مطالب ذوي الاحتياجات الخاصه

[تباريح]

ياشباب تكفون تكفون تكفون
مطالبنا كثير والمسؤولين ماعندهم الى الكلام ولا في فعل وذوي الاحتياجات الخاصه من اولوياتنا والله اني اقوله من هالمنبر كذابين نبي نفعل هالهشتاق ونوصله للترند عشان يحسون فينا الامه كلها الله يبيض وجيهكم ساعدونا هاذا هو الهشتاق
#مطالب_ذوي_الاحتياجات_الخاصه
اكتب الي تبيه وحاول تكون اكثر من تغريده نبي نوصل اكثر عدد من التغريدات عشان يوصل الترند

 

[ام ارين]

رد: مطالب ذوي الاحتياجات الخاصه

تريد كل ما خصص لنا من رواتب واموال وسيارات والفيز الشغاله والسواق والممرضه واعانات وزيادتها ونريد تامين طبي يغطي تكاليف علاجنا بالداخل والخارج والمنح السكتيه

 

[تباريح]

رد: مطالب ذوي الاحتياجات الخاصه

مابقيتي الى قليل جدا ولكن هاذي رؤوس اقلام وهي المهمه

 

[اااااابو زياد]

رد: مطالب ذوي الاحتياجات الخاصه

الله كريم

 

[يسرا]

رد: مطالب ذوي الاحتياجات الخاصه

نموت ومحد يهتم


iPhone السعودية لذوي الاعاقة

 

[يسرا]

رد: مطالب ذوي الاحتياجات الخاصه

نموت ولا احد يهتم كلمة كذا جهه ولم اجد اي رد


iPhone السعودية لذوي الاعاقة

 

[شمالي عرعر]

رد: مطالب ذوي الاحتياجات الخاصه

والله العظيم ما ابي احطمكم
بس ماراح يردون عليكم لو ايش ما تسوون
هذي تبي لها واحد يدخل على ملك الدوله ويكلمه ويفهم منه التقصير هذا والاهمال هذا من المسؤول عنه ؟
والقرارات التعسفيه مين الي امر فيها ؟؟
والمطابله بلسان كل معاق بمعاقبة وسجن الوزير او المسؤول الي ظالم المستحقين الي مثلنا
هنا راح نعرف كلنا الاجابه ونشوف التقصير والاهمال جاي من اي شخص
اما اذا تقولون هاشتاق و تويتر ومدري ايش اسمحوا لي وبدون زعل
ماحد راح يرد عليكم ولا حياة لمن تنادي مع التعسفيين هذولا قطاعين الرزق الله يقطع رزقهم
ما يسمعني ويسمعكم الا رب السماء والارض سبحانه الي ماتخفى عليه خافيه

 

[عربيه]

رد: مطالب ذوي الاحتياجات الخاصه

انا انسانه لي حق من 1000 ريال والثاني 1166 ومطلقة مصرية سعودية كيف اعيش كيف 12000 الف الايجار كيف اعيش والدنيا كل شئ غالي كيف اعيش كيف ؟؟؟
لا اريد صدقة اريد اعيش بكرامه

 

[عبدالرحيم الحداد]

رد: مطالب ذوي الاحتياجات الخاصه

فيه اهتمام ان شاء الله
في اعادة هيكلة لوكالة الرعاية الاجتماعية والايام ذي تم فتح تحقيق في الموضوع
ياليت تدعمون الهاشتاق الموجود يصير التحرك من كل جهه وتسهلون عمل القائمين على التحقيق
تحياتي لكم

 

[مزون]

رد: مطالب ذوي الاحتياجات الخاصه

انا قاعده ادورة وظيفه حكومية وكل ماسالت احد يتوسط قالو الروس حاجزين الأماكن للعيالهم شي يقهر المفروض ع طول يوظفونا بدون واسطات حسبي الله ونعم الوكيل


iPad السعودية لذوي الاعاقة

 

[النااايف]

رد: مطالب ذوي الاحتياجات الخاصه

الشكوئ لله وش نسوي عاد ناقصنا كثري بس من يسمع


iPhone السعودية لذوي الاعاقة

 

[مرورك]

رد: مطالب ذوي الاحتياجات الخاصه

عزيزي تكلمت في احدى المشاركات السابقه عن كل الاحتياجات بس ما في احد يدعمنا غير رب العالمين..
العمر التقاعدي يكون اقل ..
رواتب موظفي قطاع الشركات المفترض تكون اعلا لان عن كل موظف احتياجات خاصه عن 4 موظفين عاديين
الاجازات السنويه تكون اكثر
التامين الطبي يكون مفتوح لكل المستسفيات بدون تحديد لاني تعبت منهم والمفترض هنا المسئول عنهم تخص مجلس الضمان الصحي.
ان يكون العمل 6 ساعات 4 ايام بالاسبوع او 5 ساعات 5 ايام بالاسبوع.
يحق لذوي الاحتياجات الخاصه شراء باقي المده من التامينات وصرفها فورا للمسفيد ..
هاذا اللي اتذكره الان ويمكن باقي بس نسيت او شي
آمل من اصدقائي الاعزاء على قلبي تكمله الباقي او اضافه قروب واتس اب للمشاركات يكون اسهل واسرع تواصل
وانتظر موافقه الاداره لوضع شعار للقروب وانا جاهز

SM-N910C السعودية لذوي الاعاقة