الصمت أبلغ من جميع العبارااات . . .

[هدى المطيري]

صمت الغلا يجرح ولوكان بسكات
.....حتى غصون الحب يقطف ثمرهـا

صمت الغلا في داخلي يكتب أبيات
.....عيت قوافي الشعر تعرف بحرهـا

ماهي قصيده تشتكي نزف اهـات
......ثوره مشاعر ما تحمـل خطرهـا

ياصمت لاتشعل خفوقي بكلمات
.....تفضحني اعيوني بلمحـة بصرهـا

مشاعري مابين روحـه وجيـات
.....واحترت كيف اني أجي وأختصرها

أصدق كلام الحب لاصار دمعـات
.....واصدق دموع الحب لحظة سهرها

مابين لوعات الامل ..عشت لوعات
.....أصبح وأمسي عايشن وأنتظرهـا

فوضة مشاعر من جميع أتجاهـات
.....بس أنهاعربـون حـب أعتبرهـا

أخاف أنـي لا عملـت الاشعـات
....يلقون حزني واضح(ن)في صورها

الصمت أبلغ من جميـع العبـارات
.....بس العيون أحيان يفضح نظرهـا ​

 

[ابو فواز]

رد: الصمت أبلغ من جميع العبارااات . . .

ابيات معبرة ومنتهى الروعه
تسلم يمينك اختنا هدى على النقل الجميل
تقييمي واحترامي وتقديري لك

 

[هدى المطيري]

رد: الصمت أبلغ من جميع العبارااات . . .

عزيزي : أبو فواز
أشكرك على حسن تواجدك
و طيب متابعتك يالغالي
يعطيك العافية يارب