المساعدة المقطوعه

[الهادف]

السلام عليكم ورحمة الله وبركاته

انا من مستحقي الضمان : يعني تستلم ضمان على الشهر واستلم كل شهر من الاعانة
وعندي شلل ربباعي

سمعت عن المساعدة المقطوعه

ورحة اقدم على الضمان الاجتماعي قالولي لازم تقرير طبي انا عندي تقرير طبي لاكن قديم وب الانجليزي وهم يبون تقرير عربي وجديد

رحت لكذا مستشفى رفضو يعطوني ورحت اليوم لمعهد المعاقين اللي في المربع قالو مانعطيك انت منت مسجل عندنا

طبعاً انا ماعندي مستشفى اراجع فيه عشان كذا رفضو كلهم يعطونني تقرير

ارجوكم ساعدوني كيف الحل والطريقة للحصول على تقرير

شااااكر لكم

 

[قاهر اليأس]

رد: المساعدة المقطوعه

يخوى الهادف كيف ماعندك مستشفى طيب انت وين كنت اتعالج اول وكيف التاهيل يقولون لك منت مسجل عندنا وانت تستلم اعانه منهم .. رح للمستشفى الى انت اول اتعالج فيها وخذ منهم تقرير كونك انت اتعالج عندهم ويعرفون حالتك بعدين انت شلل رباعى مستحق الاعانه انا عقدتنى لا مستشفي ولا التاهيل لازم اخوى يعطونك لا تخليهم موب على كيفهم . هذه حقك وغصب عنهم يعطونك تقاريرك .

 

[أم مشآري]

رد: المساعدة المقطوعه

[align=center]المفروض الضمأن نفسهم هم اللي يعطوونك طلب كشف ويوجهونك للمستشفى او الهيئه الطبيه زي عندنا ويسوون الكشف وتوديه للضمان [/align]

 

[تركي المدينه]

رد: المساعدة المقطوعه

يااخوي انا مقدم عليهـا

ماقالولى كشف طبـي ولا شئ

قالولى موعد يوم 27/3 الاربعـاء القـادم

ادخـل على اللجنـه حقت الضمــان وبس

حـاول ترجعلهم لا يصرفووونكـ بس

 

[الهادف]

رد: المساعدة المقطوعه

اخواني الاعزاء والله رحت لضمان وقالولي مانعطيك الا اذا جبت تقرير طبي

كنت اراجع مستشفى الشميسي
ولي الان 12 سنه او اكثر معاد جيتهم تهقون لو اروح لهم بيعطوني تقرير

 

[المعدن ذهب]

رد: المساعدة المقطوعه

السلام عليكم
اول شي الضمان يعطك خطاب اذا مااعاطاك روح راجع الدكتور وخاصتاًاذا كان عندك ملف بمستشفى محدد
اذا ماعندك ترووح الوحدة وتقوله ابي تحويل للمركزي او لدكتور عظام وبعد ماتحصل على الموعد تتدخل وتقوله انك تبي تقرير لحاتك لاتنسى دكتور عظام مو طبيب عام وانشاء الله تتسهل
والله يعينك على التمطيط
بس والله العظيم اذا انك مستفيد مايحتاج عندهم تقرير سابق قولهم يطلعونه ياخوي ادخل على المدير العام بالرياض اذا انك بالرياض او باتصال والله يفيدونك
اتمنالك التوفيق ​

 

[عبدالسلام المدني]

رد: المساعدة المقطوعه

يااخي
الضمان هو اللي لازم نظاما يعطيك خطاب موجه للمستشفى
لانه المستشفى ممنوع عليه يعطي تقارير بدون مثل هذا الخطاب
ارجع للضمان بكره وخليهم يعطونك هذا الخطاب

 

[المعاقه الجميله]

رد: المساعدة المقطوعه

اخي انت مستحق للاعانه المقطوعه ولا عليها كلام

طالما طلب منك الضمان تقرير طبي اذهب الى مستشفى
العام ودخل على المدير وأخبره بالحاجتك
وبعدها الى طبيب العظام والباطنيه
وسوف تحصل على تقرير طبي بحول الله
الله يسهل امورك
وبشرنا اذا سجلت
متمنيه لك التوفيق يااخي

 

[وتين]

رد: المساعدة المقطوعه

الاعاانه هذا خاااصه بس بمستفيدي الشؤون او لا؟؟

 

[الاثير]

رد: المساعدة المقطوعه

السلام عليكم ورحمة الله وبركاته

انا من مستحقي الضمان : يعني تستلم ضمان على الشهر واستلم كل شهر من الاعانة
وعندي شلل ربباعي

سمعت عن المساعدة المقطوعه

ورحة اقدم على الضمان الاجتماعي قالولي لازم تقرير طبي انا عندي تقرير طبي لاكن قديم وب الانجليزي وهم يبون تقرير عربي وجديد

رحت لكذا مستشفى رفضو يعطوني ورحت اليوم لمعهد المعاقين اللي في المربع قالو مانعطيك انت منت مسجل عندنا

طبعاً انا ماعندي مستشفى اراجع فيه عشان كذا رفضو كلهم يعطونني تقرير

ارجوكم ساعدوني كيف الحل والطريقة للحصول على تقرير

شااااكر لكم

اخوي اذا مسجل في التئهيل الشامل التئهيل يعطيك تقرير او نفس التقرير الي معاك وده نفس المستشفى هم يغيرو لك التاريخ تاريخ جديد انا نفس الحاله صارت معاي اتمنى لك التوفيق

 

[خالد الجوف]

رد: المساعدة المقطوعه

الهادف انت من الرياض العاصمة وكل الانظمة والتعليمات تصدر من عندكم
كيف يطلبون منك تقرير بدون خطاب موجة لمستشفي تستفسر عن حالتك
يجب اعطائك خطاب موجة لاحد المستشفيات
واذا الموظف يماطل عليك عليك الذهاب للمدير وبلغة بموضوعك بان المسشفيات ما تستقبلك الا بخطاب
والغريب ذكرت انك تستلم ضمان من عندهم واكيد كان فيه اجراءات متخذة عند البحث لك لصرف الضمان ولديهم ملف عن حالتك كامل

**************
وثاني شي ما فهمت هل يجوز الجمع بين الاعانة والضمان والمساعدة المقطوعة اتمني الافادة من لدية خبرة

​

 

[قاهر اليأس]

رد: المساعدة المقطوعه

خالد الجوف يجوز الجمع بينهم هذى اعانه مقطوعه تصدر كل ثلاث سنوات وسمعنا انها تصدر الان كل سنه وهى اصلا اتقررها لك الضمان يعنى نفسهم الى تستلم منهم ضمان هم الى يعطونك المقطوعه .. موفق

 

[غربة]

رد: المساعدة المقطوعه

السلام عليكم ​

اول شي الضمان يعطك خطاب اذا مااعاطاك روح راجع الدكتور وخاصتاًاذا كان عندك ملف بمستشفى محدد
اذا ماعندك ترووح الوحدة وتقوله ابي تحويل للمركزي او لدكتور عظام وبعد ماتحصل على الموعد تتدخل وتقوله انك تبي تقرير لحاتك لاتنسى دكتور عظام مو طبيب عام وانشاء الله تتسهل
والله يعينك على التمطيط
بس والله العظيم اذا انك مستفيد مايحتاج عندهم تقرير سابق قولهم يطلعونه ياخوي ادخل على المدير العام بالرياض اذا انك بالرياض او باتصال والله يفيدونك​

اتمنالك التوفيق ​

هل لازم طبيب عظام وليش هو بالذات

 

[الدحمي]

رد: المساعدة المقطوعه

أخوي الهادف في مستشفى بالرياض يعطيك تقرير ومعتمد لدى الضمان ( مدينة سلطان بن عبالعزيز للخدمات الانسانية ) الي على طريق القصيم بس قيمة الكشف150 ريال تروح لهم وتفتح ملف وتطلب عيادة التأهيل أو عيادة المخ والاعصاب يحجزوا لك موعد وهات تقريرك القديم علشان يشوفه الدكتور ويكتب لك تقرير جديد ولوتطلب الترجمة للعربي يترجموه لك

 

[خالد الجوف]

رد: المساعدة المقطوعه

خالد الجوف يجوز الجمع بينهم هذى اعانه مقطوعه تصدر كل ثلاث سنوات وسمعنا انها تصدر الان كل سنه وهى اصلا اتقررها لك الضمان يعنى نفسهم الى تستلم منهم ضمان هم الى يعطونك المقطوعه .. موفق

انا اقصد من عمرة اقل من 18 سنة هل يحق لة اعانة ومساعدة مقطوعة او لازم يكمل عمرة 18 سنة
جزاك الله خير ورحم والديك

 

[ابو انس]

رد: المساعدة المقطوعه

[align=center]
يااخي
اولا :الضمان هو اللي لازم وبالنظام يعطيك خطاب موجه للمستشفى
ليعرفو حالتك الصحية وهل انت مستحق او لا
ثانيا :وينك عايش انت بالمريخ والا وين يالحبيب شكلك قاعد توصي ناس يجيبو لك تقرير وانا نايم لان كلامك غير معقول ابدا
الفرصة لا تفوت عليك حتى لو وصل الامر للشرطه
تحياتي لك
[/align]

 

[وتين]

رد: المساعدة المقطوعه

انا اقصد من عمرة اقل من 18 سنة هل يحق لة اعانة ومساعدة مقطوعة او لازم يكمل عمرة 18 سنة
جزاك الله خير ورحم والديك

نفس السؤال

وفقط من مستفيدي التاهيل