المشكله لاصرت .. محتاج .. لإنسان ..

[ابوحمد]

المشكله لاصرت .. محتاج .. لإنسان ...
بالحيل محتاجه وهو ماشقى فيك
والمشكله لأشقيت نفسك على شان ...
إنسان مايسوى تعبك ومماشيك
والمشكله لأعطيت قلبك لخوان ...
همه كذا يلعب .. وثم ٍ يخليك
والمشكله وأكبر قهر إن الاحزان ...
ماتلفي إلا من يحبك ويغليك
والمشكله خلك تجازيه بإحسان ...
ثم تكتشف انه (بغدره) يجازيك
والمشكله لاقال أنا وأنت خلان ...
ولا دار ظهره .. أعرف الخل ناسيك
والمشكله لاطحت بإنسان وإلسان ...
يزعلك مره ثم يرجع يراضيك
والمشكله (موقفك) من صاحب ٍ بان ...
أتفه سبب خلاه يركض يخاويك
والمشكله لاكنت بالحيل مرضان ...
وإدواك مع خلك ويرفض يداويك
والمشكله لاكنت بالحيل ولهان ...
ودك بقربه.. بس !! ماوده يجيك
والمشكله لاكنت لي حيل شفقان ...
وتلومني ومدري انا كيف أداريك
والمشكله (وأكبر جريمه) إذا كان ...
خلك يحب إنسان دايم يعاديك
والمشكله لاغنّو الناس يادآآآن ...
والحزن مآلي بالليالي (مخابيك)
وياشينها والله اذا طحت يا (,,,,) ...
بين المشاكل كيف تثبت خطاويك
بس الأكيد أصبر .. ترى الصبر عنوان ...
وأعرف ترى لابد في يوم ينجيك

 

[ابو فواز]

رد: المشكله لاصرت .. محتاج .. لإنسان ..

قصيدة رائعه​

بس الأكيد أصبر .. ترى الصبر عنوان ... وأعرف ترى لابد في يوم ينجيك​

صح اللسان القائل وعلى شان الناقلhttp://m3aq.net/vb/search.php?do=finduser&u=1046&starteronly=1​

 

[إحسـاسي]

رد: المشكله لاصرت .. محتاج .. لإنسان ..

من جد مشكله
ابيات معبره وجميله
يعطيك العافيه ابو حمد
إحترامي وتقديري لك؛؛
​

 

[فيصل الدويان]

رد: المشكله لاصرت .. محتاج .. لإنسان ..

بس لأكيد اصبر ترى الصبر عنوان وعرف ترى لابد في ينجيك
ابيات اكثر من رائعة وصح لسان قائلها وكاتبها الله يعطيك العافية
اخي ابو حمد

 

[عادل الجرباني]

رد: المشكله لاصرت .. محتاج .. لإنسان ..

يعطيك العافيه قصيده جميله ورائعه
فاالى المزيد من القصائد والمشاركات الجميله

مع فائق تقديري واحترامي

 

[تتباشير]

رد: المشكله لاصرت .. محتاج .. لإنسان ..

قصيده جززله
صح لسانك على النقل
لاهنت