ممكن مساعدة من الاخوان بالوظيفة

[مسلم]

ورحمة الله وبركاتة

اخواني استفسار

انا شخص من ذوي الاحتياجات الخاصة ..... شغال بشركة ولي معاهم 3سنوات ولم يزيدوني ريال واحد بالرغم بأن كل الموظفين ينزل لهم زيادات حتى العمال ومو ظف المطبخ يزيدوه الا انا راتبي ثابت...
وكلمتهم من قبل ماكو فايده ... يقولي المدير انت مو منتظم بالدوام مره.... قلت له انا اداوم بس اذا غبت اغيب بعذر بحكم ظروف صحية طبعا يمكن مره بالشهر او مره بالشهرين .... تعبت معاهم .....

سؤال انا لو اطلع من عندهم هل ينقص من عدد السعودة لان انا موظف عدهم عن اربعة اصحاء بنظام مكتب العمل
لان الشركة اكتفت بعدد السعودة ...
شوووووو الحل وماذا افعل؟؟؟؟؟

 

[دارين]

رد: ممكن مساعدة من الاخوان بالوظيفة

الله يسهل امرك

يفيدوك الشباب ان شاء الله

 

[مواطن]

رد: ممكن مساعدة من الاخوان بالوظيفة

الموظف في القطاع الخاص اذا صار ضعيف ولا يطالب بحقة
صدقني يستغلوه
لانهم يحسون انك محتاجهم ومحتاج الوظيفة

اولآ : سو لك سيرة ذاتية منظمة واذكر فيها انك من ذوي الاعاقة مع الاثبات
وان لك خبرة في الشركة كذا ووو
وانشرها في المواقع المعروفة او شركات التوظيف
صدقني انت الان مطلوب والناس تدورك
ثانيآ : قل للمدير مجرد كلام انك وجدت وظيفة وخلال اسبوع ساقدم استقالتي وش كيف بيكون ردة
لانك خلال الاسبوع بتجد زيادة في الراتب وبيعطيك اهتمام
بس اهم شي لاتخليك ضعيف قدام الشركات ولا تطلب راتب معين
واذهب للشركات الي تحتاج سعودة عشان يقدرونك
واتمنى لك التوفيق

 

[معاند الضيم]

رد: ممكن مساعدة من الاخوان بالوظيفة

السلام عليكم


لم تذكر كم راتبك الان لدى الشركة
وهل يتم الخصم من راتبك بحكم غيابك عن العمل؟

وماهي نوع اعاقتك ؟