محتار بين الوظيفه والضمان الاجتماعي

[اسامه الصاعدي]

أبقى رأيكم اترك الضمان الاجتماعي واقدم في وظيفة الأفضل شو أخاف الوظيفه يطردوني واروح في ورطه

 

[الرضى]

رد: محتار بين الوظيفه والضمان الاجتماعي

اول شئ اخوي صل استخاره وثانياالوظيفه افضل من الضمان واذاطردوك عادي ترجع للضمان

 

[ام ميار]

رد: محتار بين الوظيفه والضمان الاجتماعي

اذا الوظيفه زينه الافضل الوظيفه

 

[نجمة مسافر]

رد: محتار بين الوظيفه والضمان الاجتماعي

كم راتب الوظيفه ؟

 

[اسامه الصاعدي]

رد: محتار بين الوظيفه والضمان الاجتماعي

3800

 

[اسامه الصاعدي]

رد: محتار بين الوظيفه والضمان الاجتماعي

في شركة امريكانا

 

[نجمة مسافر]

رد: محتار بين الوظيفه والضمان الاجتماعي

عجزك مؤقت ولا دائم ؟

 

[اسامه الصاعدي]

رد: محتار بين الوظيفه والضمان الاجتماعي

عجز كلي إلا عاقه سمعيه

 

[نجمة مسافر]

رد: محتار بين الوظيفه والضمان الاجتماعي

الله يشفيك ويعافيك
العجز الكلي كمقارنه مع المؤقت يعتبر أفضل لكن شخصياً أنا مع ترك الضمان والتمسك بالوظيفه لأسباب
أولها إن الحصول على الوظايف في هالوقت صعب وكثير يشتكون من البطاله ويتمنون أي وظيفه تتوفر لهم والوظيفه الحمدلله توفرت لك ومع إن راتبها قليل وكنت أتمنى إن الراتب أكثر من كذا بس ما دام ما في غيرها فشي أحسن من لا شي وعصفور في اليد ولا عشره فوق الشجره واعتبر هالراتب مبدئي وخذ لك خبره في العمل وخبره في الحياه تنفعك بعدين وإن جاك أحد وقال لك لا تقبل بهالوظيفه راتبها قليل قل له بتعطيني غيرها وراتبها أكثر ؟؟؟ وشف وش بيرد عليك
ثانيها إلى متى بتجلس أسير للضمان وإنت الحمدلله قادر على الشغل والوظيفه متوفره وماشاء الله في عز شبابك والشي الي تشتكي منه ممكن تتجاوزه وتمارس حياتك المهنيه كشخص عادي مثلك مثل غيرك فخلك شخص فاعل في المجتمع وعندك همه وتحرك وإبذل السبب وانفع نفسك وغيرك و ربك ما يضيّع عبيده
ثالثها لو ماعجبتك بيئة شغلك وحبيت تنسحب أو لا سمح الله إستغنوا عنك ودورت وظيفه وما لقيت فباب الضمان مفتوح لك من جديد وفي أي وقت إلين ييسر الله أمورك وتلقى وظيفه ثانيه لكن لا تحط في بالك إن هدفك الأساسي في حياتك هو الضمان لأنك رجال يعني عندك مسئوليات حاليه ومستقبليه وتذكر دايم إنك منتب عاجز عن العمل حتى تعتمد على الضمان
هذا الي عندي وشف وش عند غيري والكوره في ملعبك وشاور نفسك واستخير وما خاب من استخار وربي ييسر أمرك ويرزقك ويوفقك

 

[نجمة مسافر]

رد: محتار بين الوظيفه والضمان الاجتماعي

أسامه
سبق وشفت لك سؤال تسأل فيه عن الوظيفه من دون تأمينات هذا إذا ما صابني زهايمر وخلطت بينك وبين واحد ثاني
في كل الأحوال الجمع بين الضمان والوظيفه مخالفه صريحه لأنظمة الضمان وكل شخص مشمول بالضمان وموظف بتأمينات أو من دون تأمينات ((( ويكتشفونه ))) يسقطونه أهم شي إنه على رأس العمل
البعض يقدر يرجع للضمان بعد ما يترك الشغل والي ينحط على القائمه السوداء معد يقدر يرجع للضمان وكل واحد وحظه والي الله كاتبه له

 

[اسامه الصاعدي]

رد: محتار بين الوظيفه والضمان الاجتماعي

الحمد لله قدمت علي وظيفة

 

[اسامه الصاعدي]

رد: محتار بين الوظيفه والضمان الاجتماعي

جزاك الله خيرا يا نجمه على النصيحه

 

[اسامه الصاعدي]

رد: محتار بين الوظيفه والضمان الاجتماعي

والله الضمان مايكفي

 

[الرضى]

رد: محتار بين الوظيفه والضمان الاجتماعي

الله يبارك لك فيها

 

[نجمة مسافر]

رد: محتار بين الوظيفه والضمان الاجتماعي

الله يكتب لك فيها الخير والرزق ويجعلها مفتاح للوصول للي يرضي طموحك وللأفضل بإذن الله
رح للضمان وإطلب إسقاطك لأنك لقيت وظيفه ومثل ما ذكرت لك متى ما حبيت ترجع للضمان فالضمان موجود بس ضروري تتأكد قبل ما تقدم من جديد إنهم أسقطوك من التأمينات لكن أنا متفائله كثير بإذن الله بإنك بتواصل طريقك وبيكون مستقبلك أفضل
دعواتي لك بالتوفيق وربي يسعدك

 

[علي محسن]

رد: محتار بين الوظيفه والضمان الاجتماعي

كم راتب الوظيفة عشان أشوف يطلعونك من الضمان ولا لا


علي محسن

 

[نجمة مسافر]

رد: محتار بين الوظيفه والضمان الاجتماعي

الله يهديك وش الي يطلعونه من الضمان ولا لا :confused1:
يعني تتوقع الضمان بيراعي أحد في الراتب إن كان شوي ولا كثير
لو يتوظف الواحد بأي مبلغ ويكتشفونه أسقطوه لأنه في نظرهم قادر على العمل ويقدر يصرف على نفسه وحتى لو كان سعوده ما يطلع من بيته ولا يقدر يشتغل لأن السعوده الحقيقيه إنه يروح ويشتغل وهذا الي هم يظنونه الضمان لكن ما يدرون إن البعض يعطي إسمه لصاحب العمل ويسجل تأمينات وهو جالس في البيت
الي مسجل سعوده وما بعد أسقطوه الضمان فمهوب مراعاة لراتبه هذا طال عمرك لأنهم ما بعد إكتشفوه