معاق لم تعيقه اعاقته عن اداء الصلاة

[بنت الزهراني]

إخوتي وأخواتي هناك من لهته الدنيا وغرته حتى آداء فرائضه
وهناك العكس من تعلق قلبه بالله وحتى وإن لم يعي مايقول
أو صعبت عليه الحركة ..
الله آكبر ماأروع القلب المعلق بالله سبحانه ..
هذا شاب لم تمنعه إاعاقته وصعوبة حركته من آداء الصلاة ..

دخل عليه ابن خالته وهو يصلي فأنظروا الهمة والتعلق
https://www.youtube.com/watch?v=AbAmc3OLNtQ

جعل الله سبحانه قلوبنا معلقه به سبحانه ورزقنا الهمة للجنة ..
​

 

[سعوديه كوول]

رد: أترك لكم التعليق !!

رد: أترك لكم التعليق !!

بصراحه انا ضد هذي الطريقه مااحب يجيبون معاق ويخلونه مثل وعبره عشان الناس يتاثرون الطريقه غير صحيحه ومو بس في هذا المقطع مع كثير من المعاقين الي يجلسونهم ويطيحون فيهم تحقيق عشان بس يعطون الناس صوره انهم بخير وبعافيه فمن باب اولى شكر النعمه ....طيييييب والمعاق هذا ؟؟؟؟خليتو كل حياته وركزتو كيف يصلي عشان تقولون لناس ان المعاق يصلي؟؟؟ايش الطريقه ذي ؟؟؟؟ايش الاسلوب هذا ؟؟مو اسلوب دعوي ولا اسلوب واحد عنده رساله بيوصلها لناس....خافو الله فينا ترونا نحس ونتالم لالمهم ......مين قالكم المعاق مايصلي من قال ان المعاق عشانه معاق مايصلي حتى فروض ربي استكثرتوها علينا ؟؟؟المقطع عشان يكون ماثر لازم يكون انساني وصادق وبطريقه راقيه عشان توصل فكرتك الجميله لازم تفكر فيها من كل النواحي وتكون داعيه ذكي ...بس بطريقه هذي بصراحه ماقبلتها خاااالص خاااالص انا مو ضد التوعيه بس مو بهشكل هم وصلو ان المعاق يصلي طيب مين علمه الصلاه ووين درس وكم حافظ من القران ليش مااعطو نبذه عن حياته ويعطونه مقابلها اجر واجر كبير كمان مايقل عن عشره الاف مقابل تصويرهم ومقابل رضاه يكون بهذا المقطع الي شافوه الاف البشر ومتاكده الكل بيقول الله يشفيه ومابيستفيدون من المقطع الا بشفقه على المعاق وكيف ركع وكيف سجد وهل هو يعرف ايش يسوي او لا ...يعني الفكره ماحبيتها

 

[بنت الزهراني]

رد: معاق لم تعيقه اعاقته عن اداء الصلاة

لا يااختي الله يحفظك حبيت نوضح كيف القلوب ان تعلقت بالله سبحانه مايعيقها اي شي ..
وان كان على كيفية الصلاة فيه اصحاء كثير مايعرفو يصلو ..
لم نقصد الاساءة او الشفقة لا والله وحاشا لله وانما لرفع الهمم .. حفظكم الله

 

[بنت الزهراني]

رد: معاق لم تعيقه اعاقته عن اداء الصلاة

واذا كان المقطع فيه ازعاج ابشري بحذفه اهم شي محد ياخذ بخاطره ..

 

[سعوديه كوول]

رد: معاق لم تعيقه اعاقته عن اداء الصلاة

كل انتقادي على طريقة تصوير الفيديو وكيف انه مايفيد وفكرته مو مقنعه وولا احب اي معاق اي معاق في اي مكان وفي اي زمان انه يكون مضرب مثل عشان الباقين يحمدون الله على النعمه ....انا ضد هذي الطريقه تماماوخصوصا في امور الدين لان مافيه فرق كبيربين سليم ومعاق بتكاليف الشرعيه الاساسيه ان وجد العقل ....تخيلي نفسك مكانه ولد يعاني من اكثر من اعاقه ويدخلون بالكميره ويصورونه عشان الناس يصلون مااعتقد فيه انسانيه اطلاقا بالموقف يمكن انا حساسه شويتين بس رحمته من صميم قلبي رحمته وحطيت نفسي مكانه ...الله لا يحرمه الاجر ويجزاه الفردوس الاعلى من الجنه ...بس المعاقين لهم وضع خاص الي مابيدخل عالمنا بطريقه صحيحه لايتفلسف ويحترم نفسه ويحترم الاخر

 

[سعوديه كوول]

رد: معاق لم تعيقه اعاقته عن اداء الصلاة

الطريقه بتكون صحيحه لو تكلم عنه ولد خالته وقال عندي ولد خاله عمره كذا ويفهم وتعلم الصلاه ولا تفوته صلاه وهمته عاليه وربي اخذ منه شي واعطاه اشياء ويسرله طريق الطاعه بطريقه عجيبه رغم كل شي صعب بحياته بس عايش برضى وبسلم داخلي والسبب هو محافظته على الصلاة ومن هل كلام وبعدين يدخل عليه ويصوره وهو يصلي بس مقطع صغير ويرجع يطلع ويقول الي يبي عن الصلاة كان بيكون الطف واصدق وافودبكثير من الحركه ذي

 

[اميرة عفت]

رد: معاق لم تعيقه اعاقته عن اداء الصلاة

يعطيك العافيه
مشكووووووووووور