ليــه المساء (( رائعة بن فطيس الاخيره ))

[اللهم احفظني]

ليه المسا عوق الشقـاوي وطبّـه؟ ...... وليه الهبوب تصحي القلب لا بـات؟


وليه القمر يدعي جريـح المحبّـه؟ ...... ويقول له يا هيه..ما فات ..ما مات


جرحك ظهر لو قلـت للوجـه خبّـه ...... وللحزن في ضحكك رسوم وعلامات


وليه المطر بالذات ريحـه.. وصبّـه ...... كنّه رسول بيـن الاحبـاب بالـذات؟


اشتـاق فيـه لشوفتـك واتنـبّـه ...... للي نسيته مـن مواقـف ونظـرات


لا استانس الخافق ذكر مـن يحبّـه ...... ورجع يراجع فالوناسات مـا فـات


يا مرتـع القلـب الحزيـن ومربّـه ...... يزيين بك مثل الذهب صدر الابيـات


هيهات ينسى القلب شخـص ٍ لعبّـه ...... وهيات يدله خاطري منـك هيهـات


سبك مديح ومـدح غيـرك مسبّـه ...... تقول واذني صوتها تقول لـك هـات


ونبع الغلا عنـدك وعنـدي مصبّـه ...... ومن الولا .. في خافقي لك ..ولاياات


وطيفك حطب عيني..وعيني مشبّـه ...... والشوق برد ٍ ما انقطع لو للحظـات


ومكانك الصدر ولـك القلـب شبّـه ...... بين الظلوع اللـي فردهـا التنهـات


ولك بيـرق ٍ فالقلـب حبـك يهبّـه ...... شامخ ولا هزه من العـذل غـارات


محبتـك فالوقـت ذا مـا تشـبّـه ...... الا بخيمـة بـدو بيـن العـمـارات


ان شفتني ضايق واهوجس واسبّـه ...... اخاف غدر الوقت.. والوقـت دورات


لا تحسب ان دمعي نـزل دون سبّـه ...... ابكي من الفرقا وهي مابعـد جـات


الـيـوم كــل امورنا..مستتـبّـه ...... وبكره ماندري وش معه من مسرّات


اربّ قلبـك مثـل قلـبـي اربّــه ...... ما يخلفه شور العـرب والمسافـات
​

 

[الأسيف]

رد: ليــه المساء (( رائعة بن فطيس الاخيره ))

صح لسان ابن فطيس ..

وشكرا على روعة النقل ..

 

[ام المعاقين]

رد: ليــه المساء (( رائعة بن فطيس الاخيره ))

صح لسان الشاعر
ويعطيك العافيه

 

[حلوة عذاريب]

رد: ليــه المساء (( رائعة بن فطيس الاخيره ))

الله يحفظك
لا عدمت روعة نقلك

 

[اللهم احفظني]

رد: ليــه المساء (( رائعة بن فطيس الاخيره ))

يسلمووو ابن سهيل وام المعاقين والغاده

 

[المتفائل]

رد: ليــه المساء (( رائعة بن فطيس الاخيره ))

انا اشهد ان ابن فطيس شاعر
يعطيك العافية اخوي

 

[الحنان كله]

رد: ليــه المساء (( رائعة بن فطيس الاخيره ))

صح لسان شاعرها وعلا شان ناقلها

قصيدة رووووووعة

 

[اللهم احفظني]

رد: ليــه المساء (( رائعة بن فطيس الاخيره ))

متفائل وش اخويnew14 ههههههههههه منور صفحتي يسلموو الحنان كله على المرورو لكم مني ارق التحايا