متى يوصل ملفي

[منال بندر]

السلام عليكم ورحمة الله وبركاته

اللي عنده اجابه او تجربه او معلومة يرد

رحت الرياض بقصد نقل ملفي لمقر اقامتي وبطاقة الصرف منتهيه اللي صار المركز اخذ البطاقه و كتبت البيانات المطلوبه للنقل وقالت خلال شهرين يتم نقل الملف الان مر شهر ولا تحرك ملفي ولا ادري كيف اتحرى عنه

اذا فيه احد من تأهيل الرياض يخدمني يكسب بي اجر والله ماوصلت بسهوله

 

[قاهر اليأس]

رد: متى يوصل ملفي

طالما قالت لك شهرين والحين مر عليه شهر انتظرى اجل وتحرى الشهر الجاى اذا مافى شى وقتها لكل حادث حديث

 

[منال بندر]

رد: متى يوصل ملفي

كملت شهرين من اسبوع
كيف استفسر عن نقل ملف الاعانه
المركز بعيد والمشاوير غاليه وبرد مابي اروح على الفاضي
ابي طريقه استفسر عن وصول ملفي
احد يساعدني كملت ست شهور بدون اعانتي :'(

 

[سعوديه كوول]

رد: متى يوصل ملفي

اقوول روحي التاهيل وادخلي على المديره دايركت لان الموضوع مايحتاجله شهرين مي رقبه هي ...ادخلي عليها وبنقرة الفاره بكمبيوتر التاهيل انقلين فورا بلاش استهبال علينا بس ادخلي على المديره وطالبي بحقك من غير ذل وتوسل وكوني لطيفه ههههه وتمشي امورك ....ولما تصير لك اي معامله بتاهيل اسالي الموظفه عن اسمها من حقنا نعرف اسماء الموظفات ونرفع شكوى على الي تستخف بمعاملتنا وتعاملنا بمزاجها ...دمتي بخير

 

[زهور المسملى]

رد: متى يوصل ملفي

مساء الخير أختى منال ..ليش شهرين أنا نقلت ملفى فى اسبوعين ..اكيد فيه غلط ..بطاقة الصراف أذا ملفك باقى موجود عندهم قدميها عندهم ليش تنتظرين حتى ينتقل الملف قدميها

 

[هدى المطيري]

رد: متى يوصل ملفي

مساء الخير

اختي . منال

نقل الملف ما يحتاج شهرين

يمكن اسبوعين او اقل انا نقلت ملفي من تاهيل الرياض

الى تأهيل شقراء . واول ما اخذت بياناتي قالت . خلاص تم نقلك

و اذا بتتاكدين عن وصول ملفك . شيكي على رصيدك

بالاستعلام عن اعانة معاق . و يطلع لك كل معلوماتك

و خصوصا . جهة المركز اللي ملفك موجود فيه الان

و اتمنى اكون افدتك بالمعلومة

 

[هدى المطيري]

رد: متى يوصل ملفي

https://www.mosa.gov.sa/ar/query/e3nh


و هذا رابط الاستعلام عن اعانة معاق

 

[منال بندر]

رد: متى يوصل ملفي

والله يابنات هي اصلا مستقعده لي تقول مايحق لك اعانه وكان في نيتها تنزلني لفئه اقل وماكنت بتنقل ملفي بالقوه لين وافقت
بطاقتي سحبوها مني
وقعت على اوراق نقل الملف والموظفه بنفسها قالت شهرين وينقلون الملف انا ماني في الرياض ولا اقدر اروح مره ثانيه محد فاضي لي

 

[منال بندر]

رد: متى يوصل ملفي

هدى المطيري مشكوره الرابط واعانتي مفعله لكن مافي بطاقه الله يسامح مديرة المركز بس

 

[منال بندر]

رد: متى يوصل ملفي

مكتوب جهة الصرف مركزالتاهيل الشامل للاناث بحي القدس بالرياض يعني ماانتقلت وش اسوي الحين

 

[زهور المسملى]

رد: متى يوصل ملفي

حسبي الله ونعم الوكيل ...يااختى منال كيف يسحبون البطاقه ومايعطونك غيرها ..المفروض تعطيهم البطاقه وفنفس الوقت يعطونك جديد ...قدمى شكوي موضوعك غريب والله ..

 

[منال بندر]

رد: متى يوصل ملفي

بروح بكرة قسم التآهيل في الطايف واشوف الله يسهل بس غلطتي مااسترجعت البطاقه

 

[منال بندر]

رد: متى يوصل ملفي

كانت الموظفه بتعطيني البطاقه الجديده لكن المديره شكلها كانت تنتظرني ولمن درت عن حالتي صارت تحقق معي وحولتني لمستشفى العيون عشان تت/زكد من حالتي وقالت تعالي بعد اسبوعين لكن كلمها اخوي وقالت بتنقل ملفي للطايف واكمل اجراءات الكشف
سألت هينا عن تصرفها قالو ماهو من حقها ولا يطلب النظام كشف طبي عاد انا مدري من اللي غلطان

 

[قمر]

رد: متى يوصل ملفي

طماعين ع فوق الخير الي عندهم مستكثرين هالقليل علينا نيتها خبيثه حسبي الله ونعم الوكييل الله يعينك ي قلبي والله صعبه صدقتي عالمشاوير الله يفرج همك ي عيني

 

[هدى المطيري]

رد: متى يوصل ملفي

هدى المطيري مشكوره الرابط واعانتي مفعله لكن مافي بطاقه الله يسامح مديرة المركز بس

الشكر لك اختي . منال
وما سويت الا الواجب
و دام ما انتقل ملفك فمعناته عندهم في الرياض
و الله يعينك على المشاوير
بس احسن شي في الموضوع ان بطاقتك للحين فعاله

 

[سعوديه كوول]

رد: متى يوصل ملفي

ياااه المديره السبب؟؟؟وقدامك تاهيل الطائف اشكال تفتح النفس انصحكي خليكي على فرع الرياض اسلم هناك موظفات كانهم موظفات سجون هم وبوابتهم الحديد الي كانها باب سجن غيرو السيراميك وبخلو يحطون بوابه اكترونيه لمعاقات بيدخلون بكراسي متحركه هي تفتح الجني هذا الي قد الدنيا ولا تدف عربيتها ثم تدخلين ويلاقونك بسم الله من اووول ماتدخلين وحده تصيح تقولك انتي انتي ايش تبغين هنا ثم تقلك روحي وحده من الاقسام الي ينقلها نظمت الحين ولو حظك كويس يارب مايكونون يفطرون ولا عادي تزرعك الان تخلص فطورها بقهقهقات غير لائقه بموظفه في مكان عمل الرسمي وفيه عميلات وناس وكذا ...بس للامانه فيه مديره عسل عسوووله وقمر واخلاق بس مدري لسى موجوده ولا شالوها

 

[جحيم]

رد: انا ماعرف لكن من يجاوبني هل استطيع التقديم ع الضمان

رد: انا ماعرف لكن من يجاوبني هل استطيع التقديم ع الضمان

استطيع التقديم ع الضمان لانني من دوي الاحتياجات الخاصة وهل يصرفون مقطوعه ومتا تنزل بطاقات التاهيل الجديدة انا مقدم من 6 شهور والاستعلام في النت مكتوب دون بطاقه الحاله جديده

 

[الرضى]

Re: رد: انا ماعرف لكن من يجاوبني هل استطيع التقديم ع الضمان

Re: رد: انا ماعرف لكن من يجاوبني هل استطيع التقديم ع الضمان

استطيع التقديم ع الضمان لانني من دوي الاحتياجات الخاصة وهل يصرفون مقطوعه ومتا تنزل بطاقات التاهيل الجديدة انا مقدم من 6 شهور والاستعلام في النت مكتوب دون بطاقه الحاله جديده

نعم اخوي تقدرتقدم على الضمان ويصرفون لك مقطوعه والبطاقه تنزل شهرين من التقديم