مكالمتي مع المسؤول في حافز ومركز التأهيل الشامل

[تناهيد]

السلام عليكم ورحمة الله وبركاته

مشكلتي مع برنامج حافز اني غير مؤهله مثل اغلب الموجودين هنا
والسبب أن سجلاتهم اثبتت اني مقيمه بدار رعاية اجتماعية

المهم اتصلت على الرقم الموحد وردوا علي انه لازم يتعدل الوضع من عند مركز التأهيل الي مستفيده فقط
وبعد التعديل ارجع للبرنامج واكمل البيانات وارسل الطلب مره اخرى واحصل على اعانة حافز مخصوم منها اعانه التأهيل
اتصلت على مركز التأهيل وطلب مني الحضور الى المركز واخذ مشهد باني مستفيده فقط وليس مقيمه
وايصاله الى مكتب العمل في المنطقه ومنه راح يتعدل الوضع في برنامج حافز


اتمنى ان اكون افدتكم
​

 

[الكسيره]

رد: مكالمتي مع المسؤول في حافز ومركز التأهيل الشامل

انا اتصلت فقط وقالت اسبوع واتصلي اعلمك وش صار !!! جزاك الله خير

 

[برق شمالي]

رد: مكالمتي مع المسؤول في حافز ومركز التأهيل الشامل

وعليكم السلام

هي شغله بسيطه بس الناس تكبرها


تعديل بيانات و شوي مراجعات وتعب ..
بالتوفيق للجميع ,,

 

[هاويه حنانك]

رد: مكالمتي مع المسؤول في حافز ومركز التأهيل الشامل

يعني اروح لتأهيل وأخذ مشهد يطول ولا ع طول أخده منهم

بعدين اروح لمكتب العمل وين مكانهم أنا من الرياض

 

[لورا]

رد: مكالمتي مع المسؤول في حافز ومركز التأهيل الشامل

كذااااااااابين ماعندهم سالفه انا امس كلمت حافز قالو لي تروحين تحدثين بيناتك في مركز التأهيل الشامل ورحت لهم
وسألت الموظفه قلت لها جايه على كلام حافز احدث بياناتي لأني غير مقيمه عندكم فقط مستفيده قالت ماعندنا تحديث
الي عليك تسوينه تختارين يا الاعانه 833 او تختارين حافز هذا الي قالته في نفس الوقت كلمت حافز قالت لي لا تحدثين ولا شي في دراسه لأن الشكاوي كثيره

رحت اسأل موظفه ثانيه ودخلت مكتب السكرتاريا خمس موظفات موجودات في المكتب والله العظيم اني اتكلم ولا وحده عطتني بال كأني مو موجوده كأني اشحذهم واقفه في نص المكتب واتكلم ولا وحده ترد كل وحده منزله راسها على المكتب وكأنها ماتسمع انا اول مره ادري انه تطلع قرارات مايدرون الموظفات على اي اساس هالعجايز جالسات في المكتب من يوم عرفت التأهيل ونفس الموظفات


الله لا يحللهم ولا يبيحهم لا دنيا ولا اخره والله لا يعطيهم العافيه

 

[ام لين]

رد: مكالمتي مع المسؤول في حافز ومركز التأهيل الشامل

قدموا اعتراض والله يرزقنا

 

[رجل اعمال]

رد: مكالمتي مع المسؤول في حافز ومركز التأهيل الشامل

السلام عليكم ورحمة الله

يااخواني واخواتي

وش الهدف من حافز
اصلن الوازير مكان راضي عنه
ومغصوب عليه

لكن الله يجيب مطر يااحبابي
تحياتي

 

[البحر الميت]

رد: مكالمتي مع المسؤول في حافز ومركز التأهيل الشامل

يعني لا حافز ولا سيارة لا حول ولا قوه

 

[سعود]

رد: مكالمتي مع المسؤول في حافز ومركز التأهيل الشامل

من وجهة نظري برنامج حافز للباحثين عن عمل لمدة سنه
ذوي الاحتياجات الخاصة اعانه من التاهيل والضمان مدى الحياة ! ! !

 

[همس القطان]

رد: مكالمتي مع المسؤول في حافز ومركز التأهيل الشامل

انا عن نفسي رفعت شكوى واعتراض علشان الكلام اللي كتبوه لي اني مقيمة بدار رعاية قلت لهم اني ماقبلته ومااقبل يكتبو هالشي لانه مو صحيح ماهمني الاعانة همني ماينكتب عني هالشي وشي ثاني بالنسبة لي

انا ابغى وظيفة زي البشر ماابي اعيش طول عمري على اعانات ابي وظيفة ويا ريت يحسون فينا

 

[الاثير]

رد: مكالمتي مع المسؤول في حافز ومركز التأهيل الشامل

المشكله عندنى هي الروتين وبعض الموضفين لايودون عملهم بذمه

 

[بسمة الحياة]

رد: مكالمتي مع المسؤول في حافز ومركز التأهيل الشامل

حسبي الله و نعم الوكيل

والله ما نقدر نروح و نجي كثير