ما هو الهدف من العلاج الوظيفي في حياة الناس بشكل عام؟

[alnour]

ما هو الهدف من العلاج الوظيفي في حياة الناس بشكل عام؟

في هذه الحلقة تتحدث د. سنا أبو الدهب عن الهدف من العلاج الوظيفي.

هدف العلاج الوظيفي إنه يحسن من حياة الناس، هدفنا بنقول دايماً العيش بطريقة أحسن ومساعدة الناس إنهم يعملوا الأشياء إلي بحبوها، الفئات المستهدفة من قِبَل العلاج الوظيفي هي كل الأشخاص من كل الأعمار من بيبي لكبار السن، مبدئياً نُعنى بالأشخاص إلي عندهم إعاقة سواء الأطفال إلي انولدوا وعندهم صعوبات أو عندهم اعاقات أو سواء إلي كانوا بعمر أكبر وكان نموهم طبيعي من أطفال أو أشخاص وبعدين صار معهم إصابة أو حادث وصار عنا مشكلة بتحتاج مساعدة الشخص حتى يمارس حياته بالطريقة إلي هو بده إياها.

كمان العلاج الوظيفي يعنى بكبار السن ومساعدتهم للتأقلم مع التغيرات إلي بتصير بسبب السن، أيضا العلاج الوظيفي يحاول أن يمنع حدوث إصابة أو نمنع الأشخاص يتعرضوا لإصابة مستقبلية فبكون في عنا عمل بأماكن العمل بنساعد الأشخاص حتى يتم تهيئة المكان لنمنع الإصابات المختلفة ونحاول نتفادى أي إعاقات ممكن تحدث بسبب التعرض لأشياء مختلفة من البيئة أو بسبب التقدم في العمر.

https://www.youtube.com/watch?v=WylyyQt-z_g&feature=emb_title

​