اللي أرسل برقيه ورد عليه الديوان يرد الله يوسع رزقه

[عابرة الصعاب]

السلام عليكم ورحمة الله وبركاته
أنا ارسلت برقيه لملك عبدالله الله يحفظه لمنحة ارض يوم السبت الماضي .... واليوم اتصلت على الديوان الملكي علشان اتابع معاملتي قال لي الموظف بعد ثلاثه اشهر اتصل واسأل عنها
ليش ماني عارفه ....
انتم صار لكم كذا
أرجو انكم تفيدوني
وهل يحق لي ارض وانا معاقه ومتزوجه ؟؟؟؟

 

[ام خالد]

رد: اللي أرسل برقيه ورد عليه الديوان يرد الله يوسع رزقه

الله يسهلك امورك ويوفقك

مادام انت معاقة اعتقد يحق لك الطلب والمنحة

.......

 

[عابرة الصعاب]

رد: اللي أرسل برقيه ورد عليه الديوان يرد الله يوسع رزقه

شاكره مرورك أختي ام خالد

 

[قاهر اليأس]

رد: اللي أرسل برقيه ورد عليه الديوان يرد الله يوسع رزقه

الله اعلم ان لك حقوقك طالما معاقه .. الله يرزقك ان شاء الله اختنا عابره .. تقبلى مرورى

 

[عبدالرحمن]

رد: اللي أرسل برقيه ورد عليه الديوان يرد الله يوسع رزقه

مـــوفقـه ان شاء الله ..
لكل مواطن حق في .. شسمه:bored:
الـ .. التقديم على منحه .. لكن الكل شايله هم : وين تقع و .. إلـخ
.. و الف مبروك مقدما :w00t:

 

[عابرة الصعاب]

رد: اللي أرسل برقيه ورد عليه الديوان يرد الله يوسع رزقه

مشكووووورين على المرور
لكن هل فعلآ بعد ثلاثه اشهر يصير لي معامله ولا موظف الديوان يبي يصرفني وتروح علي
أرجو افادتي بارك الله فيكم

 

[الأسيف]

رد: اللي أرسل برقيه ورد عليه الديوان يرد الله يوسع رزقه

[align=center]
أختي الكريمة المعاملة تحتاج وقت ..
وأنا سبق أن أرسلت لهم ، وأعطوني الإجابة النهائية على البرقية بعد
أربعة أشهر تقريبا

بالنسبة للمعاقة المتزوجة إن شاء الله يكون لها منحة

والله ييسر أمورك
،
،
،
[/align]

 

[قلب عصفوره]

رد: اللي أرسل برقيه ورد عليه الديوان يرد الله يوسع رزقه

نا صارلي من جماده الثاني مقدمه برقيه وكل متصل عليهم قالوا راجعينا بعده فتره واخر مره كلمني الموظف قال لازم يمر 5 او 6 شهر على ماتتسجل البرقيه في النظام

المهم الله يرزقنا ويرزق الجميع ويفرح قلبك وقلبي قريب

 

[عابرة الصعاب]

رد: اللي أرسل برقيه ورد عليه الديوان يرد الله يوسع رزقه

مشكوووورين الله يرزق الجميع يارب ويفرح قلوبنا

 

[همس القطان]

رد: اللي أرسل برقيه ورد عليه الديوان يرد الله يوسع رزقه

اكيد يحق لك يا اختي بس وربي اني مقدمة برقية صار لي خمس سنوات وتعبت اراجع وبلا فايدة لو عندك واسطات راح تاخذين طلبك الله يوفقك يا رب..

 

[مرح]

رد: اللي أرسل برقيه ورد عليه الديوان يرد الله يوسع رزقه

انا ودي اقدم على المنحه بس ابيها سكنيه؟اقدر وشلون الطريقه؟مع العلم اني متزوجه ؟وشلون آصل الديوان؟وكم رقمه؟ارجو افادتي ؟وجزاكم الله الجنه......

 

[عابرة الصعاب]

رد: اللي أرسل برقيه ورد عليه الديوان يرد الله يوسع رزقه

انا ودي اقدم على المنحه بس ابيها سكنيه؟اقدر وشلون الطريقه؟مع العلم اني متزوجه ؟وشلون آصل الديوان؟وكم رقمه؟ارجو افادتي ؟وجزاكم الله الجنه......

هلا فيك أختي مواطنه
اول شئ ترسلين برقيه لديوان الملكي وتطلبين فيها منحه سكنيه بس ياأختي ما عندي علم ان كان يعطون او لا وبالنسبه لرقم الديوان الملكي هو 4835555
وبالتوفيق ان شاء الله

 

[مرح]

رد: اللي أرسل برقيه ورد عليه الديوان يرد الله يوسع رزقه

اختي عابرة الصعاب.وشلون اكتب البرقيه.انا مااعرف شئ؟ وهالرقم هذا ادق عليهم او للرسائل؟انا آسفه اخني ازعجتك؟

 

[فارس الخبر]

رد: اللي أرسل برقيه ورد عليه الديوان يرد الله يوسع رزقه

لله يكتب لنا الجنه يارب

انا ان شالله برسل - هاليومين

بس السؤال المهم

اذا قدمت تنتظر 3 او 6 شهور وتصرفلك مباشرا

او ترسل معاملتك الى الجهه المسؤله في منطقتك

مثل هيئة الاسكان في منطقتك- للمسااكن
البلدية او الامانه في منطقتك - للاراضي


ويضعونك في قائمه الانتظار

وبعد 15 سنه تطلعلك



اتمنا الاجابة من الناس الي جربت ​

 

[فورد.]

رد: اللي أرسل برقيه ورد عليه الديوان يرد الله يوسع رزقه

انا اليوم كلمت الديوان ورد علي شخص في الساعه 9.15صباحا وعطيته رقم معامله من عام 28 وقال لي الاخ ما بعد صار عليها شي وبعدها قال لي عندنا تعليمات عليا تقول يا المعاقين لا عاد تدقون علينا الا كل 6شهور يا نقوا لك تعال استلم سيارتك يا نقول لك دق بعد 6شهور ثانيه الله اكبر عليهم كم في العمر 6شهور؟؟؟

 

[قاهر اليأس]

رد: اللي أرسل برقيه ورد عليه الديوان يرد الله يوسع رزقه

الله يعين بس يحسبون الى مثل حالتنا فيه حيل يراجع او يتمرمط .. الله يسهلها .. على قولة المثل الشعبى الى يقول >>> فلها وربك يحلها

 

[عابرة الصعاب]

رد: اللي أرسل برقيه ورد عليه الديوان يرد الله يوسع رزقه

اختي عابرة الصعاب.وشلون اكتب البرقيه.انا مااعرف شئ؟ وهالرقم هذا ادق عليهم او للرسائل؟انا آسفه اخني ازعجتك؟

اهلين اختي لا عادي حنا اخوات لازم نساعد بعض
اول شي ترسلين برقيه من موقع الاتصلات السعوديه او من جوالك اذا كان بأسمك ضروري هذا الشي على الرقم 969واتبعي التعليمات وراح يكلمك موظف وقوليله ابي أرسل برقيه للملك طلب منحه سكنيه للمعاقين وخلي معها منحة ارض على الاقل اذا ما جاء البيت تجي ارض :thumbup1:وراح يعطيك رقم البرقيه وهذا مهم احفظيه وبعد كم يوم اتصلي على الديوان وشوفي وش صار على المعامله والله يرزقك ويرزق كل من فى الشبكه ومن قال امين

 

[عابرة الصعاب]

رد: اللي أرسل برقيه ورد عليه الديوان يرد الله يوسع رزقه

صبر جميل ولله المستعان

 

[مرح]

رد: اللي أرسل برقيه ورد عليه الديوان يرد الله يوسع رزقه

والله يا اختي اني بكيت.لو يدري ابو متعب حفظه الله كم هي معاناتي لبكى...زوجه وام واب لزوجي المعاق واطفالي شبه معاقين....الله يفرجها عليك مثل مافرجتيها علي...والله يفرج عن كل اخواني المعاقين والمعاقات...اللهم آآآآآآمين

 

[مرح]

رد: اللي أرسل برقيه ورد عليه الديوان يرد الله يوسع رزقه

اختي عابرة الصعاب اشكرك واشكر كل الاخوان بالمنتدى.الحين عرفت وشلون اقدم على الديوان...الف شكر للجميع والله يوفقكم وينولكم الي بالكم...........