على الله يازمن بشكي همومي والهموم جبال

[المغامر]

​

على الله يازمن بشكي |( جروحي )| والليالي طـوال
عسى راعي العنا ينسى عناه وينشـرح |( صـدره )|






على الله |( يازمن )| بشكي همومي والهمـوم جبـال
تعدّت عاصمة حزنـي |( حـدود )| العالـم بأسـره





ا(خساره )| يالسنين اللي كتبتـي سيـرة الرحـال
فرحت امس وحزنت اليوم بس الخوف|( مــن )| بكره





لساني كم شكى صمته والى|( منّه)| حكى ماقـال!
طغى |(طبع)| السكوت بسيرة المحروم من صغـره






سقى الله يوم كنت اضحك|( وبالي )| مستريح البال!
|( ضحوكٍ )| ماعرفت الحزن وش معناه وش قـدره؟






|( وكبرت )| وكبرت احلامي وصارت قصة الترحال
اماني في مهب الريح وحلـمٍ ماكتمـل |( بـدره )|





بعذر اللي مع ايامه جلس|( يبكي )| على الاطـلال
تذكر ماضـي افراحـه|( اليـن )| خنقتـه العبـره





عزيزه |( يالعيون )| اللي حضنتـي دمعـة الرجّـال
حبستي دمعته بين المحاجر|( يـوم )| ضـاع امـره





|( عزيزه )| يالحروف اللي سكتـي والكـلام يقـال
حكيتي.. ماشكيتي الهمّ|( وهمّ )| القلـب ياكبـره





|( عزيزه )| ياليدين اللي ثنيتك باصعـب الاحـوال
اكفّك ساعة الحاجه وامدّك |( ساعـة )| القـدره‍!





|( وعزيز )| النفس لو يصبر على صبر الليالـي نـال
ابصبر |( والرجل )| يصبر ومقياس الرجـل صبـره





انا منهو حمل همّه على راسـه تقـول|( عقـال )|!
مجاديف الزمن دارت عليه|( ونَسّـف الغتـره )|!!





وانا|( منهو )| فقد صوته وبعض الصوت بـه مـازال
دعيـت الله يفرّجهـا|( علـيّ )| وبحَّـت النبـره






أشيل الحمل عن غيري وحملي صـار|( ماينشـال )|
كما |( الشيخ )| الهزيل اللي مشيبـه منقـضٍ ظهـره






جروحي مزنةٍ منها|( هطل )| فيض الشعـر همّـال
سقت جدب|( العروق )| اللي تبلل ريقهـا قطـره





وعن حر الزمن صارت حروفي للجروح|( ظـلال )|
تذرّت عن|( هبوب )| الياس حلمٍ قد بنـى قصـره





عساها للمطر|( روحٍ )| بها وادي الظمـا ماسـال
عروق سنينها جفّت وورّاهـا الزمـن |( غـدره )|





عساها للمطر|( روحٍ )| قضـى مرباعهـا ماطـال
|( كــساها )| ثوبها الاصفر.. وكانت تلبس الخضـره





على الله ينجلي وقتٍ قضيتـه هـمٍ |( و )| غربـال
ويشعّ النور|( في )| قلبٍ غشى ليل الظَلَـم فجـره





على الله والولي الله وبامـر|( الله )| يزيـن الحـال
ويضحك للزمن|( قلبٍ )| مع همومه قضى عمـره..
​

​

 

[سفير قحطان]

رد: على الله يازمن بشكي همومي والهموم جبال

قصيده تحمل معاني كثيره وفي نفس الوقت رائعه لاهنت اخوي

 

[الحنان كله]

رد: على الله يازمن بشكي همومي والهموم جبال

كلمات جميله


يسلموووووو مغامركو

 

[المغامر]

رد: على الله يازمن بشكي همومي والهموم جبال

قصيده تحمل معاني كثيره وفي نفس الوقت رائعه لاهنت اخوي

الاروع مرورك العطر اخوي سفير

 

[المغامر]

رد: على الله يازمن بشكي همومي والهموم جبال

كلمات جميله


يسلموووووو مغامركو

الله يسلمك حنون

شرفني مرورك العطر