التامينات الاجتماعيه

[ابوعبادي]

السلام عليكم ورحمة الله وبركاته

تحيه طيبه للجميع اخواني اخواتي حبيت اسأل وارجو الرد باجابه شافيه واكيده ومفيده

انا معاق واستلم معاش من الضمان هل اقدر استلم راتب تقاعدي من التامينات باي طريقه طبعا ماعندي مشكله يقطعون الضمان اهم شي الراتب يكون طيب ..

يعني انا ماوصلت لسن التقاعد عمري الان 38 سنه ولست بموظف يعني مثلا مايعطوني راتب لاعاقتي ولاني لاستطيع ان اعمل واذا كان فيه طريقه تكفوون يااخوان فزعتكم لان واحد من الجماعه قال قدم على التامينات ويعطونك راتب عجز دائم لاكن بعد فحوصات طبيه ... الرجاء الرد باللي عنده خلفيه صحيحه . والله يجزاكم الجنه ووالديكم

 

[عبدالعزيز الحمر]

رد: التامينات الاجتماعيه

[align=center]
للاسف ما عندي معلومات
المشاركة لغرض الرفع
اسال الله لك التوفيق
[/align]

 

[فارس الخبر]

رد: التامينات الاجتماعيه

[align=center]

ابو عبااااااااااادي .. شفانا الله و شفاك

شوف هناك حاجه بالتامينات اسمها (( معاش العجز غير المهني ))

وهي ان جاك عجز في غير عملك و للحصول عليها يجب ان تتوفر

مدة اشتراك في التامينات لا تقل عن (12) شهراً متصلة أو (18) شهراً متقطعة.

انت جهز تقاريرك الجديدة و لا تسجل فيها تاريخ الاعاقة او اي شي عن تاريخ بداية المرض

وروح لقسم اسمه المعاشات وقول لهم هذا رقم اشتراكي و اريد اقدم على تقاعد عجز غير مهني

وراح يعطونك موعد للجنه الطبية ,,, وراح تقابل الدكاترة وقولهم وضعك الصحي

وانك تطلب من اهلك مساعدتك في حياتك اليوميه وانك ما تقود سيارة

واطب منهم حاجه اسمها (( معونه الغير )) وهي انك محتاج احد يساعدك في امورك

وفيها زيادة 50%

يعني الحد الادنى للاجور في التقاعد 1800 ريال

و 50 % من 1800 ريال هي 900

مجموعهم يساوي 2700 ريال

تفائل بالخير

واي سؤال ابشر عزيزي



اخوك



[/align]

 

[المغامر]

رد: التامينات الاجتماعيه

ما شاء الله عليك يافارس الخبر

اسم على مسمى

عندي اضافه اذا تسمح لي اخوي فارس

الراتب الذي تتحصل عليه اخونا ابو عبادي

بيكون متوسط راتب اخر سنتين عمل

والضمان لا ينقطع الا اذا زاد الراتب عن الحد المانع

موفق خير وتحت امرك باي استفسار​

 

[بسمة الحياة]

رد: التامينات الاجتماعيه

فية تقاعد للبنات؟

يارب يرزقك و يوفقك

ان شاء الله لما ربي يعطيك نصيب من الفلوس تزوج و استر حالك

ربي يوفقك اخونا

 

[ابوعبادي]

رد: التامينات الاجتماعيه

الف شكرر كل باسمه اخووي عبد العزيز وفارس الخبر والمغامر وبيض الله وجيهكم انا اشهد أنــكـم ماقصرتوا وجزاك الله خير اختي بسمه بس الزواج وين وحنا وين الزواج الايام ذي يبيله واحد مليونير

 

[ابوعبادي]

رد: التامينات الاجتماعيه

للاسف ياشباب انا مدد اشتراكي اقل من 12 شهرأً ومنفصله الاولى بشركه والثانيه بقطاع حكومي المديريه العامه للشؤؤن الصحيه بوزارة الصحه ..وكلها خذيت منها شيكين بعد الفحص من قبل لجنة طبيه وقررو لي حالة عجز مؤقت ))(يعني مدري متى قصدهم العجز بينتهي بعد يوم يومين )) سبحان الله مرضي مزمن والحمد لله ويقولو مؤقت المهم هذا اللي صار معي ........يعني لازم اشتغل سنه متواصله حتى اكوون مستحق وانا والله مقدر على الشغل لاكن الامر كله من عند الله عليه توكلت وفوضت امري ........
اكرر شكري لكم اخواني (أختي )اسال الله ان يفرجها عنكم وان يرزقكم ويشافيكم وان يجعل اخر كلامكم بالدنيا لا اله الا الله محمد رسول الله وان يحسن خاتمتنا جميعا

 

[بسمة الحياة]

رد: التامينات الاجتماعيه

يا اخوية احمد ربك

الانيميا كلنا نعاني منها

لكن نصيحة من اختك حاااااااااول قد ما تقدر انك تبحث لك عن وظيفة يتفهمون فيها لمرضك

المرض مو عيب ، العيب ف مجتمعنا اللي يعامل المرض انة عيب او نقص في الاداء

انت توظف و لا تنتظر منهم حسنة هذول يذلوووونك على بال ما تأخذ شيك و تأكل فيها لقمة العيش

دور لك شغلة تفيدك في تحقيق ذاتك و شخصيتك و تكرمك بالفلوس

و ان شاء الله ربي يوفقك و يرزقك بكل خير

و لا تتشااااءم

بنات الحلال وااااجد راح تلاقي وحدة تقبل في مرضك

لا تشيل هم

يارب يوفقنا كلنا و يسهل لنا

بس بصراحة ما فهمت وش مقصد موضوعك يعني انت موظف و تقاعد؟؟