لو أنتي محتشمة

[لوذان العبد الله]

[align=center]
[align=right]

لو أنتي محتشمة​

يا حلو لا تبخل عليّ بسلامك
وإلاّ بنظرة عطف عطني أحشومه


بالله عطني وجه دامي أمامك
الظاهر أن قلبي ترى اليوم يومه


وش فيك ساكت ما تكلم علامك
كل ذا غرورٍ فيك وإلاّ مشومه


قالت : وجع ما تستحي من كلامك
قلت : العفو من شاف شوفي تلومه


قالت : وش اللي شفت يمنع ملامك
قلت : الجمال اللي تباين أرسومه


من تحت ثوبك والعباية ولثامك
يخلنْ العاقل يقطع أهدومه


قالت : يا ليتك لو تطالع أمامك
لا تلتفت تنصاب وتصيب بومه


يا بنيت الأجواد قولي علامك
صحيتي النايم عقب طول نومه


الله وكيلك ما بغيت اهتمامك
بغيت أوصل من الهرج معلومه


لو أنتي محتشمة احترمت احتشامك
بس أنتي منفتحة ولبسك نعومه


مقصدك منّه أني أطيح بغرامك
إحساس نقص الذات عندك أعلومه


قالت : تراك أزعلتني من كلامك
يعني بنظرك إني لمثلك خدومه


قلت: أوقفي ما قصدي ألغي احترامك
بس اللي يلبس مثل لبسك يعومه


هذي هي أول خطوةٍ لانعدامك
يعني لو أني لوقي أقدر أرومه


وإلاّ لو أني حليو ألقى ابتسامك
وأشوف شيء بين قعده وقومه


كل هذا وأنتي ماشيه في ظلامك
من هو بنا يلام أول نلومه​

[/align]


لوذان العبد الله
[/align]

 

[بنت قحطان]

رد: لو أنتي محتشمة

 

[رجآوي]

رد: لو أنتي محتشمة

[align=center][table1="width:95%;"][cell="filter:;"][align=center]
يسلمووو ع الكلمات الروعه
[/align][/cell][/table1][/align]

 

[الحنان كله]

رد: لو أنتي محتشمة

كلمات جميله

مشكور اخي لوذان

 

[لوذان العبد الله]

رد: لو أنتي محتشمة

لكم جزيل الشكر على المرور والمشاركة وشهدتكم وسام على صدري أعتز بها

 

[سفير قحطان]

رد: لو أنتي محتشمة

كلمات في منتهى الروعه يعطيك العافيه

 

[لوذان العبد الله]

رد: لو أنتي محتشمة

يعافيك ربي سفير والروعة تنويرك المتصفح