اشعارات

)(مـ ــ ـ ـا ودي# الناس# تدريـ ــ وشـــــ# يبكينــــي)(

الفرحان

التميز الثاني
من عز نومي صحيت وشفت في عيني..!
دمع تهادى على جفني وانا غافي


سترت دمعي بكمي قبل يغريني..!
واخذت هذا الجسد من باقي لحافي


وسريت تايه ورى خطوات رجليني..!
لا الوجه وجهي ولا اوصافي هي اوصافي..


امشــــي واقــول لطـريقي لاتوديــني..!
لعيون ناس تبي تدري عن الخافي


اماـــنتك خـــلها مابينكــــ وبـــيني..!!
خابرك يالدرب خوة عمر وسنافي


ماودي الناس تدري وش يبكيني..!
كرامة النفس ورث ابوي واسلافي


امشي واحس الخناجر في شراييني..!!
والبرد يمشي وراي وينهش اطرافي


وحـيـد واللـيـل بـرده يــغطــينــي..!!
تقول كن البلد روح بها السافي


الين مااوحيت لي صوت يناديني..!
صوت اعرفه مثل ماجهل وش خلافي


قمت اتلفت وانادي.....لاتخليني...!!
ماغيره الصوت.....هذا صوته الدافي


ولمحت زوله من اقصى الدرب لافيني
مدري وش اقول لكن حي هااللافي..!!


تــــعااال..شف غيبتك كيف اثرت فيني
تعـــال شفني وانا اغرق عقب مجدافي


تعال خذني ورحبي من عناويني...!
تعبت اعدي على جمرك وانا حافي


تعال واقطف بصوتك زهرة سنيني..!
كل المواعيد عقبك شمعها طاااافي


تعال وش فيك خايف؟؟انت ناسيني؟
قطعت صوتي عليك وطال ميقافي


حتى بديت اشعر ان الحب معميني..!!
وان انت حلم عثى فيني وانا غافي


لكن امانه ترى اللي فيني كافيني..!
ان رحت منك كذا مارحت متعافي


بصدق الحلم واحذر لاتصحيني..!
في خاطري كلمتين وان قلتها كافي


امانة الله عليك ان غبت عن عيني
لايكون قلبك مثل قلب الزمن جافي


مع كل دمعه تذكر رعشة يديني..!
ومع كل ضحكه تذكر قلبي الوااااافي

اتمنى انها اعجبتكم
 
رد: )(مـ ــ ـ ـا ودي# الناس# تدريـ ــ وشـــــ# يبكينــــي)(

مبدع دائما اخوي الفرحان ,,,,,,,
 
رد: )(مـ ــ ـ ـا ودي# الناس# تدريـ ــ وشـــــ# يبكينــــي)(

أشكرك أختي الصابرة على المرور الكريم والتشريف الجميل. وإطرائك الجميل .....
 
رد: )(مـ ــ ـ ـا ودي# الناس# تدريـ ــ وشـــــ# يبكينــــي)(

[ALIGN=CENTER][TABLE1="width:95%;background-image:url('http://www.m3aq.net/vb/uploaded/988_1239683619.gif');"][CELL="filter:;"][ALIGN=center]
مع كل دمعة تذكَّر رعشة يديني
ومع كل ضحكة تذكِّر قلبي الوافي:11:

كلماتٌ لامست الوجدان..
وأيقظت الجروح..:11:

تقبل مروري الحزين:icon_cry:
[/ALIGN]
[/CELL][/TABLE1][/ALIGN]
 
رد: )(مـ ــ ـ ـا ودي# الناس# تدريـ ــ وشـــــ# يبكينــــي)(

ابداااااااااااااااااااااع يالفرحان

كما عودتنا لله درك

تقبل تحياتي العطره
 
رد: )(مـ ــ ـ ـا ودي# الناس# تدريـ ــ وشـــــ# يبكينــــي)(

كلمات جميله وابيات معبره
 
رد: )(مـ ــ ـ ـا ودي# الناس# تدريـ ــ وشـــــ# يبكينــــي)(

قصيدة رائعة بارك الله فيك أخي الكريم
 
رد: )(مـ ــ ـ ـا ودي# الناس# تدريـ ــ وشـــــ# يبكينــــي)(

أختي أم الكيك أشكرك على مرورك الكريم . وأخوي المغامر أشكرك على مرورك الكريم . أختي زهرة الياسمين اشكرك على مرورك الكريم . وشكرررررررررررررررررررررررا من أعماق قلبي لزيارتكم لمتصفحي ومروركم الكريم والعاطر
 

عودة
أعلى