مــشــكــلــتــي وأريــد لــها حــل ...

[محمد العمري]

السلام عليكم أخباركم تمام ..
بصراحة عندي مشكلة أواجهها في البيت من بعض أقاربي بكثرة ولا اعلم هل هو جهل اولامبالاة
او مااعرف وش اسميها وهي :
أن اصابتي حركية وصارلي في الاصابة قرابة العام والنصف يعني جدييييييييد هههههه المهم
بالبيت احرص أني اغير وضعيتي لليمين واليسار اثناء ما اكون على السرير لأن تقرحات
السرير جائتني كثيير وتعبت وانا اداويها وكنت لمن انقلب يزعلون بعض اقاربي يقولون لي
اجلس سولف معنا خلك على ظهرك مابيجيك شي مين اللي يقول بيجيك جروح هذا مايفهم هذا حنا مافينا شي ويطلعونك كذاب واحيانا توصل زعل معهم ..
واحيانا اروح مسجد باصلي وما احصل منزلق اطلع عليه واطلب من احدهم يساعدني يقولي
ليه ماتقدر تطلع شوف فلان وفلان وش يصلحون بالكراسي اللي معهم ويجلس يحرجك مع الناس
وتقول ليتك ماطلبته وهو من اقاربك ويشوف انك تكذب عليه يشوفها سهله وهي صعبة عليك
ويجلس يقول انت ماتبغا تمشي انت ماتبغا تتدرب انت مهمل اخوياك واخوياك ..
وبعضهم والله العكس حريص علي ومهتم ويساعد ويفزع يدف احيانا اذا تعبت وهذي
حقيقة انها وصلت حدها مع بعض اقاربي فهل من حل أفيدوني ؟؟؟

 

[لعيونهاا]

رد: مــشــكــلــتــي وأريــد لــها حــل ...

هلابك ا خوي محمد

من وجهة نظري........للي يحصلك يحصلنا بشكل يومي
وانا اشوفه نقص بالثقافه الصحيه لدى المجتمع

وبصراحه انا شخصيا قبل الاعاقه ماعرف عن المعاق الا شي واحد
انه غير قادر على المشي فقط

 

[إحسـاسي]

رد: مــشــكــلــتــي وأريــد لــها حــل ...

وعليكم الســلام ورحمة الله وبركــاته


قرأت ع قولتك اخوي محمد مشكلتك .. وبصراااحه هدي مومشكلتك لوحدك

الي تعاني منه يعاني منه الكثير مريض أو سليم..

للأسف ما أحد يحس ويهتم بأحد إلآ من رحم الله.. وكأن البشر سـارت معدومة المشـاعر والأحآسيس

اخ محمد

صحتك اهم وفوق كل شئ .. لاسمح الله إذا اصابتك التقرحات انت لوحدك الي بتعاني وبتتألم

لكن هم لا؟وممكن يزوروك مره واتنين وانت تعبان وبعدين بيملووو

نااام ع الجهه الي تريحك وطبعآ واكيد انك بتستأذن وتبين لهم السبب.. اتقبلو وعذروك

جزاهم الله خير.. زعلووو برااااحتهم ومع نفسهم كمااان ...! لأنه مافي شئ يزعل ..والمفروض هم يطلبو منك تاخد رااحتك

مو تستأذن ويزعلوو كمان.. !

امـا بالنسبة لطلبك المساعده منهم ومايساعدوك صدقني ربي بيسخر لك الي يساعدك مازال نيتك طيبه

وخالصه لوجه الله بتأدية الصلاة وغيره..

والي تحس انهم يتضايقو من طلبك لا تطلبهم مره تاانيه واكيد بيحسو بغلطهم وبيعتذرو منك ويساعدوك..

اسفه ع الاطاااله

واتمنى لك الشفــاء العاجل انت وجميع مرضى المسلمين...​

 

[المتفائل]

رد: مــشــكــلــتــي وأريــد لــها حــل ...

[align=center]وعليكم السلام ورحمة الله وبركاته
انا مع اخوي لعيونها
المجتمع ينقصه ثقافة
واغلبنا ان لم يكن كلنا ماكنا نعرف شيء
عن المعاقين الا بعد ما اصبنا بقضاء الله وقدره
يعني اغلب البشريه جهل

ياخوي محمد حنا يالمعاقين والله اهم ماعلينا صحتنا
واكبر مشكلة هي لما يطلع لنا تقرحات
انا عندي لك رأي ولكل المعاقين
احنا صعب نخلي يومنا كامل مفتوح للزيارة
يعني لوتخصص لك اوقات تستقبل اللي بيجيك افضل
يعني نقول من العصر الى المغرب
ومن بعد العشاء الى الساعة 12 او 1 حسب وضعك
يعني خل الناس تتبرمج على الاوقات اللي انت تكون فيها
فاضي لهم ومخصصها انك تفتح الباب
وبها الاوقات حاول تكون ع ظهرك 3 ساعت معقولة او 4
منها تتفادى الاحراج وتكون محافظ ع جسمك من التقرحات
لكن بابك طول اليوم مفتوح ومزحوم بناس ماينفع

اما انك تبي احد يساعدك بالذات لما يكون من معارفك
مثل ماقلت انت تلقاه يقول انت كسلان انت مهمل ماتتمرن شف افلان وفلان
هم يبون لك الافضل اكيد وانك تعتمد على نفسك
بس يحسبون كل شيء يقدرة المعاق بسهوله
بيبني وبينك مثل هالكلام احيان يتعب نفسية المعاق
تحصل المعاق يحاول ويبذل مجهود
والاخرين اللي ماعندهم اعاقة يعتقدون انه اهمال منا
مايحسون بمعاناتنا لكن الله معنا
لكن انت حاول تثقفهم وتشرح لهم الوضع وتعطيهم فكرة
عن الاعاقة وكيف لازم يتعامل المعاق مع وضعه
عشان يحافظ على صحته وسلامته

اعجبني موضوعك
حلو ان المعاقين يطرحون مايواجههم
من صعوبات بالذات اللي اصاباتهم جديدة
وايضا اللي اعاقاتهم قديمه
لايبخلون على احد بالمعلومة
ويطرحون مايواجههم من صعوبات
كلنا نساعد بعض
[/align]

 

[سعوديه كوول]

رد: مــشــكــلــتــي وأريــد لــها حــل ...

الاخوان كفو ووفو ومن عندي اقلك اهم من المحافظه من التقرحات هو المحافظه على نفسيتك ولا تزعل وشي طبيعي يكون فيه ناس مايفهمون احتياجك والي بيجي عندك ويدخل عليك السرور اتمسك فيه وقله مبرراتك والي بيجيك يتشطر عليك ويقدم لك ارائه الخايبه فانصحك افتح الباب وخليه يطلع ولا تندم انه طلع من عندك ترى فيه ناس مريضين نفسيا مايحسون انهم اقويا غير لما يرفعون ضغطنا ولا لما يقارنون بحالاتنا ببعض بكل جهل واحيانا يكونون متعمدين الاذيه مدري ليه ,,,لا تستغرب ترى بتشوف العجب العجاب ويمكن بكره تشوف واحدلما يدخل عليك يفرد ريشه زي الطاووس والثاني يصيرطرزان واسمع من سواليف البطولات والملاحم الي يسوونها ههههههه تحف

 

[محمد العمري]

رد: مــشــكــلــتــي وأريــد لــها حــل ...

والله اني ابذل قصار جهدي لمصلحتي فقط واهتم ولكن يشوفون غير اللي نشوفه مثلا عضلاتي توجعني مافيني اتمرن او فيني شد يعني مالي خلق اصلح شي او تبه صغيرة مقدر اطلعها وعاد تعالوا شوفوا اخراج الافلام على اصوله يله طلع نفسك وناس مره كانت بترميني في المسبح لاني سباح ماهر قبل الاصابه وغشامة غير طبيعية الله يكون بعوننا بس ،،

 

[شايل البيرق]

رد: مــشــكــلــتــي وأريــد لــها حــل ...

حبيبي محمد لا تزعل مني .. لكن أقاربك ذولا شكلهم فاضييييين وما عندهم لا شغله ولا مشغله ومتفضين لك زيارات بإسم إنهم يواسونك .. وماسكينك ع الحبه إن فريت يمين وإلا يسار
لكن مع أقاربك عنديلك حل .. خل سريرك في نص الغرفة .. وإذا غيرت وضعيتك الله لا يهينهم يجون على وضعية وجهك .. وكذه حليت لك المشكله ..
تبغى الصدق .. ألزم ما عليك صحتك يا خوي .. وما عليك من فلان وفلان .. وكلام الإخوان اللي سبقوني صحيح فعلا وإعتبرها إستشارة من محبين لك ..

بسطها ما تصتصعبهااااش

 

[نوره عبدالله]

رد: مــشــكــلــتــي وأريــد لــها حــل ...

وعليكم السلام ورحمه الله وبركاته
محمد ياخوي ودي افيدك بس ماراح تفهم خطي كثر من الحركه في البيت قوي عضلات يدينك
عشان هي الي بتساعدك انا جاني المرض عمري سنتين كثير الحركتي في البيت ماحسيت اني معاقه لاني اخدم نفسي بنفسي لا تحسس نفسك ضعيف شجع نفسك ولا يهمك كلام الناس

 

[احمد زايد]

رد: مــشــكــلــتــي وأريــد لــها حــل ...

اخوي محمد
هذه مشكلة لا مشكلة حلها بسيط جداً وهو ان تتغلب على كل الصعوبات
كلامهم هذا يصنع منك متحديا صدقني
فكر في كلامهم بإيجابية

انا كنت امشئ عالطرف عادي بدون عكاز واطلع الدرج بدون مساعده لكن بعد وعكة صحية طويله اصبحت استخدم العكاز وبعض الاحيان أقابل رصيف يكون احد معي واحتاج مساعدة واذا طلبتها يقولون ياخي كنت تمشي لحالك زين حنا ما راح نكون معك دايم وفي كل مكان اعتمد ع نفسك هم ما يحسون ايش فيني ويتكلمون بمنطق والحمد لله تحسنت مشيتي بتوفيق الله ثم تفكيري بإيجابية في كلامهم
صحيح ماراح يكون معك احد ملازم لك في كل وقت يساعدك لازم تساعد نفسك

بالنسبه لموضوع التقرحات ذكرهم بمقولة كل واحد ينام عالجنب اللي يريحه خخخخخ

 

[محمد العمري]

رد: مــشــكــلــتــي وأريــد لــها حــل ...

بارك الله فيكم ماقصرتوا ومنكم نستفيد كل الشكر لمن مر على موضوعي وشارك معي وفقكم الله ،،

 

[علي جابر]

رد: مــشــكــلــتــي وأريــد لــها حــل ...

اخوي محمد

أولا : أسأل الله أن يعطيك العافية
ثانيا : اسمح لي بشدة هؤلاء جهلة
ثالثا : شوف اللي يريحك انت وما عليك منهم ابد