مدامك ما تبي وصلي أنا وش عاد يبقيني

[الفرحان]

على امرك يابعد نبض الخفوق وهاجسي ومناي
مدامك ماتبي وصلي أنا وش عاد يبقينـي

أبحفظ مابقى لي من كرامه وأستحـث خطـاي
على درب الغياب ووين مـاودى يودينـي

واذا هفهف على صدري هواك وحدني لاقصاي
دعيت الله يطمن في بعادي قلبي وعينـي

وطلبته مثل مامكن غـلاك وركـزه بحشـاي
يشيله من معاليقي قبل لا الوجـد ينهينـي

ولعلمك لو عرفت إني أبثني عزمك برجـواي
أموت ولا ترجيتك وقلبـك بايـرٍٍ فينـي

لو انك قلتها تبغـى تشـوف معزتـك جـواي
أو انك قلتها ساعه غضب والذنب كاسيني

لاجيك بكل حيلاتي من ايام الصبـا لـتـلاي
واشري رضاك لو كان المقابل باقي سنيني

ولكن مالمسته بك قتل حتـى العتـب بشفـاي
غرام ٍ مات في عينك على فرقاك يغريني

حسافة كنت احسب انك تقدر طيبتـي ووفـاي
وعلى اقل احتمال تراعي اللي بينك وبيني

توقعت إنك أخلص من عرفت وشفت في دنياي
أشك بكل من حولي ووحـدك ماتخلينـي

طلبت البعد في وقتٍ أبيك تكـون بـه يمنـاي
بعد ماجارت ايامي علي وحـارت يدينـي

ولايخفاك صكات الزمـان وماحصـل ويـاي
ولو مافي يدك حاجة وجودك كان يكفيني

توفي لو بعض دينك إلين آقف علـى ماطـاي
لعل يكون لي صبر ٍ على الفرقا يقدينـي

على كل حال ماينفع ملامي لك وكثـر حكـاي
عن اذنك برحل لدربالغياب اللي يناديني
راقت لي كثير فنقلتها لكم ...​

 

[زهرة الياسمين]

رد: مدامك ما تبي وصلي أنا وش عاد يبقيني

ماراق لك راق لي ايضا
كل الشكرررررررر اخي الفرحان

 

[الكنز الثمين]

رد: مدامك ما تبي وصلي أنا وش عاد يبقيني

ورررررررراقت لي ايضا
كل الشكر الفرحان

 

[الفرحان]

رد: مدامك ما تبي وصلي أنا وش عاد يبقيني

ماراق لك راق لي ايضا
كل الشكرررررررر اخي الفرحان

أشكرك اختي العزيزة على مرورك الكريم وتشريفك الرائع لمتصفحي . مع اطيب تمنياتي لك بالتوفيق ..

 

[الفرحان]

رد: مدامك ما تبي وصلي أنا وش عاد يبقيني

ورررررررراقت لي ايضا
كل الشكر الفرحان

أشكرك اختي العزيزة على مرورك الكريم وتشريفك الرائع لمتصفحي . مع اطيب تمنياتي لك بالتوفيق