الرقم السري: مركز التاهيل الشامل بالرياض ( جابلي الزايدة وفجر سري)

[أبوفهد]

الرقم السري: مركز التاهيل الشامل بالرياض ( جابلي الزايدة وفجر سري)

السلام عليكم ورحمة الله

بعد معاناه استلمت البطاقة الاسبوع الماضي ولله الحمد

وكنت اضن اني انتهيت ولاكن ماهي الا البداية

اليوم رحت الى مركز الضمان الاجتماعي في الغرابي لاستلام الرقم السري بعد مارحت الخميس للوزارة وعلمني السكيورتي وين موقعة

رحت وقالي الموظف روح للوزارة لانه اعتباراً من تاريخ 14/4/1432هـ الارقام السرية لبطاقات الشؤون تصرف من هناك

وقالي انصحك لاتروح اليوم روح السبت الجاي لانه زحمة

قلت ان شاء الله

ومن عندهم انطلقت للوزارة واتجهت لمكتب الاعانات

دخلت على اثنين ما شاء الله تبارك الله كل واحد لحيته واصله تحت الطاولة الي جالس عليها

قلت في نفسي ابشر بالخير ....

قلت لهم انا ابي الرقم السري لبطاقة الصراف الخاصة بابني المعاق

قالي : ولد هو ولا بنت؟

قلت ابني يعني ولد بارك الله فيك

قالي تعال اقرب.

رحت له وانا اطلع القلم علشان اوقع على الاستلام اخخخخخخخخخخ

عطاني ورقة مرسوم علها كروكي وقالي روح لهم الارقام السرية عندهم

قلت له اخر كلام ولا الدعوه اطرك انت وياه الله لايوفقكم دوختوني مابقى مركز ولا وزارة ماجيتها علشان هالرقم لابارك الله فيكم

قال هذا الي عندي تفضل ( يعني انقلع باحترام)

قريت الكروكي مخرج 9 باتجاه الغرب تتعدى الملك فهد وشارع التخصصي بعدة يجي على اليمين قبل جامعة الملك سعود

قلت هي ماسكة اليوم غلط وباروح لو على رجولي عناد فيهم بس

رحت ويا الله وصلت من الزحمة الساعة 1 الظهر

قالوا تعال بكرة او بعد بكرة او تدري تعال يوم السبت

بغى يوقف قلبي قلت لييييش؟

قال والله المندوب حق البنك ما بعد جاء وموعودين يجينا بكرة الاثنين بس اضمن لك تعال السبت يمكن يبدا يصرف الثلاثاء والاربعاء وتكون زحمة

حسبي الله ونعم الوكيل

والله ثم والله اني تعبت تعب وكله علشان ناس لاعندهم ذمة ولاضمير

وكانهم يتصدقون عليك

وما اقول غير حسبي الله ونعم الوكيل​

 

[درب الشقا]

رد: الرقم السري: مركز التاهيل الشامل بالرياض ( جابلي الزايدة وفجر سري)

رد: الرقم السري: مركز التاهيل الشامل بالرياض ( جابلي الزايدة وفجر سري)

كان الله في العون ياغالي
تدري بكره من الصباح سنتر لهم على الباب

 

[الريم نجد]

رد: الرقم السري: مركز التاهيل الشامل بالرياض ( جابلي الزايدة وفجر سري)

رد: الرقم السري: مركز التاهيل الشامل بالرياض ( جابلي الزايدة وفجر سري)

ههههه ياخوي نفس الحاله وربي شرشحونا هل البطاقه قصه معاناه الله يفرج عليك

 

[قاهر اليأس]

رد: الرقم السري: مركز التاهيل الشامل بالرياض ( جابلي الزايدة وفجر سري)

رد: الرقم السري: مركز التاهيل الشامل بالرياض ( جابلي الزايدة وفجر سري)

توك توك يابو فهد ماجاك شى للحين ذكرتنى بذكرياتن ماودى اذكرها معهم لا بدرى عليك تو اذا انتهت البطاقه وتروح تسوى فحص واعادة تجديد اوراق وردد ياليل ما اطولك

 

[وتين]

رد: الرقم السري: مركز التاهيل الشامل بالرياض ( جابلي الزايدة وفجر سري)

رد: الرقم السري: مركز التاهيل الشامل بالرياض ( جابلي الزايدة وفجر سري)

الله يعين

الله يسرررر امررك

 

[زهرة التقى]

رد: الرقم السري: مركز التاهيل الشامل بالرياض ( جابلي الزايدة وفجر سري)

رد: الرقم السري: مركز التاهيل الشامل بالرياض ( جابلي الزايدة وفجر سري)

يفترض يحطون قضيتك وقضيتنا بحلقة من حلقات طاش ماطاش ^_^

الله يعينك

 

[عبدالله الغيلاني]

رد: الرقم السري: مركز التاهيل الشامل بالرياض ( جابلي الزايدة وفجر سري)

رد: الرقم السري: مركز التاهيل الشامل بالرياض ( جابلي الزايدة وفجر سري)

الله يعين
يعطيكم العافيه

 

[أبوفهد]

رد: الرقم السري: مركز التاهيل الشامل بالرياض ( جابلي الزايدة وفجر سري)

رد: الرقم السري: مركز التاهيل الشامل بالرياض ( جابلي الزايدة وفجر سري)

شكرا لمروركم جميعا

ابشركم استلمت الرقم السري بعد معاناة

واتجهت للصراف ووجت مبلغ شهر واحد فقط الي هو شهر 3

وين الباقي ؟؟؟؟؟

مركز الرعاية قالي من يوم اخذت رقم المستفيد

تطمن حتى لو ما استلمت بطاقة الصراف الحين ترى المبلغ محسوب من تاريخ صدور الموافقة ورقم المستفيد

حسبي الله ونعم الوكيل

 

[سمبوسه]

رد: الرقم السري: مركز التاهيل الشامل بالرياض ( جابلي الزايدة وفجر سري)

رد: الرقم السري: مركز التاهيل الشامل بالرياض ( جابلي الزايدة وفجر سري)

حالتي اسوا من حالتك بكثير لي الان ثلاث سنوات ونصف وهم يعطوني بطاقة الصراف والرقم السري غلط

ثلاث مرات تكرررت الحالة واخر شي قالوا خلاص ماعندنا حل للمشكلة وطفشت وجاتني حاله من الجري وراهم والحوسه

والان قررت المطاردة وراهم حتى نجد حل للموضوع ونشوف من سرق الفلوس

حسبي الله عليهم

 

[السندباد]

رد: الرقم السري: مركز التاهيل الشامل بالرياض ( جابلي الزايدة وفجر سري)

رد: الرقم السري: مركز التاهيل الشامل بالرياض ( جابلي الزايدة وفجر سري)

ابو فهد
انا كتبت موضوع اسال فيه عن هالمكان اللي رحت له

قريت الكروكي مخرج 9 باتجاه الغرب تتعدى الملك فهد وشارع التخصصي بعدة يجي على اليمين قبل جامعة الملك سعود

وش اسمه هالمكان ؟؟
لانهم اتصلو علي يقولون تعال استلم البطاقة
وانا محتار ... اروح للتاهيل الشامل اللي قدمت عليهم من اول ... او اروح لهذولي !!؟
شوف موضوعي : http://m3aq.net/vb/showthread.php?t=38421

 

[خطوة تعب]

رد: الرقم السري: مركز التاهيل الشامل بالرياض ( جابلي الزايدة وفجر سري)

رد: الرقم السري: مركز التاهيل الشامل بالرياض ( جابلي الزايدة وفجر سري)

لاستغرب انت بلسعودية وموظفيهاالمخلصين للعمل هههههههه

 

[سمبوسه]

رد: الرقم السري: مركز التاهيل الشامل بالرياض ( جابلي الزايدة وفجر سري)

رد: الرقم السري: مركز التاهيل الشامل بالرياض ( جابلي الزايدة وفجر سري)

اذا تقدر تساعدنا نلاقي الرقم السري للبطاقه لك دعوة بظهر الغيب

 

[سمو الاخلاق]

رد: الرقم السري: مركز التاهيل الشامل بالرياض ( جابلي الزايدة وفجر سري)

رد: الرقم السري: مركز التاهيل الشامل بالرياض ( جابلي الزايدة وفجر سري)

كل شي يجي بـ حــآله وشويّ شويّ

الله يعينكم ويسآعدكم

 

[الاحساء]

رد: الرقم السري: مركز التاهيل الشامل بالرياض ( جابلي الزايدة وفجر سري)

رد: الرقم السري: مركز التاهيل الشامل بالرياض ( جابلي الزايدة وفجر سري)

الله يكون في عونك

 

[مناوي]

رد: الرقم السري: مركز التاهيل الشامل بالرياض ( جابلي الزايدة وفجر سري)

رد: الرقم السري: مركز التاهيل الشامل بالرياض ( جابلي الزايدة وفجر سري)

يعطيك العافية
هل نزلت المكرمه او لا اذا ماعليكم امر

 

[حامد حمود]

تكفون ياجماعه.

تكفون ياجماعه.

السلام عليكم. بطاقة التاهيل انتها تاريخها.هل اقدم منول جديد تقرير طبي ولا يعطوني علا طول .علمآ اني اتعالج بصحه النفسيه.افيدوني الله يجزاكم خير.

 

[غاردينيا]

رد: الرقم السري: مركز التاهيل الشامل بالرياض ( جابلي الزايدة وفجر سري)

رد: الرقم السري: مركز التاهيل الشامل بالرياض ( جابلي الزايدة وفجر سري)

[align=center]

شفت لعبة المتاهه هذا هو حال المراجعين معهم ..!
حسبنا الله عليهم

وصار الحال ألعن من أول بذات بعد المكرمة
لو كانت الأوامر تصدر من قوة الكل يخافها
ماكان هذا التلاعب


والله شيء مُخزي


كان الله في عونك اخي الكريم وفي
عون ابنك الله يوفقك
[/align]