اللي استلم بطاقته يدخل يجاوبني

[أبو التوائم]

السلام عليكم

اليوم رحت للاشراف النسائي بالدمام واستلمت البطاقات الصراف لبناتي وقالوا راجعوا الضمان الاجتماعي للنساء عشان تقابلون موظفة بنك الراجحي عشان الرقم السري وتتفعل البطاقات بعد ثلاث ايام من
مراجعة الموظفه
سؤالي للي استلموا بطاقاتهم هل طلبوا حضور المعاق|ة عند تفعيل البطاقه من موظفة البنك او لا ؟؟

ملاحظه اللي ماراح للاشراف يستلم خذ معك بطاقة العائله الاصل + وبطاقه ولي الامر الاحوال الاصل+وحضور المعاق|ة+وحضور الام والاب مدري ليه حضور الاب لكن زيادة تعقيد تعقيدين

لااا ويوم رحت اليوم التسليم كان القاعه تبع التسليم تصفرررررررر مسوين زحمه بالمواعيد والشارع فاضي

واللي يضحك موظفه هناك بعد التسليم البطاقه حاطينها عشان توصف الضمان الاجتماعي بس ههههه ويوم قلتلها ابي لهم بطاقه معاق قالت لا ماقدر الحين بعد شهرين تجيب صور لهم واسويها الحين علينا ضغط
قالت ضغط هههههههههههههههههههه فاضيه وجالسه تطقطق بالحاسب شكلها تلعب بلوت هههههههههه

الله يعين على هالحريم وظفوهم واستقعدوا لخلق الله

ياريت اللي استلم يرد لي خبر

 

[وتين]

رد: اللي استلم بطاقته يدخل يجاوبني

عااادي الحااال من بعضه حناا قالو التفعيل بعد 7 اياااام
والله يعييييييييييييين

 

[عيسى حياتو]

رد: اللي استلم بطاقته يدخل يجاوبني

والله يالغالي انا استلمت الاسبوع هذا من التأهيل بحفرالباطن وحنا شيوخ جايبين مندوب البنك عندنا في التأهيل تستلم البطاقه بعدين تروح تفعلها بمكتب ثاني بعدين تروح تاخذ الرقم السري

حنا مديرنا عسل لو طلبناه بنك الراجحي كله جابه وحطه في التأهيل ... وجايب لنا الة تصوير وحاطينها فوق الطاوله في الاستقبال مع انها ضخمه شوي بس متعاونين عليها 2

وعليها موظفين اثنين اي شخص يمد يده على طول ياخذونها تشك تشك تصوير وروح الله معاك ... وشخص مبتسم 24 ساعه في وجه مراجعيه ونفسه حلوه

 

[الريم نجد]

رد: اللي استلم بطاقته يدخل يجاوبني

نوع الاعاقة : تاخر نمو جعلها فيني ولا فيكم يابناتي
والله اني وقفت عاجزه امام هذه الكلمة ما اكبر قلبك ونعم الاب الله يسعدكم ولايحرمكم من بعض الله
يرزقك بالذرية الصالحة المتعافين عاجلاًغير آجلاً ...
اخوي والله كذا طريقتهم يشرشحون عشان هل البطاقه حسبي الله ونعم الوكيل تدري الموظفات كانهم هم الى بيعطون من حسابهم تكلمك من طرف خشمه رجال اذاعندك معاملتك عندهم يخلصونه اماالحريم قليله حياء الله يوفقك ياربي وييسرامرك

 

[أبو التوائم]

رد: اللي استلم بطاقته يدخل يجاوبني

اشكر مروركم جميعا

اختي الريم نجد الله يجزاك الخير على هالدعوه والحمدلله على كل حال عندي سجاوي ومهاوي الله يشفيهم ومرضى المسلمين يارب وعندي ثموري وحمودي اصحاء والله يصلحهم ويطرح فيهم البركه