مواقف للبنات بشهر العسل!!!

[مرح]

السلام عليكم ورحمة الله وبركاته
أكيد كل واحد منكم انتوا يالمتزوجين مريتوا ببعض المواقف في سنه أولى زواج..
هذي بعض المواقف إللي صارت لاخواتنا في الله





أولاً
تقول الاخت زياراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك ابغى منيو.. زوجها تسدح من الضحك وهي تقول احسبها وجبه او طبق معين







ثانياً
وحده كان الخجل ذابحها تقول زوجها كان كل يوم يجيب بهالاكل في الفندق وهي البنت مسويه ما تشتهي وما تحب ومن هالكلام وما غير تناظر فيه وهو يلهط بالاكل
وذاك اليوم بالفندق جا الغدا وكالعاده زوجها سالها يلا يا حياتي تعالي نتغدى قالت لا كل انت بالعافيه انا ما اشتهي وهي مييييييته جوع وشبع الرجال ودق الباب ذاك الوقت المهم زوجها طلع وغاب اشوي وهي قالت في نفسها اكيد انه بيطول وما قدرت تمسك نفسها ومن كثر ماهي جوعانه ماسكه الدجاجه بكبرها وتأكل فيها !!! وفي هذه الاثناء وش صار >>> طب عليها عريس الهنا وهي متلبسه بالجرم المشهود ومقبضه بيدينها الثنتين في الدجاجه والفم مفتوح عالااااااااااااااااااااااخر وقال لها ها اشوفك منتي مشتهيه
وهي خلاص دوروها مسكينه ما تلقونها









ثالثاً
في وحده شعرها دايم يحتاجله سشوار مهو بناعم المهم السشوار اخترب مادري وش صار فيه عاد هي ذكاءها قادها لفكره جهنميه وش سوت
راحت على طاولت الكوي وانسدحت وهاتك يا كوي بهالشعر
وبرضه زوجها سوالها صادوه يوم دخل واختنا في الله تكوي منسجمه
الرجال انهبل على باله تزوج وحده ماهي صاحيه








رابعاً
وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل
وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه وهي تطير الزيتونه وتصقع وجه الجرسون وهو ياخذ الطلبات
قام قال عنا في لبنان ناكل الزيتون بايدنا
عاد ما اسكت وأنثبر
قلت غريبه حنا عنا بالسعوديه نصيدها بالشوكه
وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ








خامساً
وحده تقول انا متزوجه ولد عمي
و أول ما تزوجنا رحنا بريطانيا منها شهر عسل ومنها هو عنده دوره
المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي
تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
قلت ليش طايحه من عينك انا اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك ويوم جابوا الطلب هو مكرونه وحركات وانا وجبة أطفال !!









سادساً
يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع زوجك أمزحي والعـبي واضحكي معه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك يقولون امزحي معه وهذي آخرتها









سابعاً
وحده اول ايام زواجها تقول كنا طالعين واحتجت الحمام مرررررررررره بس مستحيه اقوله وهو شكله ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله ابغى دورة المياه احسن من كلمة الحمام
تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول يا عيني على الاتيكيت







ثامناً
هذي وحده تقول اول ما تزوجت كنت ادرس وكان يوديني زوجي للجامعه وياخذني ..
المهم .. انا جالسه انتظره وكنت واقفه في الشارع واشوفه بعد كم سياره .. المهم جلست استـناه
يوم وصل عندي .. وانا امشي بغنج الا واطيح ذيك الطيحه طراااااااااااااااااااااخ
جلست على ألارض ما يشوف الا راسي من عند شباكي جالسه اناظره ولا اتحرك ..
وكان الشارع مليان رجاجيل وبنات
واركب في السياره وهو ميت من الضحك واجلس اصيح قلت ما تعرف تسمي علي !!








وأخيراً
هذا الموقف قرأته بمجله .. وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك حياتي وبعد مرور سنة طاحت بنفس المكان قالها
عمى ما تشوفين


منــــــــــــقول​

 

[شمس الامل]

رد: مواقف للبنات بشهر العسل!!!

تدرون انا توني متزوجه ...المهم صباحية زواجي كان يوم جمعه ...زوجي راح يصلي الجمعه انا المبخره كبيتها بالزباله الله يعزكم اللي في الصاله وباقي فيها فحم من الصبح...ماتنبهت دخلت غرفتي والزباله تشتب فيها مناديل
والصاله مكتومه ومليانه دخان ...وانا مادري جاء زوجي وشاف الدخان يطلع من الدريشه ..مسكين انصدم يحسبني انحرقت وانا مادري عن السالفه.......يقول اهلك بيورطوني هههههههههههههههه

 

[احمد زايد]

رد: مواقف للبنات بشهر العسل!!!

هههههههههههههههههههههههههههههههههه

الله يستر علي بتزوج بعد كم شهر ههههههههههههههههههههههههههههههههههههههههههههههههههههههههه

اما دورة الحمام !!!!!!!!!!!!
ههههههههههههههههههههههههههههههههههههههههههههههههههههههههههههههههههههههههههههه

 

[عاشق الجنان]

رد: مواقف للبنات بشهر العسل!!!

هههههههههههههههههههههههههه

تسلمي مواطنه

والله اعجبتني وجبة الافطار


اختي ((شمس الامل))

بغيتي تجيبين العيد

ههههههههههههههه

الف الف الف مبروك

الصراحه الحريم مواااااقف خصوصا لما يستحون في بداية الزواج

ودك بس تضحك​

 

[نور]

رد: مواقف للبنات بشهر العسل!!!

[align=center]
خخخخخخخخخخخخخخخخخخخخخ


اكيد مرت علينا مواقف محرجة ومضحكة

بقول لكم عن موقف صار معي بس لاتضحكن

المهم رحنا لمطعم بنتعشا :6:وجلسنا على الطاولة والجو الرومانسي والشموووع يا سلااااااااااااام :icon_ninja:

اتاري الارضية حقت المطعم زجاج شفاف وتحتها اصداف وحركات من وراي وانا ما ادري :bored:

وما احس الاعربيتي تمشي على ورا وحسيت اني بطيح في حفرة :scared: واتشعبط في زوجي واشده ومسكني

وجلس يضحك علي فديته :001_tongue:


ووووبسسسسسسسسسسسس
[/align]

 

[نزيف الامل]

رد: مواقف للبنات بشهر العسل!!!

هههههههههههههههههههههههههههههههه
الى اتصيد الزيتونه بالشوكه بالمره هههههههههههههههههههه
​

 

[زمان الوفى]

رد: مواقف للبنات بشهر العسل!!!

هههههههههههه مواقف مضحكة وين المسلسلات عنها
وسع الله صدرك اختي مواطنه

 

[نهى]

رد: مواقف للبنات بشهر العسل!!!

ههههههههههههههههه
حلوين،المواقـــــــــــــــــــــــف

 

[مرح]

رد: مواقف للبنات بشهر العسل!!!

شاكره للجميع تشريفهم لصفحتي المتواضعه