السلاام علييكم ورحمة الله

[عزووز]

بخصوص المعاقين الي بالرياض في احد منكم استلم الرقم السري ومن وين ؟وكيف الوضع زحمة ولاخفيف؟؟ وش الئمطلوب ؟؟




الله يوفقكم ويكثر خيركم ويجعل الجنة مثواكم

 

[أبوفهد]

رد: السلاام علييكم ورحمة الله

نعم اخوي عزووز

انا استلمت الرقم السري يوم الاثنين الي فات

زحمة خفيفة بس يشهد الله اقل من نصف ساعة وانا خالص

موقعهم بجوار جامعة اللملك سعود

وانت على الدائري الشرقي ادخل مع مخرج 9 باتجاه الغرب وتعدى طريق الملك فهد وتعدى شارع التخصصي بعدة يجي مبنى شركة النقل الجماعي على اليمين بعده تحصلهم على اليمين قبل اشارة الجامعة

طبعاً انا اتكلم عن الذكور

 

[عزووز]

رد: السلاام علييكم ورحمة الله

موقع الوزارة؟؟؟

مشكووور وماااقصرررت الله يوفقك

 

[عزووز]

رد: السلاام علييكم ورحمة الله

شبااااااب الريااااااااااض من وييييين اخذ الرقم السرري تكفووون بسررررعععة ؟؟؟؟؟؟؟

 

[ام عائشه]

رد: السلاام علييكم ورحمة الله

يعنى الرقم السرى من مكان والبطاقه من مكان

 

[أبوفهد]

رد: السلاام علييكم ورحمة الله

يا ابو عزوز وش دخل الوزارة؟

1.الوزارة موقعها على قريب من الغرابي او الصناعية

الوصف: وانت على شارع البطحاء عند اشارة البريد السعودي لف يسار باتجاه الشرق بعد ثالث اشاره تحصل الوزارة على يدك اليسار مطل على مجمع الكباري.

المطلوب: لاداعي لزيارتهم.

2. مكان استلام البطاقة قريب من المديرية العامة للجوازات

الوصف: وانت على طريق الملك فهد باتجاة الشمال وخلفك اشارة شارع الوشم قبل ان تصل المديرية العامة للجوازات فيه شارع عرض 30 ادخل معاه تحصل مركز التاهيل الشامل على يدك اليسار موعد تسليم البطاقات يومياً من الساعة 8صباحاً وحتى 12 ظهراُ.

المطلوب : المعاق شخصياً + عدد 2 صور شمسية + اثبات المعاق.

3. مكان استلام الرقم السري للبطاقة بجوار جامعة الملك سعود

الوصف: وانت على الدائري الشرقي ادخل مع مخرج 9 باتجاه الغرب وتعدى طريق الملك فهد وتعدى شارع التخصصي بعدة يجي مبنى شركة النقل الجماعي على يدك اليمين بعده تحصلهم على اليمين قبل اشارة الجامعة.

المطلوب: اثبات المعاق + بطاقة الصرف الآلي + حضور المعاق أو ولي أمره

اتمنى اني افدتك اخوي ابو عزووز