ممكن احد يساعدني

[نبض الحياه]

السلام عليكم
مساء الخير


انا قدمت على مركز التاهيل بالقدس عن طريق المستشفى
بسبب مرضى الي هو مرض ااسرطان الله يشفيني وكل مسلم

اعطوني ورقه صغيره وكانت بتاريخ 29\4\من السنه هذي
وقالوا اتصلي على الارقام الموجوده في الورقه بعد 4 شهور
وكان مكانهم مؤقت في حي القدس بالرياض
اتصلت باول رمضان قالوا مافيه شي

الحين سمعت انهم نقلوا في مكان ثاني يمكن على الدايري الشمالي او الغربي
ولا احد يرد على الارقام الموجوده بالورقه ولاهم اتصلوا علي

وش اسوي ممكن احد يساعدني
وجزاكم الله الف خير

 

[سامي]

رد: ممكن احد يساعدني

اتصلي على الاتصالات وطلبي رقم مركز التأهيل ويمكن يكون عندهم الرقم الجديد اذا غير المركز رقمه

وان شاء الله باقي الاخوة يساعدونك بالمعلومة الصحيحة

 

[قاهر اليأس]

رد: ممكن احد يساعدني

راح يجونك الاخوان ويعطونك اعنوان الى بالرياض لنا اخوان بالرياض مقدمين بع ولا تنسين تاخذين صرافتك ترى اليوم وزعو الصرافات بالرياض .. موفقه

 

[بروحه]

رد: ممكن احد يساعدني

عند كلية المعلمين
كبري الخليج عرفتيه !

 

[بروحه]

رد: ممكن احد يساعدني

عند كلية المعلمين بالملز
كبري الخليج عرفتيه !

 

[بنت الشيخ]

رد: ممكن احد يساعدني

وزاره الشؤون الاجتماعيه تقع في الملز

لكن مركز التأهل الشامل للاناث أعرف اللي بالروضه شرق الرياض علي طريق خالد بن الوليد

 

[نبض الحياه]

رد: ممكن احد يساعدني

وزاره الشؤون الاجتماعيه تقع في الملز

لكن مركز التأهل الشامل للاناث أعرف اللي بالروضه شرق الرياض علي طريق خالد بن الوليد

ايوه هذا هو طريق خالد بن الوليد

كانوا هناك عند كبري الخليج فتره مؤقته لانهم يرممون المركز

طيب اي صرافه ما املك من عندهم الا ورقه مراجعه صغيره

اخذ معي صرافه الضمان او ايش بالضبط انا خارج الرياض

اباخذ كل الاوراق عشان ما ارجع مرة ثانيه

لكل من مر من هنا
الله يععطيكم العافيه وجزاكم الله الف خير

 

[قاهر اليأس]

رد: ممكن احد يساعدني

ايوه هذا هو طريق خالد بن الوليد

كانوا هناك عند كبري الخليج فتره مؤقته لانهم يرممون المركز

طيب اي صرافه ما املك من عندهم الا ورقه مراجعه صغيره

اخذ معي صرافه الضمان او ايش بالضبط انا خارج الرياض

اباخذ كل الاوراق عشان ما ارجع مرة ثانيه

لكل من مر من هنا
الله يععطيكم العافيه وجزاكم الله الف خير

اختى صرافة الضمان ماله داعى تاخذينها ولا تعطينهم اصلا صرافة الضمان لنهم مايسألون عنها فقط اذا رحتى تستلمين صرافة التاهيل خذى معك كرت العائله او بطاقة الاحوال فقط علشان تستلمينها بسسس وبالنسبه لموقع التاهيل الجديد بالرياض ان شاء الله يجونك الاخوان ويعلمونك مكانه الجديد تابعى الموضوع وراح نرفع لك الموضوع لغاية ماتعرفين عنوانهم .. موفقه اختى

 

[نبض الحياه]

رد: ممكن احد يساعدني

[جزاكم الله الف خير,,وماقصرتوا

بس انا هونت عن الموضوع,, اتصلت على نفس الرقم ردت علي وحده من الاخوات ابتفاهم معها ماتركت لي مجال على طول ماجانا شي قلت ابي الرقم الجديد كلمت برمضانوعطيتوني الرقم قالت ماعندهم شي السنه الجايه تنزل وكل وباسلوب منفر الله يسامحها
والرزق عند الله والحمد لله حتى المقطوعه ماستلمتها الا من سنتين مع اني مطلقه ورفض مكتب الضمان يسلمني الا كل سنتين وهالسنه بعد جده جهيد قالوا خلال الاشهر الجايه تنزل
يارب اغنيني بحلالك عن حرامك مايدرون ان مريض السرطان يحتاج ,,
ومشكورين اخواني ماقصرتوا والله لايحوجنا الا لوجهه الكريم

 

[ابني كل قلبي]

رد: ممكن احد يساعدني

اسأل الله العظينم ان ينزل لك العافيه ويشفيكي ويشفي جميع مرضى المسلمين
انشاء الله حقك ما راح يضيع بس اسئلي عن فرعهم الجديد وارسلي رقم المستفيد والسجل لو حبيتي اتاكد من بياناتك ورصيدك

 

[ابني كل قلبي]

رد: ممكن احد يساعدني

اسأل الله العظينم ان ينزل لك العافيه ويشفيكي ويشفي جميع مرضى المسلمين
انشاء الله حقك ما راح يضيع بس اسئلي عن فرعهم الجديد وارسلي رقم المستفيد والسجل لو حبيتي اتاكد من بياناتك ورصيدك

 

[قاهر اليأس]

رد: ممكن احد يساعدني

لالا تعالى وشو هونتى عن الموضوع حقك هذه تاخذينه غصبن عليها ماهو من جيبها وربى ان سكتى عن حقك اعتبرك ضعيفه وينوخذ حقك ولا تقدرين ترجعينه روحى لها وهم دايم كذا مع الناس ماهو معك انتى بس ماعليك منها خل اتولى هى موجوده علشان تخدمك اصلا هى جالسه علشان تخدمك اشتكى عليها يابنت الحلال هذولا ماينعطون وجهه قالت لك كلمتين خلاص تسكتين عن حقك روحى روحى راجعى بس وربى لطلع عيونها ولا اخليها تاخذ حقى روحى لا تسكتين روحى رووووووووووحي

 

[نبض الحياه]

رد: ممكن احد يساعدني

شكرا لكل من مر من هنا والله يجزاكم خير
والله جد خلاص الله يعوضني وبشغل الناس معي واعطلهم عن دوماتهم
عشان يراجعن بي
انا ظنيت المساله سهله اول ماطلعت من المستشفى اعطووني ورقه قالوا اوراقك بالتاهيل راجعيهم
ورحت على بالي الامور تساهيل رحت قالوا تبين دامه سواق قلت خدامه افضل قالت بنحصم من 2000 قلت طيب حق التاشيره
ظنيت كل شي مايطول عطيت ورقه التاشيره لاخوي راح طلبوا طلبات زي الاستقدام كشف بحساب الوالد واوراق ومدري ايش
انا عنيت الناس على كلامها تقول التاشيره جاهزه تركتها
والحين ظنيت بعد اني اذا اتصلت بتقول باقي ااتصلي على الرقم هذا
اما الدعوه فيها مراجعات بلاش منها

والرزق عند الله
والله يجزاكم خير

 

[قاهر اليأس]

رد: ممكن احد يساعدني

انا احسبك اول مقدمه جديد على المعامله اثاريك تبغين خدامه لا اجل ريحى راسك منهم .

 

[نبض الحياه]

رد: ممكن احد يساعدني

لاجديده عليهم واول مره اقدم على الاعانه وماكنت اصلا ادري عنهم بس الخدمة الاجتماعيه بالمستشفى هم الي كتبوا الاوراق لهم بحكم اني مطلقه ومريضه
وجيتهم وعرضوا خداماتهم علي

على العموم يعطيكم العافيه

 

[نجمة مسافر]

رد: ممكن احد يساعدني

السلام عليكم ورحمة الله وبركاته
الله يشفيك اختي ويعافيك
هذا رقمهم 2483695
2483694
بين مخرج 10 و11خط الخدمه يمين محطة الدريس قرب مسجد الجوهره
المكتب نزلت فيه بطايق كثير والناس الان يستلمون
اذا رقم المستفيد عندك يبدا ***569 او اقل فالبطاقه اكيد موجوده
ونعم بالله لكن ضروري تروحين وما تخلين حقك
خذي بطاقة الاحوال اذا عندك او بطاقة العائلة وصوره شمسية
عطيني رقم المستفيد وانا ابعرف لك اذا طلعت ولا لا اعرف وحده هناك

 

[قاهر اليأس]

رد: ممكن احد يساعدني

تسلمين اختنا عبارى .. نبض الحياه الاخت عبارى جابت لك العنوان راح نرفع الموضوع لحد ماتشوفين العنوان وتردين وقتها راح نعرف انك اخذتى العنوان . بالتوفيق

 

[نجمة مسافر]

رد: ممكن احد يساعدني

جزاك الله خير مشرفنا ومشكور
انا في انتظارها لأني ابروح للمركز يوم الأحد بإذن الله استلم بطاقتي

 

[قاهر اليأس]

رد: ممكن احد يساعدني

ان شاء الله تشوف ردك اختنا عبارى ويالله فرصه من هنا للاحد ان شاء الله يمداها تشوف ردك بأذن الله