" الطير طـار ولا بقـى الا شجرتـه "

[واثق الخطوة]

حيل الله اقوى مابقى في يـدي شـيّ
مافيه حل ٍ فـي يـدي .. ماذخرتـه ​

حاولت .. لكن المحاصيل هيّ هـيّ
الطير طـار ولا بقـى الا شجرتـه ​

وقفّت اشوف شويّ واغمّض شـويّ
واللي انكسر في خاطـري ماجبرتـه ​

لين الحقت شمسي على بارد الفـيّ
وشفت ان كل اللي جمعته خسرتـه ​

من كثر ماعزيت ريقي عـن المـيّ
ملّ الصبر من كثر صبـر ٍ صبرتـه​

كم هقوة ٍ ضاعت على سكـة الغـيّ
وكم حلم فـ( تراب ) الحقيقه قبرتـه ​

واقف .. وطعنات الزمن كلهـا فـيّ
وساقي لو انه كلّ منـي / كسرتـه​

بعد ماعاش اليأس في احساسي الحيّ
اخوي .. لو هو صد عنـي عذرتـه ​

مدري عن اللي كنت احسبه بقى ليّ
اللي حزمت ابه الضلـوع وذكرتـه ​

اللي طوى حالي بحكم الهـوى طـيّ
قصّر .. وانا كل الطريق اختصرتـه ​

ماهو خطا لاقلت ( تآمر على شيّ )
الا الخطا .. لا اشتقت له وانتظرته​

 

[الحنان كله]

رد: " الطير طـار ولا بقـى الا شجرتـه "

قصيدة رائعة


يسلموووو معاند

 

[حلوة عذاريب]

رد: " الطير طـار ولا بقـى الا شجرتـه "

[align=center]ابيات رائعة
يعطيك العافية اخوي

[/align]

 

[واثق الخطوة]

رد: " الطير طـار ولا بقـى الا شجرتـه "

قصيدة رائعة


يسلموووو معاند

هلا وغلا اختي الحنان كله

كل الشكر لك على مرورك

ربي يحفظك




​

 

[واثق الخطوة]

رد: " الطير طـار ولا بقـى الا شجرتـه "

[align=center]ابيات رائعة[/align][align=center]
يعطيك العافية اخوي

[/align]

اختي الفاضلة الغادة..

شكرا لمرورك الكريم

دمتي بخير ...



​