الى الاخ عيسى محمد . والى كل من واجة خراب رمان الكفر الامامي .

[نواف البكر]

الى الاخ عيسى محمد . والى كل من واجة خراب رمان الكفر الامامي .

انا قريت ردك على المهندس الطبي وان عندك مشكلة بالكرسي الكهربائي

(( وفيه عندي سؤال (عندي كرسي كهربائي مقاس 18 اللي يصرف من الضمان
فيه الرمان للكفر الامامي متكسر فما ادري هل تقوم با اصلاحه يقال بأن الرمان
متوفر بكل مكان لكن المطلوب مهندس يعرف مقاسه ويركبه وتركيبه يكبس كبس
ارجو التوضيح وكم اصلاحه حتى تعم الفائده للجميع با استطاعتي اكلمك بالجوال
ولكن حتى يستفيدوا اخواني واخواتي ودي تقول لنا كيف اصلاحه والقيمه عافاك الرحمن ))

انا عندي كرسي متحرك عادي ولاكن كفراته اللي قدام فيها رمان ودايم يخرب هذا الرمان او يصدي وكنت اوديه لشارع الضباب بالرياض واقعد ادور محل يصلح رمان بس ماالاقي والكل يقول مافيه قطع . طبعا بعد عناء لقيت محل يصلح بس قال نروح نجيب قطع من شارع الريل بالرياض والقطعه اسمها ( رمان بيلي ) ركز على الاسم مو رمان وبس طبعا مبلغ التصليح كان غالي شوي مع انه لو طلب مبلغ اعلى عطيته لاني مظطر .
المهم بعدها بشهر خرب الرمان وانا متواجد في بريده وصارت ماتمشي العربيه ورحت للصناعيه وسالت عن محل بيع قطع الرمان بيلي ولقيته ولقيت جنبه محلات مخرطة طبعا كل مااجي محل واقولة ابيك تطلع الرمان وتشوف المقاس كانو يرفضون ويقولون مانصلح عربيه طبعا خايفين يتحملون مسؤوليه ماالومهم
حتى لقيت عامل واقنعته بعدم الخوف وانه مايلمس في العربيه الا الكفر قال اوكي

خرط الكفر وطلع الرمان وجاب نفس المقاس طبعا عدد الرمان 2 وحده من فوق ووحده تحت وركبها وخرطها طلعت كانها جديده والحساب 70 ريال شغل يده 40 ريال والقطع ب30 ريال
يعني سوي مثلي وروح لاقرب صناعيه وصلحها لا تفر وتدوخ راسك وتسافر من بلد لبلد وترجع للرياض علشان تروح شارع الضباب

وانا والله ماخلاني اكتب هالموضوع الا عشان ماتتبهذل وتفر وتمشي مشاور مالها داعي وتتعب راسك مثلي بالاول

وتقبل تحياتي

 

[عيسى محمد]

رد: الى الاخ عيسى محمد . والى كل من واجة خراب رمان الكفر الامامي .

رد: الى الاخ عيسى محمد . والى كل من واجة خراب رمان الكفر الامامي .

نواف البكر

الله يجزاك الف خير ويسهل امورك
اخوي نواف انا عارف اغن الرمان اسمه بيلي وكل رمان يسهل الحركه اسمه بيلي
وادري انه سهل ولكن المشكله باللي يركبونه وصدقت هو يكبس كبس بمثل الدراجه
واشكرك اخوي نواف بس ان شاءالله اشوف لي كم ورشه لعل وعساء وعلى الله تيسير الامور

 

[صحفية المستقبل]

رد: الى الاخ عيسى محمد . والى كل من واجة خراب رمان الكفر الامامي .

رد: الى الاخ عيسى محمد . والى كل من واجة خراب رمان الكفر الامامي .

نواف البكر
شكرا على مساعدتك للأعضاء
جزاك الله كل خيرا على ما تقدمه