ممكن تردون علي بخصوص خلع الوركين

[ام الصبر]

السلام عليكم ورحمة الله وبركاته..
جزاكم الله خير وجعل كل حرف تكتبونه في ميزان حسناتكم
انا ام لبنت عندها خلع ولاده وسيت لها عمليه وهي في عمر سنتين والله يسامح الدكتور صار فيه خطاء طبي ومن بعده بدا مشوار العنا
سويت لها خمس عمليات وللاسف كلها تصحيح للخطاء الطبيnew8...
الحمدلله ع كل حال انا راضيه بامر الله طلعت فيها للاردن وسويت لها عمليتين وللاسف تصححت الرجل اليسار بنسبه بسيطه ولاكن الرجل اليمنى الى الان
تعاني بنتي من عرج واضح والحين لها عمليه بالمستشفى التخصصي تمنيت تكون هالعمليه اخر عمليه ولاكن للاسف صدمني الدكتور لما قال تحتاج بعد 11سنه عمليه تطويل يعني انا الحين نقلت هم ها ا11سنه
الحمدلله ع كل حال بس انا ودي استفسر عن اشياء كثيره ماكنت اعرف ان يمشي لها اعانه وقبل سنه قدمت بالمتابعه الاجتماعيه
وهالشهر اسلمنا البطاقه وفيها 2000ريال
وانا الي سمعته ان الي نفس حالت بنتي يستلمون اعانه شهريه ...؟؟ودي اعرف اكثر عن هالموضوع وهل بنتي تستحق اعانه شهريه وكيف ابدا بالاجرات
والاستفسار الثاني لما اسوي عمليه تجلس في الجبص 3اشهر ويعلم الله اني اتعب كثير معها وخوصا الحين البنت كبرت وما اقدرعليها لوحدي عمرها 7سنوات
هل استطيع ان اطلب خادمه تساعدني من الضمان الاجتماعي..؟؟
وايضا انا سمعت انا تقدر تاخذمن الضمان ومن التاهيل يعني تصرف لها اعانتين ..؟؟
وايضا بنتي تعاني من قصر في السمع هل تمشي لها اعانه يعني تقدر تاخذع الخلع والسمع او شي واحد بس اقدر اخذه ؟؟
والله انا ماعرف اتمنى ماتضحكون علي ولاكن اسمع من كلام الناس وودي احد يفهمني ويقولي وش حقوقها وش اقدر اطالب فيه يعلم الله لو مو محتاجه مابحثت بهالمواضيع بس حنا في حاله الريال ينفع معنا والله شاهد..


جزاكم الله الفردوس الاعلى ولاحرمكم الجنه ورزقكم من واسع فضله ....
اذ ممكن ابي اعرف كل شي
وهل فيه فرق بين الضمان الاجتماعي والمتابعه الاجتماعيه ..؟؟وماهو الفرق ..؟؟
اعتذر عن الاطاله ولاكن يعلم الله بفرحتي لما سجلت في هالمنتدى حسيت اني بلاقي جواب لكل سوال

 

[محمد عيسى الخالدي]

رد: ممكن تردون علي بخصوص خلع الوركين

السلامـ عليكم
اختي ام الصبر
انا مسوي عملية استبدال لمفصل الورك بالرجل اليسرى وآخذ اعانه شهريه833 ريال
وبالنسبه للضمان سمعت انها لازم يصير عمرها 13 ماني متأكد
وباقي اسألتكـ الأخوان يفيدونكـ​

 

[عيوني حزينه]

رد: ممكن تردون علي بخصوص خلع الوركين

new8يا ام الصبر الله يعطيكي العاااااااااااافيه روحي مركز التاهيل الشامل للاناث وخذي كرت العائله وصوره شخصيه لبنتك ويعطونك خطاب تروحين المستشفى عشان التقرير الطبي وطبعا يحسبون اعاقه وحده بس تقريبا833 بخصوص الضمان لازم يتعدى عمرها 18 سنه ارجو اني اكون افدتك بشي new8

 

[ام الصبر]

رد: ممكن تردون علي بخصوص خلع الوركين

الاخ محمد جزاك ربي الفردوس الاعلى عسى رب الكون يشفيك ويعافيك ويفتح لك ابواب رزقه ورحمته..
الاخ عيون حزينه اسال الله العظيم رب العرش الكريم ان يبعد عن عيونك الحزن وعساها ماتشوف ضيقه ابد ويجزاك الفردوس الاعلى ولا يحرمك الاجر

 

[ام الصبر]

رد: ممكن تردون علي بخصوص خلع الوركين

اتمنى احد يقدر يجاوب ع استفساراتي ربي لايحرمه الجنه

 

[جوانا]

رد: ممكن تردون علي بخصوص خلع الوركين

والله لو اعرف افدتك بس للاسف مااعرف الا الدعاء لبنتك عسى الله يعجلك بشفاها يارب
والاعضاء بهالمنتدى مايقصروون بيفيدونك بكل استفساراتك

 

[ام الصبر]

رد: ممكن تردون علي بخصوص خلع الوركين

والله لو اعرف افدتك بس للاسف مااعرف الا الدعاء لبنتك عسى الله يعجلك بشفاها يارب
والاعضاء بهالمنتدى مايقصروون بيفيدونك بكل استفساراتك

جزاك الله الفردوس العلى ولا حرمك الاجر وفتح الله لك ابواب رزقه ورحمته:001_tt2:

 

[قوتشي]

رد: ممكن تردون علي بخصوص خلع الوركين

السلامـ عليكم
اختي ام الصبر
انا مسوي عملية استبدال لمفصل الورك بالرجل اليسرى وآخذ اعانه شهريه833 ريال
وبالنسبه للضمان سمعت انها لازم يصير عمرها 13 ماني متأكد
وباقي اسألتكـ الأخوان يفيدونكـ​

اخوي هل عندك خلع ورك وين سويت عملية المفصل الصناعي ؟
محتاجة ردك جزيت خيرآ .

 

[خديجة]

رد: ممكن تردون علي بخصوص خلع الوركين

السلام عليكم
أنا عندي خلع بالأوراك من يوم الوالاده الحمدلله ع كل حال وقدمت ع التأهيل الشامل والحين استلم كل شهر 833 ريال
خذي معك تقرير طبي عن حالة بنتك وصورة من كرت العائلة ومعروض واذهبي بها الى التأهيل الشامل وقدمي لها
والضمان الأجتماعي لازم يكون عمرها 18 سنة وفوق.
الله يشفي الجميع

 

[هيلين]

رد: ممكن تردون علي بخصوص خلع الوركين

وعليكم السلام ورحمه الله وبركاته ..
يهلا باام الصبر عسى ربي يعوض صبرك خير ويشافيلك أبنتك وييسر لك أإآأمور يرب
شوفي يغاليه عن الورك مشكله بنتك زي بنت أختي لما كان عمرهااا 3 ممكن أصغر

سوت عمليه بالاردن م نجحت ايضأأ بمستشفى التخصصي عند الدكتور عمار ع م اعتقد

ايضآآ فشششلت وسوتهاااا هنا بحايل سبحان الله ومشالله البنت الحين تمشي طبعي
لاااله الا الله بس ظلت بالجبس 3 شهور وبعدهااا حذااا طبي يعني وحدة اقصر من التانيه


من ناحيه الاعانه بالضمان الاجتماعي لوتستني علي للبكره
او يوم السبت راح اعطيك كل التفاصيل أن شالله .
اما عن التاهيل يمشيله صرف أعانه


ربي يقويكِ لاتشغلي نفسك الله كريم


..

.