مساء الجرح يا أجمل جروحي وينها دنياك ..!!

[بنت قحطان]

[frame="12 98"]
مساء الجرح يا أجمل جروحي وينها دنياك
بكى وجه المكان اللي تعود طلت جبينك

زوايا غرفتي عطرك وقلب يرتجي لقياك
ودفتر يحتضن أحلى الأماني وأجمل سنين

تغيب وماتغيب بداخلى حبك .. وذكراك
ويكسر هيبتي نفس السؤال واحتضر وينك ؟

أسافر عنك وأتغرب أعاند حبك وأنساك
وتأخذني الدروب بغربتي لأقرب عناوينك

وأنام من الألم واصحى على صوتك ولا ألقاك
وألاقي هالزمان اللي وقف مابيني وبينك

وأظل بحيرتي تايه هنا نصفي ونصفي هناك
وأكبر ذنب سويته زرعت الروح في طينك

شريتك يوم هالعالم رخصك وللألم خلاك
رضيت العيش في صحراء لجل أروي بساتينك

حبيبي كان هو قصدك تحطم عاشق يهواك
وتزرع في ظلوع اللي يحبك نصل سكينك

وهبتك روحي ياعـمـري وأكيد أن الجسد يفداك
وحاسب قبل لاتطعن .. أخاف تجرح يدينك

حلاة الموت ياحبى إذا يوصل على يمناك
ترى أجمل شرف أني أموت بطعنة يمينك

ولو طال العمر بكتب أحبك في سما دنياك
ويبقى هالسؤال اللي كسرني للأسف .. وينك ؟؟


مما راق لي

[/frame]​

 

[خالد الخالدى]

رد: مساء الجرح يا أجمل جروحي وينها دنياك ..!!

حروف رائعة تجسدت في سطور الهمس
تتراءى للعيان كالسنابل الذهبيه
تشع بضياء يتسع فضاء الكون

 

[زهرة الياسمين]

رد: مساء الجرح يا أجمل جروحي وينها دنياك ..!!

ذائقة شعريه متميزه بنت قحطان
لك مني عاطر التحيات

 

[الحنان كله]

رد: مساء الجرح يا أجمل جروحي وينها دنياك ..!!

ووووواوووووو قمة في الرومانسية . رائعة كعادتك بنت قحطان تسلم اناملك الذهبية

 

[بنت قحطان]

رد: مساء الجرح يا أجمل جروحي وينها دنياك ..!!

يعطيكم العافية على المرور الكريم
ولكم مني اجمل تحية

 

[جذااااابه وحبي عذاااااااب]

رد: مساء الجرح يا أجمل جروحي وينها دنياك ..!!

سلمت اناملك ع ماسطرت من كلمات
مبدعه خيتو كما اعتدنا