مشروبات الشتاء

[الامل المتجدد]

[align=center]

كم هي
ليالي الشتاء البارده والحنونه تمتلئ با اجواء

عيقه بكل انواع التألف فهي اوقات تجتمع فيها الاسره على

كاس من الزنجبيل وكوب من الحليب وفنجال من القهوه

ليالي رائعه وصباح يعيد للقلب حيويته ..

::
,
::


اقدم لكم اليوم ملف متواضع للمشروبات الشتويه اللي تدفي الجسم في وقت ماهو في حاجه للدفاء

تشرب في الصباح او المساء على شبة الضو واصوووات فرقعة ابو فروه (( الكستناء ))

وكل واحد لابس فروته الله على الاجواء ,,

::
,
::

ولا راقت الريح وراق الجو تكثر الطلعه للبر والمكاشيت ونجتمع على فنجال وروقة بال

وولعت النار وهبت ريحة الغضى وسرمد الليل ويا الله على الخبز المجمر والا الكبيسه

وعليها ابريق الشاي اللي يرد الشيبه شباب وطبعا الانثى هنا تستند للمركا

والشباب عليهم كل ها الحركات ههههههههه حلوه من يدهم ودافيه اللقمه ..

حي ذا العين والله ..

بسم الله نبداء المشروووبات الحاااااره والمدفيه وفي نفس الوقت مفيده للجسم

الزنجبيل با الزعفران والحليب

نحتاج زنجبيل طازج

خيوط زعفران

وسكر على حسب الرغبه

والحليب يكون على جنب على حسب الرغبه

الطريقه نقشر الزنجبيل او لا لتس الحريه ونقطعه مكعبات صغيره

للحصول على شراب صافي وطعم خفيف او مجروش للحصول على شراب شائب نوعا ما

واكثر حراره ,, نحط الزنجبيل و خيوط الزعفران والسكر في الابريق ونزيد عليها الماء المغلي

ونقدمه مع الحليب وانعموو بدف داخلي في برد قارص ..






الحليب با الهيل والزعفران

المقادير

حليب شاي

ملعقه متوسطه هيل

سكر حسب الرغبه

خيوط زعفران

كوبا ونص ماء

تغلى المقادير با استثناء السكر وتترك على نار هاديه

مدرة خمس دقائق وعليكم با العافيه ..



الحليب با الفلفل الاسود والحلوه

حليب ابيض المراعي او اي نوع

ملعقه صغيره فلفل اسود حب

وملعقه صغيره حلوه

تغلى المقادير على نار هاديه ومايحتاج يفور الحليب ونصفيه عند التقديم

ونرش فلفل اسود على الوجه وها الحليب بدون سكر واستمتعوا با احلا حليب منشط للدوره الدمويه

ومدر للبووول ومهدئ للاعصاب ..

شاي الحديقه الخضراء

الاسم والمكونات من راسي ولو انها مو غريبه ..

المكونات

نعناع

حبق (( ريحان )) مجفف او اخضر

زعتر بري مجفف او اخضر

مغلف واحد شاي

وانصح با استخدام شاي (( بنتليز ))

توضع المكونات في الابريق او الزمزميه ويصب عليها ماء مغلي

ويكون السكر جانبي وما ينحط في الزمزميه مع المكونات

مشروب صحي ومدفي ويساعد على تدفق الدم وتهدئة الاعصااااب ..

حليب با الشوكلاته والفانيلا

المقادير

2 كوب حليب مغلي

وروح الفانيلا

3 ملا عق متوسطه شوكلاته بودره

ملعقتين ونص متوسطه سكر

نص كاس ماء

نخلط الشوكلاته والسكر والماء مع بعض ونغليها



في الكوب نصب ربع خليط الشوكلاته

وفوقه الحليب المغلي مع الفانيلا وعيشول لحظات متعه مع اغنى كوب حليب با الشوكلاته ..

[/align]

 

[مهموم1]

رد: مشروبات الشتاء

يعيطك العافيه اختي على هالمشروبات واله انها اوكيه وجيده والله انا مجهزها معي قبل السفر خاصه الزنجبيل ياهو شي مع الزعفران والحليب يعطيك العافيه وشاكرلك
تقبلي تحياتي

 

[مايباخ]

رد: مشروبات الشتاء

الأمــل الـمـتـجـدد..

يـعـطـيـك الـعـافـيـه ع الـمـشـروبـات الـدافـيـه.

 

[الامل المتجدد]

رد: مشروبات الشتاء

يعيطك العافيه اختي على هالمشروبات واله انها اوكيه وجيده والله انا مجهزها معي قبل السفر خاصه الزنجبيل ياهو شي مع الزعفران والحليب يعطيك العافيه وشاكرلك
تقبلي تحياتي

 

[الامل المتجدد]

رد: مشروبات الشتاء

الأمــل الـمـتـجـدد..

يـعـطـيـك الـعـافـيـه ع الـمـشـروبـات الـدافـيـه.

 

[المدلع]

رد: مشروبات الشتاء

مشاء الله عليك

والله حركتات المشروب

يسلمووووووو

 

[صديقة ذوي الإعاقة]

رد: مشروبات الشتاء

شـكرا لك وبارك الله فيك ... لك مني أجمل تحية .

 

[مُعان]

رد: مشروبات الشتاء

[align=center]

ودي ادري وش اللي بالحلة " المطبقة "
هو حنيني
ولا قرص جمر
شكرا لك اختي الامل
تقبلي عاطر تحاياي
[/align]

 

[الامل المتجدد]

رد: مشروبات الشتاء

مشاء الله عليك

والله حركتات المشروب

يسلمووووووو

ايه اخوي حركااااات بركات
ترانا منب سهلين شقرديه

 

[الامل المتجدد]

رد: مشروبات الشتاء

[align=center]

ودي ادري وش اللي بالحلة " المطبقة "
هو حنيني
ولا قرص جمر
شكرا لك اختي الامل
تقبلي عاطر تحاياي
[/align]

انتم يا اهل القصيم تسمونه حنيني
وحنا يا اهل سديروثادق وما جاورها نسميه فريك
ولا يهمك نسويه ونجتمع في الاستراحة المعاقين مع هالفحم يووووووه جورهيب

 

[كيكة إسفنجية]

رد: مشروبات الشتاء

وأنا......... وأنا لاتنسون تعزموني ...:3:
والحطب عليّ أبشروا .......

يووووووه نسيت أحط لكم مشروب ساااااااااااااخن
السحلب..هو مشروب مصري .. تلقونه عند المحامص.. تغلون الحليب بدون سكر ثم تحطون ملعقة كبيرة من السحلب ..وسكر حسب الرغبة ..ويزين الوجه بالمكسراااااااااات:5:
جربوه وأدعوا لي؟؟funny2

 

[الامل المتجدد]

رد: مشروبات الشتاء

وأنا......... وأنا لاتنسون تعزموني ...:3:
والحطب عليّ أبشروا .......

يووووووه نسيت أحط لكم مشروب ساااااااااااااخن
السحلب..هو مشروب مصري .. تلقونه عند المحامص.. تغلون الحليب بدون سكر ثم تحطون ملعقة كبيرة من السحلب ..وسكر حسب الرغبة ..ويزين الوجه بالمكسراااااااااات:5:
جربوه وأدعوا لي؟؟funny2

يا هلا بك والف مليون مرحبا اسفرت والنورت
ويالله السحلب عليك اختي

 

[مُعان]

رد: مشروبات الشتاء

ونعم والله فيك يا الامل المتجدد
سنة تقريبا مرت على تشرفي بزملاتك بالموقع واضفتي اليوم لمعلوماتي انك سديراوية
انا السحلب والفريك كلهن اللي اكلته واللي شربتة بمصر :6:
بس بالسعودية ما عمري ذقتهن :5:
يا ليت تجودين بطريقة عمل الفريك
اما السحلب السعودي فما يصلح نشربة الا عند باب طواري احد المستشفيات تحسبا للظروف new17​

 

[الامل المتجدد]

رد: مشروبات الشتاء

ونعم والله فيك يا الامل المتجدد

سنة تقريبا مرت على تشرفي بزملاتك بالموقع واضفتي اليوم لمعلوماتي انك سديراوية
انا السحلب والفريك كلهن اللي اكلته واللي شربتة بمصر :6:
بس بالسعودية ما عمري ذقتهن :5:
يا ليت تجودين بطريقة عمل الفريك

اما السحلب السعودي فما يصلح نشربة الا عند باب طواري احد المستشفيات تحسبا للظروف new17​

ما عليك زود اخي معان
من قالك اني سديراويه
انا قلت ..........

وحنا يا اهل سديروثادق وما جاورها

يمكن اني من.........سدير.......او ثادق.........
او من ما جاورها....... تعرفون ديرة ما جاورها(؟؟؟؟)

يا ليت تجودين بطريقة عمل الفريك

ابشر

اما السحلب السعودي فما يصلح نشربة الا عند باب طواري احد المستشفيات تحسبا للظروف new17

وشو السحلب السعودي
ههههههههه وشي الظروفnew14

 

[كيكة إسفنجية]

رد: مشروبات الشتاء

هلا وغلا ..ياحلوين..funny2

لا..لا.. أنا زعلت من أخوي مُعان ..كنت أبجيب السحلب معي ,,لكن تدرون هونتnew17

وإلا تدرين ..أجيبه وهو ممنوع منعاً باتاً يذوقهicon23

 

[ناصر]

رد: مشروبات الشتاء

ماشاء الله تبارك الرحمن , صراحه متعوب عليه الموضوع ومن جد يشهي بقوووووة خاصة شبة الضو شي


بس عندي اظافة او تصحيح :5:

.


.

.


.
http://www.hawahome.com/vb/nupload/77685_1224230599.jpg

في فرق بين الحنيني والفريك يعني اهل القصيم عندهم كذا وكذا الفريك اللي هو ( مجمار ) وهو بالاصل طحين , والحنيني تمر مع طحين

يعني عندنا فريك ( فريتس ) خخخ وحنيني وقشد بعد . واتوقع والله اعلم اللي بالصورة فريك مجمار

باقي دلة قهوه بس


مشكورة يا الامل حافظك ربي

 

[الامل المتجدد]

رد: مشروبات الشتاء

هلا وغلا ..ياحلوين..funny2

لا..لا.. أنا زعلت من أخوي مُعان ..كنت أبجيب السحلب معي ,,لكن تدرون هونتnew17

وإلا تدرين ..أجيبه وهو ممنوع منعاً باتاً يذوقهicon23

لالا عشاني خليه يذوقه

 

[الامل المتجدد]

رد: مشروبات الشتاء

ماشاء الله تبارك الرحمن , صراحه متعوب عليه الموضوع ومن جد يشهي بقوووووة خاصة شبة الضو شي


بس عندي اظافة او تصحيح :5:
في فرق بين الحنيني والفريك يعني اهل القصيم عندهم كذا وكذا الفريك اللي هو ( مجمار ) وهو بالاصل طحين , والحنيني تمر مع طحين

يعني عندنا فريك ( فريتس ) خخخ وحنيني وقشد بعد . واتوقع والله اعلم اللي بالصورة فريك مجمار

باقي دلة قهوه بس


مشكورة يا الامل حافظك ربي

مشكور اخوي احلى شي بالشتاء شبة الضو
ويسمونها فاكهة الشتاء
الفرق بين الحنيني والفريك حسيت انها مساله فيزيائيه:icon14:

اما القشد واووووو يجنن
حنا يا اهل سدير وثادق وما جاورها............ نسميه عفيسه