مجرم وهوطفل وش الحل؟

[بنت صقرالعروبه]

السلام عليكم ورحمة الله وبركاته

الموضوع وبمافيه باين من العنوان

انااليوم انطعنت بسكين من ولد اختي وعمره ماتجاوز 4سنوات وسبع شهور

انطعنت وانطعنت وطلع دم ادري تقول انطعنت وتكلمنامستغربين صح؟

السالفه اناعندي اخت متزوجه وماشاءالله عندهاعيال 6اكبرهم 13سنه
واصغرهم بنت عمرهاسنه وثلاث شهور والبنت وحيدتهم يعني مافي الاهي بنت والباقي اولاد
واصغرواحد من الاولاد عمره 4سنوات وسبع شهور وهاذا فيه غيره من اخته موطبيعيه

لدرجه يضرب راسها باالارض بحديده بأي شي قدامه ضربها

حاولنا نشغله في اي شي غيرها بس مافاد لدرجه وده يقنلها

وهاذا اللي حصل

اليوم خواتي عندنااجتمعوا وضحك وسوالف ولد اختي اندبلت كبده يبي يضرب يبي يقتل يعني ناوي ينام من البكي كعادته


اول مره اشوف طفل كذا اذابغى ينام لازم يبكي

وهذا ماحصل اليوم ولداختي طلب من اختي الفون عشان يلعب فيه واختي قالت لااناتوصلحت فوني ياماما

انت ليش ماتلعب بالايبود
قال مابي قالت طيب مولازم تلعب باالفون وهوعصب

وطنشته اختي وراح من وراناوضرب اخته ضرب الله لايوريكم لدرجه دمهاطلع من فمها


ادري تقولون لانه يغار واختي لازم تعطيه حقه اختي سوت كل شي معاه بس مافاد مخه يابس

المهم اناشفت الدم هاوشته وباالحكي <<<انتبهوا بهاالنطقه بس هاوشته يعني ماضربته
وقلت له ليش حبيبي تضرب اختك حرام هاذي صغنونه شفت دمعهاطلع خلاص اناماراح احكي معاك وشوشو بتنام عندنا وانت تروح مع امك لاتجينامره ثانيه

والا الولد كاانوا احكي مع الهواء ومطنشني وراح
اناطنشته وامسح فمها واسكتها الا الله لايوريكم مثل هاالموقف:tongue_smilie:


جاب سكينه حقت تقطيع اللحم طعني بكتفي والتفت والاطعنه ثانيه بايدي اليسار وانا من هول الصدمه ماتكلمت ولاصرخت

طيرت عيوني كذا:w00t:

ابي اقول حاجه ابصرخ وبنت اختي معاي وبعدهاالاابكي على طول لدرجه بكاي يمكن اخرالحاره سمعوني

والااهلي ركضوا جوني وانا اقول بموت بموت والاالولد عادي عنده ماخاف يقولي بذبحك انتي وياها موتو موتو

واختي اخذت السكينه منه وضربته باالجدار من قهرها اول مره تسوي كذا

وانااهلي ماماوخواتي واخواني على طول للمستشفى يبكون واناكل لبسي دم

وسوولي 3غرز باايدي وكتفي 6غرز وحققوا مع اهلي

وسؤلوني قلت ولد اختي بزرطعني وهومايدري وامي من اللي فيهاتقول لاهاذامجرم شلون لمايكبر

وجيت وانا مصدومه طبعا كل هالاحداث صارت المغرب

والحين الحمدالله مشت الامور تمام ونمت وقعدت

بس ايدي وكتفي الم للحين واقول كل هذا بسبت الغيره من اخته

بس جد خلاص كرهت ولد اختي ومابي اشوفه احس المره الجايه جد بيسويلي شي واموت ولاارجع

ابي حل وش نسوي بهاالطفل كل طريقه مانفعت اقول لأختي توديه دكتور نفسي والاشنوالحل؟

مجرم وهوطفل اجل اذاكبر وش يسوي:confused1:

 

[ضوء القمر]

رد: مجرم وهوطفل وش الحل؟

الله يهديه

بعض الأطفال عندهم شطانه مو طبيعيه ويحب يحافص ويروح ويجي ومستحيل يبقى في مكانه من كثر النشاط

أتوقع طالع عليك ههههههه

عرضوه على طبيب أطفال يمكن عنده غدد زايده تفرز كثير ويعطيه عﻻج لفرط الحركة

الله يعقله إن شاء الله

بس موضوعك يصلح لكتابة فلم أكشن

 

[بنت صقرالعروبه]

رد: مجرم وهوطفل وش الحل؟

هههههه حلوه طالع علي
انافيني لقافه وسرعه غضب ايه اعترف:icon_blaugh:

بس انو اطعن الله لايقوله شايفني اثيوبيه مثلا

ضوء القمر خلاص اعطيك السيناريو وانت اخرجه ههههههههه

بس جد الله لايوريك مصدومه لحد الحين ان هاذي فعايله اعوذباالله

بس مالت على عدوك حتى حمدالله على السلامه ماقلت ياخي غرز مولعبه<<<مومصدقه فيهاغرز انزين خلاص ابي كاكاو جيب لي تعويض:winky:

 

[ابوحمد]

رد: مجرم وهوطفل وش الحل؟

الشقي صغير يصبح هادي كبير
الله يصلحه قولي آمين

 

[لعيونهاا]

رد: مجرم وهوطفل وش الحل؟

[align=center]في البدايه ....

الحمد لله على سلامتك
الله ستر ولطف اللي ماجت في اماكن حساسه

وبالنسبه لطبيب نفسي بهالعمر تعتبر جريمه
تظل غيره وشقاوة اطفال حاولو تهادونه لما يكبر ويتعلم
وادعوله بالصلاح
ربما يطرح فيه الله من الخير مالله به عليم

وبالاخر الحمد لله على السلامه[/align]

 

[رؤيه]

رد: مجرم وهوطفل وش الحل؟

[align=center]

وعليكم السلام ورحمة الله وبركاته

أولا حمدلله على السلامة
ثانيا هذا الطفل ينخاف منه وغيرته غير طبيعية
أفضل حل للطفل ولاهله ،، عرض الطفل على
طبيب نفسي ، حالته هذه تخوف وممكن انها تتطور
غيرت الاطفال تكون بريئة وليست بهذا الشكل الشرس

والحقيقة ان الطفل مسكين محتاج اهتمام بشكل خاص أكثر


ويارب يصلحه ويهديه [/align]

 

[قاهر اليأس]

رد: مجرم وهوطفل وش الحل؟

الحمد لله على سلامتك اول .. ثانى حاجه هو شرس مع دلع كلها مع بعض مجمعها مع غيرا من اخته .. الافضل انكم اتخلون اخته هى الى اتقرب له وتراقبونهم يعنى هى الى تعطيه حلاوه او ككاو هى تجيب له الشى الى يبغاه مثل الفون او اى حاجه كذا علشان يصير مسالم معها ويخفف درجة الغيرا عنده شوى

 

[بنت صقرالعروبه]

رد: مجرم وهوطفل وش الحل؟

الشقي صغير يصبح هادي كبير
الله يصلحه قولي آمين

امين الله يسمع منك ويعقل

 

[بنت صقرالعروبه]

رد: مجرم وهوطفل وش الحل؟

[align=center]في البدايه ....

الحمد لله على سلامتك
الله ستر ولطف اللي ماجت في اماكن حساسه

وبالنسبه لطبيب نفسي بهالعمر تعتبر جريمه
تظل غيره وشقاوة اطفال حاولو تهادونه لما يكبر ويتعلم
وادعوله بالصلاح
ربما يطرح فيه الله من الخير مالله به عليم

وبالاخر الحمد لله على السلامه[/align]

الله يسلمك يارب

جريمه ليش؟

يبوي شقاوه طعن قسم بالله كرهته وصرت اخاف شكله اول مايكبر يقتل البشر كلهم ويصير الحجاج بن يوسف

الله يهديه ومشكور على مرورك

 

[بنت صقرالعروبه]

رد: مجرم وهوطفل وش الحل؟

[align=center]

وعليكم السلام ورحمة الله وبركاته

أولا حمدلله على السلامة
ثانيا هذا الطفل ينخاف منه وغيرته غير طبيعية
أفضل حل للطفل ولاهله ،، عرض الطفل على
طبيب نفسي ، حالته هذه تخوف وممكن انها تتطور
غيرت الاطفال تكون بريئة وليست بهذا الشكل الشرس

والحقيقة ان الطفل مسكين محتاج اهتمام بشكل خاص أكثر


ويارب يصلحه ويهديه [/align]

الله يسلمك يارب
يبوي خلاص اناخفت منه قبل تقولين وقسم

وهو معطينه اهتمام زيه زي اخته والكل يلعب معاه ولامحسسين ان اخته الصغيره مدلعه
والله مرات العب معاه وهي اطنشهابس عشان مايضربها

والله مرات احس ظالمين اخته بسبته بس المشكله فيه هو الولد عربجي من صغر ههههه:confused1:
الله يصلحه يارب

 

[بنت صقرالعروبه]

رد: مجرم وهوطفل وش الحل؟

الحمد لله على سلامتك اول .. ثانى حاجه هو شرس مع دلع كلها مع بعض مجمعها مع غيرا من اخته .. الافضل انكم اتخلون اخته هى الى اتقرب له وتراقبونهم يعنى هى الى تعطيه حلاوه او ككاو هى تجيب له الشى الى يبغاه مثل الفون او اى حاجه كذا علشان يصير مسالم معها ويخفف درجة الغيرا عنده شوى

الله يسلمك اخوي قاهر

دلع نو وي مستحيل اماعاد هاذا دلوع قسم مايعرف لادلع ولابطيخ
هذا صارعندي مجرم ولامن الدرجه الاولى بعد:icon_sweatdrop:

هي خبله بنت اختي مرات يقرصهامن خدودها عشان تبكي وهي تسكت ماتقوله شي لانهاتحبه

ومرات تحط الاكل بحلقه يعني يادلخ ابلع:confused1:

وفوق هاذا يضربها ياشيخ قسم فيني حره عليه ودي اطقه طق لين يتوب<<<فيني حره بسبت اللي سواه فيني

اماتعطيه كاكاو والاشياء ترى حنانحببه فيها ونقول شوف اختك جابت لك حلاو ولعبه وهو ياخذهم كنه مغصوب وياخذهن وهومكشر انيابه وبنفسه من داخل يقول متى اذبحج:cursing:

وربي هاذا الطفل طلع فينا الشيب

عجزت صرت عجوز منه:icon_crying:

حسبي الله على عدوه<<<ودي ادعي بس اقول الله يهديه بزر

 

[إحسـاسي]

رد: مجرم وهوطفل وش الحل؟

وعليكم الســـلام ورحمة الله وبركــاته



الف حمد الله ع سلااااامتك والله ؛


وربي يهديه ويصلحه إن شـــاء الله ؛ يكبر ويعقل .. ولمــا يكبر حكيه شوو سوا فيكِ....


وربي اسفه بنت العروووبه انا دوبي مريت هناا ع الموضوع لفتني العنوان ومو عارفه لمين..!

وبعد مااطلعت عليه طبعـا افتكرت رسالتك لما قلتي لي انطعنت اليوووم ؛ وانا مافهمت شئ من الرساله

وكنت بأرد عليك واسألك لكن والله اليومين مشغووووله شوي..


وهدي شوكولاااته بمناسبة سلااامتك .. وفكينيييي من هاتي حلااااوي :icon_rotate:

 

[بنت صقرالعروبه]

رد: مجرم وهوطفل وش الحل؟

وعليكم الســـلام ورحمة الله وبركــاته



الف حمد الله ع سلااااامتك والله ؛


وربي يهديه ويصلحه إن شـــاء الله ؛ يكبر ويعقل .. ولمــا يكبر حكيه شوو سوا فيكِ....


وربي اسفه بنت العروووبه انا دوبي مريت هناا ع الموضوع لفتني العنوان ومو عارفه لمين..!

وبعد مااطلعت عليه طبعـا افتكرت رسالتك لما قلتي لي انطعنت اليوووم ؛ وانا مافهمت شئ من الرساله

وكنت بأرد عليك واسألك لكن والله اليومين مشغووووله شوي..


وهدي شوكولاااته بمناسبة سلااامتك .. وفكينيييي من هاتي حلااااوي :icon_rotate:

ياقلبي انتي الله يسلمك ياالغلا

ومشكوره على الحلاو خلاث مابي حلاو:icon_redface:هاذا يكفيني دهر

فديتك والله

اقول لولد اختي اذا كبر ماضنتي بشوفه اصلا هههههه
والله اليوم طردته من بيتنا قلت لسواقهم رجعه لبيت ماما انامايبي هاذا بيبي وخذاه :tongue_smilie:

كرهت هاالبزر كرهته :icon_crying:

 

[بسام الدوخي]

رد: مجرم وهوطفل وش الحل؟

الحمد الله

Sent from my GT-N7100 using السعودية لذوي الاعاقة mobile app

 

[بنت صقرالعروبه]

رد: مجرم وهوطفل وش الحل؟

ياخي حرام عليكم طلعتوا موضوعي نبشتوه من وين يبوووي انا بنسى السالفه وتردونها

شكلي بخلي الاخصائي يفتح له عياده واول حاله نفسيه انا:icon_crying:

 

[ضوء القمر]

رد: مجرم وهوطفل وش الحل؟

زين ماتسوي ههههههههههه

أفا آخر شي مستشفى ميانين على كﻻم الكويتييين ميانين مو مجانين ههههههههههه

 

[بسام الدوخي]

رد: مجرم وهوطفل وش الحل؟

هههه

Sent from my GT-N7100 using السعودية لذوي الاعاقة mobile app

 

[اخصائي اجتماعي]

رد: مجرم وهوطفل وش الحل؟

ابن اختك من الممكن ان يكون لديه ما يسمى بنوبة الغضب (عدم التحكم في الانفعالات، فقد الأعصاب بسرعة) وهي حالة من فقد الأعصاب والثورة المتصلة ببعضها عبر حوادث مزعجة ومحبطة للطفل، وهي غالبا تبدأ بحالات بسيطة ثم مقلقة ثم لا قدر الله تتحول الى نوبات شديدة.

حيث يبدأ الطفل بالتذمر والمقاومة واذا طُلب منه والديه الهدوء يغضب ويصرخ ثم يتطور الأمر برمي الأشياء والتعدي على من حوله بالضرب. ويجب على اختك مراقبة النوبات مع تجاهلها وتعزيز الطفل عند ظهور ملامح الندم والأسف على وجهه، والأسباب تكمن في الاحباطات المتكررة، سوء الحظ وعدم تقبل الاحداث، وعدم انصاف المحيطين بالطفل، وحرمان الطفل من المتع المحيطة بدون سبب مقنع، وعدم قدرة الطفل على التعبير عن مشاعره.

وهناك بعض الاساليب الخاطئة التي تتبعها الاسره منها اسلوب التدليل اي التساهل مع الطفل لحد المبالغه واغفال اي سلوك يقتضي التأديب والعقاب، الحرمان من رعاية الام كأسلوب تنشئة مثل عدم اشباع الطفل لحاجاته من الحب والحنان، ولحماية الطفل من تلك النوبات كون الاسرة نموذجا واشباح حاجات الطفل الفسيولوجية، ومنحه الحد الادنى من متطلباته، تعليمه كيف يعبر عما بداخله، وسؤاله عن مشاعره، الوعي بانفعالات الطفل وتعليمه طريقه الاسترخاء واراحة الاعصاب.

واخيرا العلاج يكمن في التجاهل ، عدم المبالغه في العقاب عند حدوث النوبه ، تعليم الطفل متى يسمح له بالغضب ، محاورته بايجابيه بعد حدوث النوبه، تشجيع الضبط الداخلي لدى الطفل ليحاول تهدئة نفسه عند الغضب، دفعه لممارسة الانشطة الرياضيه. تجنب اهمال النوبات حيث ان اهمالها قد يتسبب في اعاقة النضج الانفعالي لديه كما انه سينشأ على اعتقاد ان كل من حوله ينبغي ان يحققون له مايريد.

اخيرا اريد ان انوه ضرورة عدم تركه يشاهد المشاهد العنيفه واخذ الحيطة والحذر منه على اخوته بطريقة لا يشعر بها واخفاء الادوات الحادة والخطره من طريقه، اعتذر على الاطالة وتذكيرك بالموضوع

 

[بسام الدوخي]

رد: مجرم وهوطفل وش الحل؟

شكرا

Sent from my GT-N7100 using السعودية لذوي الاعاقة mobile app

 

[بنت صقرالعروبه]

رد: مجرم وهوطفل وش الحل؟

ابن اختك من الممكن ان يكون لديه ما يسمى بنوبة الغضب (عدم التحكم في الانفعالات، فقد الأعصاب بسرعة) وهي حالة من فقد الأعصاب والثورة المتصلة ببعضها عبر حوادث مزعجة ومحبطة للطفل، وهي غالبا تبدأ بحالات بسيطة ثم مقلقة ثم لا قدر الله تتحول الى نوبات شديدة.

حيث يبدأ الطفل بالتذمر والمقاومة واذا طُلب منه والديه الهدوء يغضب ويصرخ ثم يتطور الأمر برمي الأشياء والتعدي على من حوله بالضرب. ويجب على اختك مراقبة النوبات مع تجاهلها وتعزيز الطفل عند ظهور ملامح الندم والأسف على وجهه، والأسباب تكمن في الاحباطات المتكررة، سوء الحظ وعدم تقبل الاحداث، وعدم انصاف المحيطين بالطفل، وحرمان الطفل من المتع المحيطة بدون سبب مقنع، وعدم قدرة الطفل على التعبير عن مشاعره.

وهناك بعض الاساليب الخاطئة التي تتبعها الاسره منها اسلوب التدليل اي التساهل مع الطفل لحد المبالغه واغفال اي سلوك يقتضي التأديب والعقاب، الحرمان من رعاية الام كأسلوب تنشئة مثل عدم اشباع الطفل لحاجاته من الحب والحنان، ولحماية الطفل من تلك النوبات كون الاسرة نموذجا واشباح حاجات الطفل الفسيولوجية، ومنحه الحد الادنى من متطلباته، تعليمه كيف يعبر عما بداخله، وسؤاله عن مشاعره، الوعي بانفعالات الطفل وتعليمه طريقه الاسترخاء واراحة الاعصاب.

واخيرا العلاج يكمن في التجاهل ، عدم المبالغه في العقاب عند حدوث النوبه ، تعليم الطفل متى يسمح له بالغضب ، محاورته بايجابيه بعد حدوث النوبه، تشجيع الضبط الداخلي لدى الطفل ليحاول تهدئة نفسه عند الغضب، دفعه لممارسة الانشطة الرياضيه. تجنب اهمال النوبات حيث ان اهمالها قد يتسبب في اعاقة النضج الانفعالي لديه كما انه سينشأ على اعتقاد ان كل من حوله ينبغي ان يحققون له مايريد.

اخيرا اريد ان انوه ضرورة عدم تركه يشاهد المشاهد العنيفه واخذ الحيطة والحذر منه على اخوته بطريقة لا يشعر بها واخفاء الادوات الحادة والخطره من طريقه، اعتذر على الاطالة وتذكيرك بالموضوع

شكرا اخي اخصائي على المعلومات القيمه

ثاني شي ولد اختي مايحب يشوف التلفزيون نهائي بس يطلع باالشارع مع اخوانه
واختي معطيته حقه مثل اخوانه بس هو غيوور من كان صغير وعاد اختي طيبه وبيتهافيه من الالفه والترابط كثير خاصتا ان اولادها وزوجها وام الزوج حبوبين الاولدها هاذا احسه اسد جائع ينتظر فريسته
اختي وزوجهاحاولو يفهمون ليش يسوي كذا ولافي فايده يطنش كلامهم كانه مايسمعهم
الحين صارله 4اشهر مادخل بيتنا عقاب له وانا ماابيه صرت اخاف منه لدرجه موطبيعيه وصرت اهرب اذا شفت طفل اوطفله معاه سكينه حتى لويبي يقطع فاكهه اصير خلف اي شخص للاحتماء من السكينه
لان ولد اختي حركته حتى كبار مايسوونها
هل هاذا خوفي طبيعي بسبت الصدمه والا اروح لدكتور اودكتوره نفسيه لمعالجة الخوف اللي فيني؟