يعطيك العافية يا سفير قحطان ..بما ان حقوق المعاقين تؤخذ "غلابا"
امس قلت ابي اشوف هالشغلة وشلون تطلع ...المهم اعطيت كل اوراقي
الثبوتية لاخوي قلت مر الاحوال المدنية بالمحافظة نيابة عني ..
لاني ابي اشوف وش دبرتهم ..عاد الكل عندنا يعرف طبع واخلاق مدير الاحوال
يقول جيته بالمكتب ..وبلغته بالطلب ..ولا سأل عن المعاق وحضوره ..
خذى البطاقة و قال عطن تقريره الطبي واعطاه اياه ..وقال ابي اصلي
واخوي يقول طلعت من عنده واخذت التقرير ونادى علي يبيني ارجع كأنه
احس انه سوى غلط ..واخوي يقول طلعت للمستشفى اختم صورة التقرير
و رجع للاحوال و يوم عطى التقرير المدير قال ...وين وكالتك عليه ؟ ههههههههههههه
قال ما عليه وكالة رجال ..يبين اخلص اوراقه واخوه بالدرجة الاولى ..
قال جب لي وكالة ..ولا تدري رح جب لي مشهد بإعاقته من التأهيل الشامل ..؟
يعني شغلة لكاعة و قلة منفعة وهي شغلة لا تضر ولا تنفع ..؟
المهم يقول اخوي رحت من عنده للمحافظ و صكيته شكوى ومشيييت
واعطاني اوراقي ..وقلت شكرا لك وما نبي نعدل شيء الله يقلع مصغاكم مسؤولين ...؟؟
