الي كلمهم مركز التاهيل عشان سيارة الفان يدخل

[النشميه]

السلام عليكم ورحمة الله وبركاته
اخواني اخواتي مين منكم اتصلو فيه مركز التاهيل باالرياض وطلبو منه
الحضور بخصوص سيارة الفان لهذا العام انا من الاخوات الي اتصلت
فيني موظفه من التاهيل وطلبت مني الحضور عشان الفان كشفت علي
الدكتوره وقالت انشاء الله بعد اسبوعين راجعي المركز عشان تاخذين
رقم للوزاره وراجعت كذا مره ولم احصل على شي تقول الموظفه خلاص
رفعنا اوراقك
هل هذا صحيح الكلام او تصريف منهم ابي اتاكد من الاخوان حصل لهم
نفس الشي تكفون الي كلمهم التاهيل يردون لي

 

[مُعان]

رد: الي كلمهم مركز التاهيل عشان سيارة الفان يدخل

[align=center]
الله يرزقك اختي النشمية من حيث لا تحتسبي
مما يبدو لي انك تقدمتي للديوان الملكي بطلب سيارة اما عن طريق برقية او بريد ممتاز
والديوان الملكي حول معروضك على مركز التأهيل لاستكمال اوراقك ومن ضمنها التقريرالطبي
ثم تعاد معاملتك بعد استكمال اجراءاتها الى الديوان الملكي
وتحفظ حتى اشعار آخر
الله اعلم به
والله اعلم
[/align]

 

[النشميه]

رد: الي كلمهم مركز التاهيل عشان سيارة الفان يدخل

هلا وغلا بك اخوي معان الله يرزق الجميع نعم انا تقدمت ببرقيه لديوان
في 10/ 7/1428 هـ واخذت رقم مراجعه في الوزاره بعدين تحولت
لتاهيل والله اعلم وش الله يكتب الله يجزاك خير

 

[نور]

رد: الي كلمهم مركز التاهيل عشان سيارة الفان يدخل

الله يرزقك اختي النشمية عاجلا غير اجل

لكن عاد اذا طلع الفان سوي لنا رحلة:5:

 

[النشميه]

رد: الي كلمهم مركز التاهيل عشان سيارة الفان يدخل

الله يجزاكي الف خير اختي نور ابشري اول رحله انتي في المقدمه

 

[طالب]

رد: الي كلمهم مركز التاهيل عشان سيارة الفان يدخل

النشميه كبري المخدة انا مقدم من عام 1426 و صار نفس ما صار لك و الحين آخر شي وصلت له المعاملة بعد التنقلات من الوزارة إلى الديوان استقرت في الوزارة من شهر 8 السنة الفائتة و للحين لا حس و لا خبر عنها

 

[صمت االرحيل]

رد: الي كلمهم مركز التاهيل عشان سيارة الفان يدخل

بسم الله الرحمن الرحيم

الاخت الفاضله...

صار معي كذا وانا رفعت برقيه للملك بطلب السياره وتم احالة اوراق للمركز وبعدها راجعت الوزاره ولقيت ان الامر انتظار بالارقام واخبرني الموضف ان رقمي قريب لكن يبي له سنه او سنتين او ثلاث

المقصد اخواني اتمنى من الجميع التفاعل مع تقديماتهم وذالك بمتابعتها وتحريك الادوار حتى تتم المعاملات بسرعه وباكبر عدد ........ لان اذا مافي احد راجع اوراقه صدقوني تتجمد تحت بند الواسطه...... يعني اللي قبلي اذا ماراجع معاملته ..| الموضف" بالواسطه يشيله ويحط اللي يبي محله ..... افهموها


يا اخواني اخبرني من ذهب هناك بالوزاره لمراجعت اوراقي .. بان اوراقنا ملقاه على البلاط ...... من كثرهااا فوق سطح مكتب الموضف ؟؟؟؟

يعني اللي مايراجع اوراقه باستمرار لا عجب بان يلقاه اا بارشيف البلاط ههه !!

 

[بدر الجميل]

رد: الي كلمهم مركز التاهيل عشان سيارة الفان يدخل

الله يوفقكم يارب وييسر اموركم

 

[أم الغالين]

رد: الي كلمهم مركز التاهيل عشان سيارة الفان يدخل

أن تقدمت وأرسلت برقيه لطلب سياره منذوا شهر الى الرياض فهل يصبح الحلم حقيقه وأجلس يوم من الايام ويقولون لقد وصلت السياره فأن دائما أصرف أغلب الاعانه على الموصلات والعلاج الى أحمد والله يرزق الجميع

 

[سفير قحطان]

رد: الي كلمهم مركز التاهيل عشان سيارة الفان يدخل

الله يكتب اللي فيه خير للجميع