ملتقى التوظيف بجمعية الأطفال المعاقين يوم الأربعاء

[أماني القرني]

السلام عليكم ورحمة الله وبركاته

اليوم الظهر جاني مسج + اتصال من جمعية الأطفال المعاقين منظمين

ملتقى التوظيف يوم الأربعاء 20 /12 / بالرياض الساعه 9 صباحاً

فحبيت أعطي البنوتات خبر

وحبيت أعرف إذا البنات أو الشباب استفادوا من هذه الملتقيات

موفقين : )


​

 

[إحسـاسي]

رد: ملتقى التوظيف بجمعية الأطفال المعاقين يوم الأربعاء

جزاكِ الله خير اختي

وربي يكتب لكم الي فيه خير
إن شاء الله
ماعندي خبر بس حبيت اشكرك
على تبليغك الخبر للآخوات
ربي يوفقكم؛؛​

 

[أماني القرني]

رد: ملتقى التوظيف بجمعية الأطفال المعاقين يوم الأربعاء

جزاكِ الله خير اختي​

وربي يكتب لكم الي فيه خير
إن شاء الله
ماعندي خبر بس حبيت اشكرك
على تبليغك الخبر للآخوات​

ربي يوفقكم؛؛​

العفو هذا واجبي تجاه اخواتي واخواني في هذا المنتدى الله يرزقنا وياكم واتمنى من اللي استفاد من مثل هذي الملتقيات يعطينا أي معلومات عنها ​

اشكر لك دعواتك ​

​

​

​

 

[احمد زايد]

رد: ملتقى التوظيف بجمعية الأطفال المعاقين يوم الأربعاء

اشكرك على الخبر اختي الفاضلة
وانا ماعندي اي خلفية عن مثل هالملتقيات

بحاول اتصل عليهم واعرف ايش يقدمون والفائدة التي يرجونها من مثل هذا الملتقى

 

[ام لين]

رد: ملتقى التوظيف بجمعية الأطفال المعاقين يوم الأربعاء

حتى انا مااعرف شي عنها وشو اللى استفادو منها ؟؟هل هو توظيف ولا بس ندوات ,.,.,.؟؟؟؟ومتى التقديم بجده ووين مكانها ؟؟الله ينور دربكم

 

[أماني القرني]

رد: ملتقى التوظيف بجمعية الأطفال المعاقين يوم الأربعاء

اليوم حضرت الملتقى ولله الحمد وزعت ماي سي في في كل حته وعلى كل شركة جت :icon_mrgreen:

وكانت القناه الاولى حاضرة وصورت الملتقى وقابلو مع سعادتي :icon_mrgreen:

الله يرزقني عاجلا غير آجل :blushing:

​

 

[سعوديه كوول]

رد: ملتقى التوظيف بجمعية الأطفال المعاقين يوم الأربعاء

يعني ايش صار ؟
ايش الشركات الي جات وايش قالو
وفيه تقديم ملفات ؟يعني نبي شي مفيد
وبنسبه لتلفزيون فاكيد بيجون اصلا لو ماجو التلفزيون والصحافه كان ماصار لا ملتقاء ولا بطيخ يعني عادي وجودهم
تعرفين يعزون الصور ومقالات الفقاقيع نشوفهم كثير بالجرايد

 

[أماني القرني]

رد: ملتقى التوظيف بجمعية الأطفال المعاقين يوم الأربعاء

هلا عزيزتي سعوديه :blushing:

يعني ايش صار ؟

ماصار شي جت عدة شركات وبدينا من الساعه 9 وربع يمكن كان عدد الشركات تقريبا 8 اتوقع

ايش الشركات الي جات

الربيع , التداوي , آسيا , فواز الحكير ,والباقي صراحه ناسيتها

وايش قالو

ابد اول شي جلسنا عندهم وعرضوا علينا الوظائف حسب مؤهلاتنا ومع كل الشركات ذي يمكن أفضل عرض هي شركة الربيع عرضو علي مدخلة بيانات بـ 4000 و700 بدل مواصلات وبدل سكن ومدري وش يعني هذولا افضل الموجودين وقالولي لأن مؤهلك بكالوريوس الراتب 4000 والدوام من 8 لين 3

وفيه تقديم ملفات ؟

ايه مدري اذا قد حضرتي ملتقيات وفاهمه ايش اقصد ؟

شوفي يكون معك مفروض لا يقل عن 10 نسخ للسي في حقك ولما تدورين على كل شركة تشوفين وش عندهم تقدمين السي في لهم

يعني نبي شي مفيد
وبنسبه لتلفزيون فاكيد بيجون اصلا لو ماجو التلفزيون والصحافه كان ماصار لا ملتقاء ولا بطيخ يعني عادي وجودهم
تعرفين يعزون الصور ومقالات الفقاقيع نشوفهم كثير بالجرايد

[/QUOTE]

ايه لازم :icon_mrgreen: بس ان شاء الله نشوف شي يسرنا :confused1::blushing:

​

 

[سعوديه كوول]

رد: ملتقى التوظيف بجمعية الأطفال المعاقين يوم الأربعاء

ايه كذا الاجابات
ربي يسلمك ياقلبي ويوفق
ولا ترفضين الوظيفه حلوه 4700مره تهبل وربي يوفقك ويسر لك
وبنسبه للملتقيات حضرت مره وحرمت بعدها
وفقدت المصداقيه بهلعالم من زمان
مره سافرت وجيتكم لرياض ورحت للجمعيه عشان قريت بجريده وظايف بالجمعيه لذوي الاحتياجات الخاصه ولما رحت قالتلي وظايف للي حاملين شهادات تربيه خاصه قلت ليتكم رديتو على تلفونكم ووفرتو عليه سفر وطلعه ونزله وللامانه اناماكنت متحمسه بس وحده من اخواتي لو مارحت كان انجلطت ولماشافت بعينهاركدت وعقلت وصارت ماتجبلي سيرة وظايف اطلاقا


عموما بتوفيق واشكرك لسعه صدرك وتجاوبك معايه ربي يوفقك يا سندريلا منتدانا بس الله واعلم وين بتلاقين فردت جزمتك الطايحه ههههههه

 

[سعوديه كوول]

رد: ملتقى التوظيف بجمعية الأطفال المعاقين يوم الأربعاء

اقولك انتي تمسكي بهل وظيفه لان العرسان يحبون الموظفات واذا ضمنتي الرجال اتركي وظيفتك ووهقيه ههههههههههه

 

[زينب العراقية]

رد: ملتقى التوظيف بجمعية الأطفال المعاقين يوم الأربعاء

السلام عليكم اختي العزيزة اتمنى تكون وظيفة مفيدة لكي واتمنى لوكان هناك شركات تهتم بالمعاق انا ايضا لدي بكالوريوس علوم فيزياء لكن مع الاسف المشاريع محتكرة لجهات معينة عموما الله يوفقك ويوفق كل معاق

 

[حموده]

رد: ملتقى التوظيف بجمعية الأطفال المعاقين يوم الأربعاء

بتوفيق يارب ------------- وبصراحة اختي سعوديه صادقة هههههههههههههههههههههههههههههه

 

[أماني القرني]

رد: ملتقى التوظيف بجمعية الأطفال المعاقين يوم الأربعاء

ايه كذا الاجابات ​

انتي بس آمري
ربي يسلمك ياقلبي ويوفق ​

[/QUOTE]


آآآمين وياك وجميع العاطلين والعاطلات في هذا المنتدى

ولا ترفضين الوظيفه حلوه 4700مره تهبل وربي يوفقك ويسر لك ​

أي والله حلوه ويارب يدقون علي لأنها تقول اصبري كم يوم وندق عليك ودي عالأاسبوع الجاي اوقع عقد ويالله > مستعجلة :blushing:​

وبنسبه للملتقيات حضرت مره وحرمت بعدها

وفقدت المصداقيه بهلعالم من زمان
مره سافرت وجيتكم لرياض ورحت للجمعيه عشان قريت بجريده وظايف بالجمعيه لذوي الاحتياجات الخاصه ولما رحت قالتلي وظايف للي حاملين شهادات تربيه خاصه قلت ليتكم رديتو على تلفونكم ووفرتو عليه سفر وطلعه ونزله وللامانه اناماكنت متحمسه بس وحده من اخواتي لو مارحت كان انجلطت ولماشافت بعينهاركدت وعقلت وصارت ماتجبلي سيرة وظايف اطلاقا ​

عموما بتوفيق ​

:confused1: أوووه قهر :confused1: طيب انتي حرام جيتي بدون مادقيتي واستفسرتي أكثر لأن المسافة مو هينة . ياحياتي يالله ان شاء ربي يعوضك بوظيفة تستاهلينها بس أهم شيء لاتيأسين ولا تتحطمين بمجرد مواقف ماضية إن شاء الله الجاي احسن :41::winky:​

[/QUOTE]​

واشكرك لسعه صدرك وتجاوبك معايه ربي يوفقك يا سندريلا منتدانا بس الله واعلم وين بتلاقين فردت جزمتك الطايحه ههههههه ​

ههههه سندريلا المنتدى مره وحده! هههه لا عاد مفروض لازم نكلم الإدارة يشيلون وسام برونزي ويكتبون سندريلا الشبكه :001_tongue::blushing: الله يوفقنا وياك لكل خير وياااارب يدقون علي الأسابيع الجايه واجي اكتب موضوع اني وقعت العقد new17

اسمعي ابغى اخذ البن حقك اذا ماعندك مانع بس كيف :closedeyes:!​

 

[أماني القرني]

رد: ملتقى التوظيف بجمعية الأطفال المعاقين يوم الأربعاء

اقولك انتي تمسكي بهل وظيفه لان العرسان يحبون الموظفات واذا ضمنتي الرجال اتركي وظيفتك ووهقيه ههههههههههه

ههههههههههههههه الله المستعان هههههههههههههههههههههه

 

[أماني القرني]

رد: ملتقى التوظيف بجمعية الأطفال المعاقين يوم الأربعاء

السلام عليكم اختي العزيزة اتمنى تكون وظيفة مفيدة لكي واتمنى لوكان هناك شركات تهتم بالمعاق انا ايضا لدي بكالوريوس علوم فيزياء لكن مع الاسف المشاريع محتكرة لجهات معينة عموما الله يوفقك ويوفق كل معاق

وعليكم السلام ورحمة الله وبركاته

حرام والله تخصصك حلو ان شاء الله تلاقين وظيفة عن قريب يمكن مو ضروري بنفس تخصصك اذا عندك حاسب ولغة حلو

قدمي عالشركات وان شاء الله تلاقين الفرصه :41: الله يرزقنا وياك وجميع المسلمين .. موفقه اختي :blushing:
​

 

[أماني القرني]

رد: ملتقى التوظيف بجمعية الأطفال المعاقين يوم الأربعاء

بتوفيق يارب ------------- وبصراحة اختي سعوديه صادقة هههههههههههههههههههههههههههههه

شكرا لك الله يوفقنا وياك وجميع المسلمين :41:

​

 

[ام لين]

رد: ملتقى التوظيف بجمعية الأطفال المعاقين يوم الأربعاء

انا اتصلو عليا الجمعيه بالرياض وقالت روحى قدمى اوراقك في مركز بجده انا بروح اقدم اوراقي بس شهادتى ثانويه عامه اخاف اروح وارجع غير فايده

افيدونى؟؟؟؟؟؟؟؟؟؟؟؟