مساعدة يا جماعة تكفوووون

[عبدالله الشمري]

السلام عليكم و رحمة الله وبركاته


مساكم الله بالخير جميـع ان شاء الله


أخواني الاعضاء انا مالي خبرة برفع الخطابات
ولا عمري سويته لكن من ضيق الحيلة والله


انا عندي شلل الاطفال من الولادة و صار لي عملية
بأحد مستشفيات الرياض >> الشميسي الله لا يعيده
وانا ما تعدى عمري ايام

و سوو لي عملية أسفل الظهر و زادت الطين بله
لأنه سببت لي أستسقاء بالمخ و تشوهات بالقدمين
و الحبل الشوكي .....المهم صارت من علاج الى خطاء طبي


و صبرت و صبروا اهلي علي 23 عام والحمدلله على كل حال

لكن انا صار عندي شجاعة لأن اقوم برفع خطاب للملك حفظه الله
لأستصدار امره السامي بعلاجي بأحد المستشفيات المؤهلة


بعد ما شافت أن العملية راح تكون سهلة بالنسبة للعمليات اللي
يسوونها لفصل التؤام السياميين بالمملكة ...




المهم انا معي خطاب طلب علاج للملك و تقرير طبي يؤكد اصابتي بالشلل النصفي
مع مشاكل أخرى أثر سوابق عملية بمستشفى بالرياض




هل فيــه مستندات او أشياء ثانيــة مطلوبة للي يريدون العلاج
ووين ارسلها ..للديوان الملكي ولا وييين ..........ساعدوني يمال العافية يالربع

 

[الامل المتجدد]

رد: مساعدة يا جماعة تكفوووون

الله ييسر امرك
على حسب معرفتي من زميلاتي ممن صدر لهم امر ملكي بالعلاج في المانيا
تمت رفع برقيه لديوان الملكي وتقرير طبي وبعد فتره تمت الموافقه
بس هذا الكلام من خمس سنين

 

[فالح عبدالله الهاجري]

رد: مساعدة يا جماعة تكفوووون

هلا ياعبدالله
بالنسبة للبرقيه
تقدم خطابك لمن يهمه الامر ويكون رقم التلفون مسجل عشان يتصلون عليك بعد تحويلها لوزالرة الصحة ويطلبون التقرير الطبي

من بيتك اتصل على رقم 969 خدمه البرقيات واطلب برقيه عاديه
ويرد عليك موظف البرقيات وتنقله الكلام اللي تريد
واختصر الكلام لان الكلمه بنص ريال
واطلب العلاج بالمستشفى داخل السعوديه لان الخارج موقف وحتى لو طلبت العلاج للخارج لابد ان يعرضونك لمستشفيات داخلية

وانصحك تقابل الوزير بمبنى الوزارة بالرياض كل يوم ثلاثاء كانك من الرياض وتلفون الوزارة 014015555 واطلب مكتب الوزير واسئلهم عن مقابله الوزير لانه بعض الاسابيع يكون برى الرياض ولا فيه مقابله والبرقيه افضل كانك منت من الرياض
وبعدها يعطونك رقم البرقيه وتمشي هي من نفسها وترقب تلفون من الهئيه الطبيه
وماتشوف شر

 

[عبدالله الشمري]

رد: مساعدة يا جماعة تكفوووون

الله ييسر امرك
على حسب معرفتي من زميلاتي ممن صدر لهم امر ملكي بالعلاج في المانيا
تمت رفع برقيه لديوان الملكي وتقرير طبي وبعد فتره تمت الموافقه
بس هذا الكلام من خمس سنين

شكرا يالامل المتجدد على حضورك و ردك و الله يعين الجميع

 

[عبدالله الشمري]

رد: مساعدة يا جماعة تكفوووون

هلا ياعبدالله
بالنسبة للبرقيه
تقدم خطابك لمن يهمه الامر ويكون رقم التلفون مسجل عشان يتصلون عليك بعد تحويلها لوزالرة الصحة ويطلبون التقرير الطبي

من بيتك اتصل على رقم 969 خدمه البرقيات واطلب برقيه عاديه
ويرد عليك موظف البرقيات وتنقله الكلام اللي تريد
واختصر الكلام لان الكلمه بنص ريال
واطلب العلاج بالمستشفى داخل السعوديه لان الخارج موقف وحتى لو طلبت العلاج للخارج لابد ان يعرضونك لمستشفيات داخلية

وانصحك تقابل الوزير بمبنى الوزارة بالرياض كل يوم ثلاثاء كانك من الرياض وتلفون الوزارة 014015555 واطلب مكتب الوزير واسئلهم عن مقابله الوزير لانه بعض الاسابيع يكون برى الرياض ولا فيه مقابله والبرقيه افضل كانك منت من الرياض
وبعدها يعطونك رقم البرقيه وتمشي هي من نفسها وترقب تلفون من الهئيه الطبيه
وماتشوف شر

المهلي مايولي يا فالح ...رد على تسأولك انا من خارج الرياض (بمنطقة حائل)

و ما ادري والله يا فالح .....انا كتبت خطاب بورقة الى خادم الحرمين مرفقا معه التقرير الطبي
و أنا أسأل عن طريقة توصيله الى خادم الحرمين ...و انا مايهمن اذا كنت اتعالج بالداخل او الخارج



ارجو الرد مرة اخرى ...ما هي الطريقة

 

[فالح عبدالله الهاجري]

رد: مساعدة يا جماعة تكفوووون

ياعبدالله قلت لك
ارسل برقيه
من بيتك اتصل على رقم 969 خدمه البرقيات واطلب برقيه عاديه
ويرد عليك موظف البرقيات وتنقله الكلام اللي تريد
واختصر الكلام لان الكلمه بنص ريال

 

[عبدالله الشمري]

رد: مساعدة يا جماعة تكفوووون

ياعبدالله قلت لك
ارسل برقيه
من بيتك اتصل على رقم 969 خدمه البرقيات واطلب برقيه عاديه
ويرد عليك موظف البرقيات وتنقله الكلام اللي تريد
واختصر الكلام لان الكلمه بنص ريال

يا بوي خذن على قد عقلي ...>>معي تقرير طبي و خطاب ..وشلون أصل للملك
انا ما أبي قولت برقية و ما برقية ..لو ابي أرسل كان ارسلت من موقع الاتصالات السعودية
برقية الى الملك ..لكن انا أنشد طريقة الخطابات الورقية ...اللي ترسل عبر البريد .....

 

[فالح عبدالله الهاجري]

رد: مساعدة يا جماعة تكفوووون

عبر البريد روح لمكتب البريد
وارسلهم بريد ممتاز وقم صل
فهمت يابو عابد

 

[عبدالله الشمري]

رد: مساعدة يا جماعة تكفوووون

مشكوووووووووووووور