الشرايد تزدّحـم والفكـر صافي

[ابو فواز]

الشرايد تزدّحـم والفكـر صافي
ما بقـى لي غيرترويض الصعيبـه

الهـزل يظهـر وتسفيّـه السـوافـي
والجـزل يبدا شبابه مـن مشيـبه

والأدب وافي وأنـا رجال وافـي
يعتنّي بي كل ما قمـت أعتنّـي بـه

تمشـي الأيّـام وتبـيـن الخوافي
ما لحد صدّه عـن مواجه نصيبه

لي زمان أغفى وأنـا ماني بغافـي
وأبعد الهقوات وتعـوّد قريـبه

الصدور تشاف والا ما تشافـي
والحلوق ترجم النفـس المريبه

ان وقفّت أسرفت وان طحّت متعافي
ما حسبت حساب للذيب وقنيبه

فالدروب وفالبلاد وفالفيافي
مبصر وعميان ربعه تقتدي به

الرجل لا صار يسمع كل هافـي
راحت الدنيا ولا عيّـن صحيبـه

والردى ثوبٍ لجسم اللاش ضافي
والمكارم للرجل حشمه وهيبـه

احترمت أسمي قبـل طرقـي وقافـي
تربيـة مـن كـل ربعـه تعتـزي بـه

من مشى مـع شلّـة الحافيـن حافـي
لو يمجّد لي علومه ويش أبـي بـه !

ما يسوق الضيق للصدر المجافي
غير من يستضعف اللي زاد طيبـه

الأكيد إني ما أحـب أنظـر خلافـي
والغريب إن أغلب العالـم غريبـه

يالسنافي خّـل صاحبـك السنافـي
لا ترد العلـم فيـه ولا تجيـبـه

ذمة الطيّب من الناقـص عوافـي
وذمة الطيّب من الطيّب مصيبـه

مما راق لي

 

[إحسـاسي]

رد: الشرايد تزدّحـم والفكـر صافي

صح لســان قايلها وعلآ شأن ناقلهاا
أبيات راائعه ومعبره

والغريب إن أغلب العالـم غريبـه

سلمت يداك اخي ابو فواز
وشكري وتقديــري لك "​

 

[ابو فواز]

رد: الشرايد تزدّحـم والفكـر صافي

وسلمت يمينك اختنا احساسي
شرفني مرورك الاروع فعلا ابيات معبرة
احترامي وتقديري لك

 

[الصبر]

رد: الشرايد تزدّحـم والفكـر صافي

والردى ثوبٍ لجسم اللاش ضافي
والمكارم للرجل حشمه وهيبـه

احترمت أسمي قبـل طرقـي وقافـي
تربيـة مـن كـل ربعـه تعتـزي بـه

من مشى مـع شلّـة الحافيـن حافـي
لو يمجّد لي علومه ويش أبـي بـه !

ما يسوق الضيق للصدر المجافي
غير من يستضعف اللي زاد طيبـه

الأكيد إني ما أحـب أنظـر خلافـي
والغريب إن أغلب العالـم غريبـه

يالسنافي خّـل صاحبـك السنافـي
لا ترد العلـم فيـه ولا تجيـبـه
الله عليك يابو فواز حفظك الله ورعاك

 

[الثغر الخجول]

رد: الشرايد تزدّحـم والفكـر صافي

ذمة الطيّب من الناقـص عوافـي
وذمة الطيّب من الطيّب مصيبـه

صح لسانك ابو فواز

 

[حموده]

رد: الشرايد تزدّحـم والفكـر صافي

فالك الجنة


---

 

[رايدها]

رد: الشرايد تزدّحـم والفكـر صافي

صح لسن قايلها ومن قال سلام على الدنيا ان لم يكن بها صديق صدوق صادق الوعد منصف



يخيب ظن الآدمي في زمااااااانه
وتخلف به الهفوات في بعض الأصحاب
وتصيركلمات الوفاء في لسانه
أرخص من الكذبه على لسان كذاب
لامن غدر به صاحب له مكااااانه
وش عاد باقي دام في صحبته خاب
الله من طعن الظهر و الخيانه
من كل وقفات الخوي خاطري طاب
كنت أحسبه غلطة صديق وميانه
وحاولت أعديها بلا شرح وحساب
لأني تعودت الوفاء وللأمانه
ماكنت أبلحق صاحبي لوم وعتاب
إلين ماشفت الأذى و اللعانه ..؟!
قررت أوقف ضحكة السن والناب..
ماأرضى على النفس الردى والإهانه
وما والله أذي عزتي للأية أسباب
ياكبر معروف الزمن وأمتنانه
وياكثر ماوقف معي قبل الأقراب
والحين صارت في عيوني حصانه
كل شي واضح مايبي درس وكتاب!
لاخاب ظن الآدمي في زمانه ..
معذور لو عاف الصداقة والأصحاب​

 

[ابو فواز]

رد: الشرايد تزدّحـم والفكـر صافي

وحفظك ربي اخي الصبر
شرفني مرورك الرائع الله يعطيك العافيه
شكري وتقديري لك

 

[ابو فواز]

رد: الشرايد تزدّحـم والفكـر صافي

حياك الله اختنا الثغر الخجول
شرفني مرورك الرائع بارك الله فيك
صح اللسان شاعرها ما انا الا ناقل اسعدك ربي
شكري واحترامي وتقديري لك

 

[ابو فواز]

رد: الشرايد تزدّحـم والفكـر صافي

اللهم آمين
وفالك الفردوس الاعلى
شرفني مرورك الطيب اخي حموده
شكري واحترامي وتقديري لك

 

[ابو فواز]

رد: الشرايد تزدّحـم والفكـر صافي

صح بدانك اخي رايدها
شرفني مرورك الرائع واظافتك الاروع
ابيات جميله جدا بردك تسلم يمينك وبارك الله فيك
شكري وتقديري لك

 

[همووسه]

رد: الشرايد تزدّحـم والفكـر صافي

سلمت أناملك على النقل الجميل
ولا تحرمنا جديدك ي الغالي

 

[ابو فواز]

رد: الشرايد تزدّحـم والفكـر صافي

الله يسلمك اختنا همووسه
شرفني مرورك الرائع بارك الله فيك
شكري واحترامي وتقديري لك