلامه ترى بس الضمان وقتها راح يشوفون اذا انت تعديت الحد الاقصي راح يحسبونها وينقصون لك من الاعانه الشهريه لانك تستلم من التامينات مايقطعون عنك الضمان لا بس راح يقل الضمان ماتمشيلك نفس الاعانه الاوله اذا انت تعديت الثلاث الالاف طبعا يبدون يحسبونها ويقللون من اعانتك .. وانا بينى وبينك لو مكانك اخذ من التامينات وخل يقللون من الضمان لان التامينات ماراح يجيك اقل من ثلاث الاف وبنفس الوقت يمشيلك من الضمان ولو انه صار اقل بس ماعليه ويمشيلك من التاهيل والحمد لله يارب نعمه كريم .

 

[بنت السعودية]

رد: الله يخليكم ساعدوني

http://fatwa.islamweb.net/fatwa/index.php?page=showfatwa&Option=FatwaId&Id=206899

 

[ابو يوسف شوايه]

رد: الله يخليكم ساعدوني

اخوى العزيز صديقك صادق بكلامه ترى بس الضمان وقتها راح يشوفون اذا انت تعديت الحد الاقصي راح يحسبونها وينقصون لك من الاعانه الشهريه لانك تستلم من التامينات مايقطعون عنك الضمان لا بس راح يقل الضمان ماتمشيلك نفس الاعانه الاوله اذا انت تعديت الثلاث الالاف طبعا يبدون يحسبونها ويقللون من اعانتك .. وانا بينى وبينك لو مكانك اخذ من التامينات وخل يقللون من الضمان لان التامينات ماراح يجيك اقل من ثلاث الاف وبنفس الوقت يمشيلك من الضمان ولو انه صار اقل بس ماعليه ويمشيلك من التاهيل والحمد لله يارب نعمه كريم .

جزاك الله كل خير على ردك والله يطمنك يالغلا

 

[ابو يوسف شوايه]

رد: الله يخليكم ساعدوني

http://fatwa.islamweb.net/fatwa/index.php?page=showfatwa&option=fatwaid&id=206899

اولا جزاك الله كل خير

بعتبرها نصيحه منك

بس يا اختي بصراحه مشايخنا كل واحد منهم يفتي حسب مزاجه

والله يعلم بحوالنا وضروفنا وان شاء الله مانكوون عايشين على فلوس حرام

وشكرا لك ع النصيحه

 

[سامي]

رد: الله يخليكم ساعدوني

الحالة صعبة والمعيشة ضنكه والمصاريف كل يوم بزيادة ولا يحس بذا الوضع الا المعاق والمحتاج ومن يعيل اسره وهذا اخوكم ربي يشفيه ويعافية ونحن معه يقول لكم هو مصاب بشلل رباعي والمبلغ الي يستلمة من الضمان مع التأهيل يقارب 3000 ريال فقط ولدية مصاريف كثيرة والله اعلم بها وحابب يزيد من دخلة لكي يقدر على اعانة نفسة هو وعائلته وهناك من البشر ياتي ويضع له عراقيل وكانه يقول اذهب لطرق أخرى والعياذ بالله اي اسرق او تسول امام المساجد وبالطرقات او امور اخرى وكانه لايعلم ان هناك من بعض الجنسيات كل يوم تنهب وتسرق من الخيرات وتحول مبالغ طائلة كل يوم وابن البلد محارب من أهل البلد انفسهم ولو يشاهدون الاجانب كيف تعاونهم وتكاتفهم مع بعض بالتجاره وكسب المعيشة ولكن ما نقول الا الله المستعان