اللجوء السياسي ... ( قصيدة حلمنتيشية )

[ابو علي محسن]

منتديات المرقاب الادبية
اللجوء السياسي
فيصل السواط​

لقد شاهدت لي فلماً ت جاري = شغل هوليود والشعب الحضاري
وفكرتُهُ بأنّ الشخص منّا = بإمكانه يسافر بالأتاري
ويخترقُ الزمان بأي وقتٍ = ويرجع لايّ عصر ان جاه طاري
واثرني قد نعستُ ولستُ أدري = وقد روّحتُ في الأحلام ساري
وإذ بي في ثرى (الحمراء) أمشي = مشخّص راكب الجيب السفاري
وترمقني النواظر باندهاشٍ = غريباً لستُ في أهلي وداري
تكأكأ كلُّ من بالحي حولي = وكنّ الربع كانوا في انتظاري
وقلت الهم سلام الله عليكم = ولم اعرف يميني من يساري
تلاقفني الرجالُ بدون ذنبٍ = وشالوني على القصر الوزاري
وجابوني لـ طارق بن زيادٍ = رئيس الأندلس رمز الضواري
فقال حللت اهلاً في بلادي = وقلت الك البقا يابو مشاري
فقال اسكت ولا تنطق بكلمة = بلاشي تريقه ياخنفشاري
وقلت امزح معاك هداك ربي = فقال اذا بتمزح شوف غاري
وقلت ابشر بكل اللي تريده = تقبّل ايها الأسد إعتذاري
فقال احكي لنا من أين قادم = ومن تك ياغريباً باختصاري
وقلت الله يديمك معك فيصل = سعوديٍ من عتيبه مساري
مواطن من عرب شبه الجزيره = بدو بلشوا مع العصر الحضاري
عرب لكنّ مافيهم عروبه = قلوبٍ خضر وعقولٍ صحاري
وانا جاي اطلب لجوءٍ سياسي = من الوقت الذي ضيّع مداري
فقد كنتم اسوداً في البرايا = واصبحنا عصافير و قماري
وكنتم خير من ركب المطايا = واصبحنا مطايا للهواري
وكنتم تأكلون المجد أكلاً = وحنا ناكل الرز البخاري
وكنتم تنفقون المال حباً = وحنا نبيع اخونا بالمصاري
وكنتم مسلمون بلا قبيله = وحنا ياعتيبي يا مطاري
سيوفكمُ على الأعداء فخراً = وحنا لا سيوف ولا شباري
هدفكم روس أعداء العقيده = وحنا اهدافنا روس الجواري
نبيّ الله يُشتم في أوروبا = وكلٍ راح ماكنّه بداري
وحتى لو درينا !وش نسوي ؟ = ضعوف ولا على المسكين زاري
ولا معنا سلاح الا القصايد = مثل من دق فالحادث بواري
رحمك الله ياعهد الصحابه = يابو بكر ويابو ذر الغفاري
ياطارق لاتسل عني فإني = اذا عبّرت قالوا انتحاري
فساحت دمعةٌ من عين طارق = تعبّر عن شموخي وانكساري
فقال ارجع بلادك يابن عتبه = وعش بين الأزقة والحواري
فوالله الذي لارب غيره = ستُبطي عظم ماتسكن دياري
فأنتم تستحقون المذله = ظمئتم عزةً والنهر جاري
فعودوا في ذرى الإسلام يوماً = ويُكشف بعد ليلكمُ النهارِ
واثرني كنت راقد واحلم اني = وانا ماغبت عن وقتي وداري
صحيت وكنترولي في يديّه = خساره ! فاتني الفيلم التجاري