مٍْْـٍْْ♡̷̴̬̩̃̊ـٍْْنٍْْ حبي لكم اهديكم هذه الابيات احبكم في

[المشتاق للحنان]

مٍْْـٍْْ♡̷̴̬̩̃̊ـٍْْنٍْْ حبي لكم اهديكم هذه الابيات احبكم في

السلام عليكم ورحمة الله وبركاته ..


رساله إلى كل فرد من الشريحه الغاليه على قلوبنا .. اخواننا المعاقين ..





حزين وخاطرك ضايق على هونك تجر خطـاك
ولاكنـك مـع العالـم ولاكنـهـم يهمـونـك
انا ادري وش تفكر به ولا تنشدنـي وش دراك
حفظتك ما ابي تشـرح تكفـي نظـرة عيونـك
تحمد ربك الخالـق ولا تيـأس علـى ماجـاك
ترى غيرك من امثالك على مابـك يحسدونـك
تأكد يابعد حيي نصيبـك لاكتـب مـا اخطـاك
يصيبك لو وقف مليون من دونه ومـن دونـك
أنا اللي ذابح ٍ قلبي "عزومك" .. وينهـا نفـداك
متى صارت دموعك يالقوي تنزل من جفونـك
متى صارت الإعاقه في طريقك هاجس ٍ فتـاك
متى صارت عيون الناس تخشاهـم يشوفونـك
وانا اللي خابرك تقهر زمانك لو نـوى يجفـاك
يعوّد ينحنـي تحتـك يصـوت سـم ياعونـك
انا ادري انك تحاشى نظرة الرحمه وانا ما أنهاك
أقدّر موقفـك وألعـن نوايـا مـن يحسونـك
ولكن حط في بالك وأنـا وإيـاي ثـم وإيـاك
تفسر لي نظر هالناس تقـول انهـم يحنّونـك
لو تناظر بهالنظره طريقـك يمتلـي باشـواك
بتتعب ثم تجي منهـد .. تـدوّر مـن يهدّونـك
نسيت انك مثال ٍ حي يضرب بـه لهـذا وذاك؟
بقوة عزمك وصبـرك وشيـل الهـم بمتونـك
نسيت اللي رفع صوتـه وقـال الله يامقـواك؟
ونسيت اللي على الصمله وعلى الشده يطرونك
توكل وإستعن بالله عسى الله يالشلـي ياقـاك
توكل وارفع حجاجـك لعيـن اللـي يعزونـك
منقوول




---

 

[صديقة ذوي الإعاقة]

رد: مٍْْـٍْْ♡̷̴̬̩̃̊ـٍْْنٍْْ حبي لكم اهديكم هذه الابيات احبكم

رد: مٍْْـٍْْ♡̷̴̬̩̃̊ـٍْْنٍْْ حبي لكم اهديكم هذه الابيات احبكم

راقت لي كثير

 

[إحسـاسي]

رد: مٍْْـٍْْ♡̷̴̬̩̃̊ـٍْْنٍْْ حبي لكم اهديكم هذه الابيات احبكم

رد: مٍْْـٍْْ♡̷̴̬̩̃̊ـٍْْنٍْْ حبي لكم اهديكم هذه الابيات احبكم

وعليكم الســـلام ورحمة الله وبركــــاته

منقووول أكثـر من راائع
ابيـات معبره ومؤثره...!
سلمت يداك اخي

تقييمي وتقديــــري لك "​

 

[ابو فواز]

رد: مٍْْـٍْْ♡̷̴̬̩̃̊ـٍْْنٍْْ حبي لكم اهديكم هذه الابيات احبكم

رد: مٍْْـٍْْ♡̷̴̬̩̃̊ـٍْْنٍْْ حبي لكم اهديكم هذه الابيات احبكم

وعليكم السلام ورحمة الله وبركاته
ابيات اكثر من رائعه اخي تسلم يمينك
صح لسان الشاعر وعلى شان الناقل
تقييمي وتقديري لك