المراءه تحسب السنين على كيفها

[محمد علي المطرب]

الجميع يحسب السنين والاشهر والايام عن طريق التقويم الهجري او الميلادي لكن هناك سيدات في مجتمعنا ماعندهم الا حساباتهم الخاص لحظه ساحاول ان اوصل الفكره بهذا الحوار
حصه : وش اخبارك يا منيره
منيره - بخير وين الغيبات
حصه - والله من تزوجت انشغلة ومعاد ادري عن الناس
منيره - تدرين اني من جبت ولدي ( فايز) ماشفتك
حصه _ لا لاتقولين انتي جايتنى يومي بنفاس بنتى ( امل) كنتى حامل بولدك (فايز)
منيره- وش اخبار صديقتنا جواهر من زمان عنها
حصه- ايه اخر مره شفتها قبل زواجي بسنه
منيره - انتي احسن مني هي حضرة زواج اخوي ومعاد شفتها عقبها

وصلت الفكره ههههههههههههه
لاحظ ان التواريخ يازواج ياولاده وغيرها التقويم هذا مايعترفون به
يمكن مستقبلا يقولون غزو الكويت قبل ماجيب بنتى نوير
وحرروها بعد ماطلعت من نفاس ولدي نايف
وجدتي مولوده بعد احتلال فلسطين
وابوي تزوج امي يوم دخل الملك عبدالعزيز الرياض

 

[احلاهم واتحداهم]

ههههههههههههههههه

والله انك صادق وتوني سألت امي كم عمر خالي قالت يوم مات الملك فيصل بثلاث ايام امي جابته
والله كان خاطري ضايق ويوم قريتها فرفشت تسلم ولا تحرمنا جديدك

 

[محمد علي المطرب]

ههههههههههههههههه

والله انك صادق وتوني سألت امي كم عمر خالي قالت يوم مات الملك فيصل بثلاث ايام امي جابته
والله كان خاطري ضايق ويوم قريتها فرفشت تسلم ولا تحرمنا جديدك

الله يوسع خاطرك بالعافيه ويخليلنا الوالده بارك الله لنا في عمرها خيتتتتتتتوه

 

[ألماسة]

تواريخ شي
الله يسلمك على هالمقال

 

[فالح عبدالله الهاجري]

والاولين سنه مات عبدالعزيز وسنه السبله وسنه الطبعه
التاريخ جميل وحفظه اجمل
شكرا يابو علي
اخوك
فالح

 

[الامل الكبير]

يعطيك العأفيه على المقآل
يـآ
_(محمد عـًلـي المطرب)_

تـقـبـًلـوٍوٍ

تـحـيـآ‘إتـي
الآمـل الـكـبـيـرٍ

 

[متفائل]

[align=center]ضحكتنا اضحك الله سنك

جزاك الله خير[/align]

 

[محمد علي المطرب]

الاجمل ردودكم الحلوه الله لايحرمني منكم

 

[الامل المتجدد]

كل خواتي يطلون في وجهي وشفيك تضحكين ويوم اوريهم يقولون صادق حتى بعض الرجاجيل صارو
مثلنا وانا كل الحريم يعرفون ميلادي من موتت الملك فيصل لدرجه احسن ان الملك واحد من اخواني
ههههه وحده تحتك&&

 

[محمد علي المطرب]

كل خواتي يطلون في وجهي وشفيك تضحكين ويوم اوريهم يقولون صادق حتى بعض الرجاجيل صارو
مثلنا وانا كل الحريم يعرفون ميلادي من موتت الملك فيصل لدرجه احسن ان الملك واحد من اخواني
ههههه وحده تحتك&&

الله يرحمه الملك فيصل توفي 1395هجريه

 

[محمد علي المطرب]

رد: المراءه تحسب السنين على كيفها

رفعة الموضوع عشان الاخت بصمه تحب مثل هذه القصص صح؟

 

[الامل المتجدد]

رد: المراءه تحسب السنين على كيفها

من تالي ملاحظه رفعك لمواضيع مغبره
ممكن اعرف ليه

 

[محمد علي المطرب]

رد: المراءه تحسب السنين على كيفها

والله عدم التفاعل خلانا نرجع للمواضيع القديمه اشكوى لله

يالله على يدك عطينا مواضيع جديده