المملكه عندنا غير

بنت مكة

عضو مشارك
[align=center][table1="width:95%;"][cell="filter:;"][align=center]
بعض من ابيات الشاعر حامد زيد في المملكه

اسأل الله ان يحمي هذا البلد


لأن قدر المملكه عندنا غير
المحترم يفرض عليك احترامه


واللي يوفي بألتزامه مع الغير
عيب علينا ما نحفظ التزامه


ياجارنا اللي ما حصل منه تقصير
يا كبر دروع اهل الجزيره ظخامه


ارض الحرم .مهد الكرم.منبع الخير
طهر الظبا.ستر العبي واللثامه


يا قصة الكوثر ويا زمزم البير
ويا موقع اقدام الخليل ومقامه


اغلى ثرى تاطابه الرجل وتسير
واكثر عباد الله ورع واستقامه


ان كبروا هز الفضا صوت تكبير
ولسجودهم في ناصيتهم علامه


طول اللحا لوقارهم زود توقير
وقصر الثياب ابهم جمال ووسامه


اصحاب نهج ودينهم دين تذكير
وآمالهم تبني وطن من عدامه


لأن العمل يجمع شعوب وجماهير
عمر الجهل ما عز للدين قامه


ومن يدعي الاصلاح لأغراض تدمير
ماظن للرحمه صله بأهتمامه


الموعضه تيسير ماهيب تعزير
وحنا نميز بالحلال وحرامه


ما للهدف من قتل الاطفال تفسير
وصبر على فعل الجرايم غشامه


اكثر من اللي صار وشعاد بيصير
المسأله وصلت حدود الكرامه


مالله خلقنا في سمانا عصافير
والحمد لله مالنا بالرخامه


جهالنا عند المواجه مغاوير
وافعالنا صبر وثبات وجزامه


يوم الظعيف ببالشديده معيثير
حنا ليا ضاقت نطش العمامه


نفزع بوجه المدفع بسيف وبعير
ولا عاش فينا من يرد بكلامه


يامير ما يلحقكم الشك يامير
ولا غيركم يا اهل الزعامه زعامه


الله مدبر فيكم العدل تدبير
ومعكم يسود امن البلاد ونظامه


وإن كان للفتنه على الشعب تأثير
يمكن تزود وحدته والتحامه


الحكم حكم الله ولا فيه تغيير
ودوامكم ياسيدي من دوامه


والله لا عنتر ولا سالم الزير
يقدر يزعزع بأرض الاسلام هامه


هلت على الشعب السعودي تباشير
وقامت على حزب الضلال القيامه

احترامي لك ايها الشاعر الرائع

[/align]
[/cell][/table1][/align]
 
رد: المملكه عندنا غير

[align=center]ارض الحرم .مهد الكرم.منبع الخير
طهر الظبا.ستر العبي واللثامه

قصيدة جـ
rating_5.gif
ـدا رائعة
صح لسان شاعرها
وعلا شان ناقلتها
[/align]
 
رد: المملكه عندنا غير

[align=center]ارض الحرم .مهد الكرم.منبع الخير
طهر الظبا.ستر العبي واللثامه

قصيدة جـ
rating_5.gif
ـدا رائعة
صح لسان شاعرها
وعلا شان ناقلتها
[/align]
مرورك شرف متصفحي كل الشكر
 
رد: المملكه عندنا غير

يسلمووو ام خلودى قصيده طيبه
 

Users Who Are Viewing This Thread (Total: 0, Members: 0, Guests: 0)

Who Read This Thread (Total Members: 1)

عودة
أعلى