أمر بالعلاج بالخارج من وزارة الداخلية

[ام كرم]

ياجماعة الله يجزاكم خيرشورو علي وش اسوي.انا طرحت قبل فترة موضوع ولدي المهم الحمدلله جانا أمر بالعلاج بالخارج من وزارة الداخليه وتحولت معاملته للهيئة الطبية العليا لكن للأسف انرفض الطلب بسبب تقرير الدكتور الفاشل حسبي الله عليه سبع التحاسيب لأنه مايوضح تفاصيل حالة ولدي ويكتفي بأنه يقول يحتاج للعلاج الطبيعي بينما ولدي إصابته اعصاب وباعتراف أطباء العلاج الطبيعي بأنفسهم أن العلاج الطبيعي مابيفيد بحالة ولدي وهالشي اتوقع انه هو السبب بأن الطلب انرفض وانا يعلم الله اني قلت للهيئة الطبية المبدأية اني مابي تقرير هالدكتور وحولوني على أي مستشفى ثاني بس للاسف تغافلوني وارفعو التقرير حق ذا الدكتور.وش اسوي ياجماعة الخير،يعلم الله اني حفيت وتبهدلت لحد ماجاني أمر العلاج وبالاخير ينرفض بسبب تقرير من طبيب ماخاف الله

 

[ضوء القمر]

رد: أمر بالعلاج بالخارج من وزارة الداخلية

ماعليه شر إن شاء الله

طيب كان قلتي او وديتي الخطاب تخصص أعصاب

أحس في خطأ في الموضوع

حاولي ترجعين للهيئة وتقولين لهم يحولونك مستشفى ثاني انتي تعالجينه فيه عشان يعرفون بسرعه وحاولي تروحين لهم وتفهمينهم عدل قبل مايرسلونه لهم أقصد الدكاتره تفهمينهم المطلوب عشان العلاج بالخارج

ويمكن انرفض بسبب ثاني مو من تشخيص الدكتور ؟

أنت الله يعطيك الصحة والعافية ولاتنسى أنكِ على أجر وتنسين التعب إن شاءالله

بالتوفيق

 

[ام كرم]

رد: أمر بالعلاج بالخارج من وزارة الداخلية

الله يجزاك خير والدكتور اللي كتب التقرير هو دكتور اعصاب وانا اطلعت على تقارير سابقة له بخصوص حالة ولدي وعرضتها على أطباء غيره وكلهم اتفقو أن التقارير حقته فاشلة وماتوضح حقيقة وضع الولد وانا عندي مواعيد لولدي بمستشفى ثاني بس للاسف ان الهيئة الطبية تصرفو من كيفهم وارفعو تقرير هالدكتور والظاهر عشان يفتكون لأن تقاريره جاهزة
..انا الحين ابي اعرف اذا اقدر ارجع للهيئة الطبية واطلب خطاب منهم لمستشفى ثاني عشان التقرير ويرفعونه للهيئة الطبية العليا والا خلاص راح علينا أمر العلاج للخارج؟؟

 

[ضوء القمر]

رد: أمر بالعلاج بالخارج من وزارة الداخلية

الحل ترجعين لهم وتفهمينهم الوضع واذا رفضوا رجعي لوزارة الداخلية واشتكي عليهم

 

[يحي علي]

رد: أمر بالعلاج بالخارج من وزارة الداخلية

العلم حتى انامقدم للوالده عندها اورام سرطانيه في الحلق والبطن واضن مابعد هالمرض شيء نسأل الله أن يعافينا ويعافيها وللاسف رفضوه بحجة علاجها موجود بالسعوديه. وهم اساسا الهيئه اتحداهم يقبلون هالشي لواحد من اهاليهم فحسبي الله ونعم الوكيل وللان حتى تذاكر الطيران ماعطوه بحجة الميزانيه

SM-N9005 السعودية لذوي الاعاقة

 

[حكيم]

رد: أمر بالعلاج بالخارج من وزارة الداخلية

الدكتور اللي في الهيئه الطبيه مابيده شيء الأمر جايه من فوق من فوق يعني تحويلك للهيئات الطبيه مجرد عذر ولا لو يقبلونك الهيئات الطبيه راح يفصلون الدكتور اللي حولك يعني اغسل يدك منهم هذي لعب في لعب

 

[يحي علي]

رد: أمر بالعلاج بالخارج من وزارة الداخلية

طيب وايش الحل والله تعبت من المواعيد والديون كل مره نسافر للمواعيد الدمام

SM-N9005 السعودية لذوي الاعاقة