اللي تجاهل حقنا

[لوذان العبد الله]

ضاقت علينا و ما لقينا بها باب
إلاّ و طقينا عليه و رزحنا​

أبواب ما تفتح لنا جعله أتراب
ناطا عليه لا مشينا و ركضنا​

و عسى الصقه لسماعهم يغرس الناب
و جعل الشلل يسكن بهم ما سكنا​

اللي تجاهل حقنا بكل ما طاب
يوم الحكومة صرحت به لجلنا​

رمى تصاريح الحكومة بلا أسباب
من شأن يورينا بأنه هزمنا​

هو بيننا و بينك مباراة يا ذباب
لو إننا نهمك تحقق أملنا​

لك صورة بإعلامنا كنك ذياب
يومه على الددسن يحمل غنمنا​

الفرق بالنية و قلبٍ معك غاب
ما غير عرق ولا تحس بمللنا​

إلا ولو أنك من وراء حادث تصاب
و تصير بالكرسي دفدف مثلنا​

يمكن تحس بما نحسه من أتعاب
بس للأسف فات القطار و ما ركبنا​

لوذان العبد الله ​

 

[الحنان كله]

رد: اللي تجاهل حقنا

صح لسانك اخوي لوذان كلمات جميله

 

[لوذان العبد الله]

رد: اللي تجاهل حقنا

[align=center]
صح بدنك طال عمرك
وشكرا على مرورك و مشاركتك
[/align]

 

[رجآوي]

رد: اللي تجاهل حقنا

[align=center][table1="width:95%;"][cell="filter:;"][align=center]
صح لسانك خيوو..
يعطيك الف عافيه
[/align][/cell][/table1][/align]

 

[لوذان العبد الله]

رد: اللي تجاهل حقنا

[align=center]
صح بدنك راجية
[/align]