من وين بالامكان الحصول على كرسي تفصيل

[سحاب]

السلام عليكم ورحمة الله وبركاته

اخواني من وين بالامكان افصل كرسي متحرك سبورت الي هو رياضي

يكون خفيف وقوي

لانه ما حصلت على الطلب الموجود بس جاهز وحتى كبير اصلا

اذا فيه مؤسسة او موقع موجودة بالممكلة ياليت احد يدلني عليها

وبسال عن شي هل بالامكان التاهيل الشامل او الضمان يسدد قيمته عني

لاني على ما شفت اسعارها غالية برى توصل 12000

والوالد معارضني لانه غالي

 

[مسفر الدوسري انا معاق]

رد: من وين بالامكان الحصول على كرسي تفصيل

بالرياض شارع الضباب

 

[محمد العمري]

رد: من وين بالامكان الحصول على كرسي تفصيل

شوف أخوي فيه أنواع كثير كراسي متحركة وجودتها عالية وخفيفة بنفس الوقت عندك كم

نوع منها : التيتانيوم خفيف وحلو ويتحمل أوزان كثير وبرضه عندك الكربون وهذه جودتها

يمكن أفضل شي بالسوق حاليا خفيف وجدا قوي وأسعار التيتانيوم والكربون شوي عاليه

ولكن خذ تحمل وخذ كرف أحد الشباب قابلته بمدينة سلطان يقول الكرسي الي معاه ناسي

اما تيتانيوم او كربون يقول لها 12 سنه معاي وفيه نوع الألمنيوم هذا خفيف لكن ماهو بخفة الكربون

والتيتانيوم ورخيص يعني أطلق كرسي منه مايتعدى يمكن 3000- 5000

وعندك مؤسسة بالرياض اسمها عجلة التميز صاحبا شخص معاق فيه الخير وأسعاره من اﻷخر

وكان ودي أكتب لك الرقم تتواصل معاه ولكن أحترم قوانين المنتدى وإذا سمحوا لي اﻹدارة

أبشر أو أعطيك اﻷيميل.

 

[عيسى محمد]

رد: من وين بالامكان الحصول على كرسي تفصيل

شوف أخوي فيه أنواع كثير كراسي متحركة وجودتها عالية وخفيفة بنفس الوقت عندك كم

نوع منها : التيتانيوم خفيف وحلو ويتحمل أوزان كثير وبرضه عندك الكربون وهذه جودتها

يمكن أفضل شي بالسوق حاليا خفيف وجدا قوي وأسعار التيتانيوم والكربون شوي عاليه

ولكن خذ تحمل وخذ كرف أحد الشباب قابلته بمدينة سلطان يقول الكرسي الي معاه ناسي

اما تيتانيوم او كربون يقول لها 12 سنه معاي وفيه نوع الألمنيوم هذا خفيف لكن ماهو بخفة الكربون

والتيتانيوم ورخيص يعني أطلق كرسي منه مايتعدى يمكن 3000- 5000

وعندك مؤسسة بالرياض اسمها عجلة التميز صاحبا شخص معاق فيه الخير وأسعاره من اﻷخر

وكان ودي أكتب لك الرقم تتواصل معاه ولكن أحترم قوانين المنتدى وإذا سمحوا لي اﻹدارة

أبشر أو أعطيك اﻷيميل.

ابوسليمان الله يعافيك ما اظن ولا اعتقد بل اجزم بأن
الاداره لن تعارض ((رقم جوال صاحب مؤسسة عجله التمير))
للاخ عبدالرحمن الرشيد وهو رجل معاق والكثير يعرفه وهذا
الرقم يستفيدمنه جميع المعاقين وكان عندي كرته وفيه رقم
الجوال والمحل وللاسف ضاع الكرت ولم اخزن رقمه عندي

 

[حموده]

رد: من وين بالامكان الحصول على كرسي تفصيل

من اماكن بيع المستلزمات الطبية

 

[كثير الرماد]

رد: من وين بالامكان الحصول على كرسي تفصيل

وعليكم السلام ورحمة الله وبركاتة
....................................

طلبك موجود مثلما ذكر الأخوه ...بشارع الضباب / الرياض

وامــــا هل التأهيل الشامل يصرفه لك ضمن لوزامك الطبية

نعم يصرف لك في حالة تكون عندك انتساب لنادي رياضي واحضار مايثبت
وان حالتك تسمح بممارسة الرياضة ... وفالك التوفيق

 

[سحاب]

رد: من وين بالامكان الحصول على كرسي تفصيل

الله يعطيكم العافية اخواني

امكان بيع المستلزمات الطبية الي فيها ما تناسبني ابد

ولاني من اهل الرياض هل فيه طريقة اخذ بها قياساتي وارسلها وهم يفصلونه ويرسلونه

بس ما رديتو علي بخصوص الرعاية الاجتماعية او الضمان يسددون لي قيمته في حال لم املكها

 

[سحاب]

رد: من وين بالامكان الحصول على كرسي تفصيل

وعليكم السلام ورحمة الله وبركاتة
....................................

طلبك موجود مثلما ذكر الأخوه ...بشارع الضباب / الرياض

وامــــا هل التأهيل الشامل يصرفه لك ضمن لوزامك الطبية

نعم يصرف لك في حالة تكون عندك انتساب لنادي رياضي واحضار مايثبت
وان حالتك تسمح بممارسة الرياضة ... وفالك التوفيق

طيب ياغالي مافهمت وش علاقة النادي الرياضي لانه مالي انتساب

كيف بحضر هذا الاثبات بدون النادي

 

[سعود]

رد: من وين بالامكان الحصول على كرسي تفصيل

السلام عليكم
اخوي الكراسي واجد ونوعيات مختلفه
عند مؤسسة عجلة التميز وصاحبها محسن العنزي
وعلى فكره وزارة الشؤون الاجتماعية تشتريه لك من مؤسسة عجلة التميز
بدون ما تدفع ريال واحد
بس الله يعينك تبي تنتظر 4 اشهر الى يجيك الكرسي

 

[سحاب]

رد: من وين بالامكان الحصول على كرسي تفصيل

عليكم السلام ورحمة الله وبركاته

ايه يخوي هذا الي اسال عنه كيف اخلي الشئون الاجتماعية تسدد قيمته عني

اروح لهم بفاتورة ولا كيف الطريقة

 

[سعود]

رد: من وين بالامكان الحصول على كرسي تفصيل

السلام عليكم
اعتذرلك عن التاخير
اخوي سحاب ابحث عن سعود الركاد الشمري بالفيس بوك
وانا هناك اعلمك الطريقه