موضة الزواج من الخارج !

[صديقة ذوي الإعاقة]

رد: موضة الزواج من الخارج !

انا اسفه معليش بس حبيت اناقش هالجزئية بعد اذن اختي بصمة ..

طبعا اخ محمد المشكله مو هنا .. وانا بكلامي السابق مو موجه لكل الشباب .. بل البعض منهم وهنا اكرر واقول البعض

بس تدرون وين الغبنه ..؟؟ لما يجي واحد وهو اصلا مبيت النيه انه ماخذ من برا ماخذ ..
ولايبي من بنات ديرته ولاشي .. ويجيك حتي يبرر لنفسه وينقذ نفسه من سؤال الناس .. يتكلم علي بنت بلده باللي فيها ومافيها

( وطبعا هالعينات قليله جدا وان شاء الله انتم مو منهم )



وانا والله اكره العنصريه وسبق قلت سواء برا او هنا فيه بنات فيهن خير ويخافون الله والشي هذا مو محصور علي بنات بلدي

بس لما تكون مبيت نيتك طال عمرك ( وهنا اقصد الشاب اللي علي الطالعه والنازله بنات بلدنا وبنات بلدنا ) فيك الله يجزاك خير انك تخطب وتتزوج منهم بدون تبريرات واعذار ترميها علي بنت بلدك .. حتي مالك تجارب وما دقيت الباب ( لان نيتك بالاصل تبي برا )



اما الشباب اللي قالو لنا تجارب وكثييييير وماشفنا تجاوب ( وكانت رغبته في بنات ديرتهم لكن الظروف اجبرته يفكر يتزوج من برا )

بقول انا معك ان الزمن تغير والدنيا صارت صعبه والناس كثرت متطلباتهم
بس هذا مو معناته مع الكل ..
ولاتنسئ القضاء والقدر
فيه ناس الدنيا تسهلت لهم والبعض تصعبت لهم
بغض النظر كونه سليم او مريض
ومهما صار ماتحكم علي الشي من خلال تجربتك حتي لو صارت متشابهه مع تجارب الكثير

لانو اللي صار لك ممكن يصير مع غيرك وممكن لا ..

ونرجع نقول انت مثلا تصعبت عليك الدنيا ومافتحت الابواب بوجهك
غيرك انفتحله الباب من اول دقه

مثلا بعطيك مثال مريت فيه ..

انا عندي اخوين وكلهم كانو ناوين الزواج
الكبير تصعبت عليه وطول في البحث مع انه كان مقتدر ماديا وجاهز لفتح بيت حتي لما نتناقش قالي نفس كلامك لان تأصلت فكرة عنده ان كل البنات واهاليهم كذا

بعكس اخوي الثاني اللي انفتحله الباب من اول شي مع ان ضروفه اصعب من الكبير وكان مازال طالب ..!!

بس صار تفكيرة غير .. وماغير يمدح .. ليه طيب .. لان كانت تجربته ناجحه ماشاء الله

فالتجربه مهما كانت ماتحكم فيها عالكل لان فيه قضاء وقدر
وقسمه ونصيب ومهما طولت بتلقي نصيبك بإذن الله واذا كنت من النوع اللي ودك ببنت بلدك وتحس انك ماتتأقلم الامعها فأنا اقولك ان بنات البلد فيهن خير وفيه عوائل فيهم خير وراح تتذكر كلامي لمن يرزقك ربي بزوجه صالحه وقتها بتحس ان الخير مازال موجود وان الاهالي الطيبه كثير وبتتغير فكرتك وبتنصح كل صديق لك اعزب بالزواج ..
واكيد وقتها بتكون ايجابي وبتنصحه ببنت بلده اذا كان وده فيها

اما اللي يبي الخارج بنقوله الله يوفقك وييسر لك الزوجه الصالحه
اذا هذي رغبه فيك مالمانع ..؟
وصح حنا مو ملائكة او حوريات
بس الشاب العاقل راح يسكت ويتزوج ويقولها بشجاعه انه رغبه فيني لا اكثر ولا اقل
ومايرمي تهم علي بنات بلده لان قبل كل شي هن امه واخته



هذي اللي حبيت اوصله وان شاء الله اكون وفقت بتوضيح الصورة
وان وفقت فمن الله وان أخطأت فمن نفسي والشيطان

وهذي الرساله اقولها لنفسي قبل الكل .. لان الانسان بطبيعته تمر عليه لحظات احباط من اللي يشوفه او يسمعه بس لما تغير فكرتك وتحاول تكون ايجابي وتقنع عقلك بالاشياء الايجابيه وتتفائل وتتوكل علي الله راح تتغير وتحس انك تقرب لحلمك مهما كان صعب لان مافيه شي صعب او مستحيل علي الله سبحانه وتعالي

واعتذر عن تدخلي مره اخرئ..

لا بالعكس والله اصبت كبد الحقيقة وحتي اكون منصفة حتي الفتاة لاتتحمل مسؤلية منزل واسرة تظن الزواج سفر وروحات واحلام سوف يحققها فارس احلامها وانة بنك متنقل

 

[صديقة ذوي الإعاقة]

رد: موضة الزواج من الخارج !

ارجعي على زمن اباءنا وامهاتنا واساليهم بكم تزوجت ووش اللي اشترطوا عليك ؟؟

وشوفي الاجابات همم بشر وحن بشر والفارق سنوات قليلة يمكن من ثلاثين سنة وجااي

ويمكن زواج مختصر بالبيت وفتحوا بيوت وعايشين احلا عيشة هل لو على زمن اباءنا واجدادنا

نطبقه الان على انفسنا بالزواجات هل تتوقعين بيبقى في الارض شاب او بنت ماتزوجوا ،،

والله امي وابوي تزوجوا بمهور هذا الوقت صح كان عرسهم بسيط يعني انتم تبون المهر 5000 وش تسوي انا اقول 25 -35 العرس عائلي اذا تبي البنت تحط هي . واشوف هذا الحل

 

[صديقة ذوي الإعاقة]

رد: موضة الزواج من الخارج !

انا بقول رأيي بالموضوع

بالنسبه للي يقول الزواج مكلف من بنات السعوديه ويبيله امور كثيره
فهذا مو صحيح

كثير ناس يدورون رجّال يزوجونه وممكن يدفعون من جيبوبهم بعض التكاليف

ويقولون وينصحون الشباب بالإختصار

والزوجه الي من خارج البد يترتب عليها امور كثيره
منها سفريات كل سنه لأهلها واذا ما تبي تسافر معها هي بتسافر بدونك
وعذرها تبي تشوف امها وابوها وشغلات ثانيه مايعرفها إلا بعد الزواج

لذالك ماتلاقي أحد يتزوج من خارج السعوديه إلا القليل وأغلبهم من ذوي الإحتياجات الخاصه

والسبب انه يعتقد انه شخص غير مرغوب فيه
وان الكل بيرفضه

اما بالنسبه للطلاق فأنا اشوف عندنا وحولنا أكثر من 95% من الشباب

والسبب انهم شباب غير مبالين ولا يعتمد عليهم
همهم سمرات وروحات واسترحات وسفريات وتاركين زوجاتهم بالبيت

ومن اصغر مشكله يقول اطلق واريح راسي

والضحيه البنت مسكينه

لا والبعض والله يطلق وعنده عيال ومايكلف نفسه يجي يشوف عياله او حتى يجيبلهم أغراض

مع إحترامي الشديد شباب جيل جديد لا موبالي ولا يعتمد عليه


ربي إني مسني الظر وانت أرحم الراحمين

لا قض فوك اصبت كبدالحقيقة

 

[جذور الأمل]

رد: موضة الزواج من الخارج !

لا بالعكس والله اصبت كبد الحقيقة وحتي اكون منصفة حتي الفتاة لاتتحمل مسؤلية منزل واسرة تظن الزواج سفر وروحات واحلام سوف يحققها فارس احلامها وانة بنك متنقل

صدقتي اختي
وانا مو جالسه امدح كل البنات لان للأسف فيه من هالعينات كثيييير الله يهديهن


بس هذا مو معناته انها هي اللي تبرز ويكون رأي المجتمع عن البنات بصورة موحده لأن مرت عليهم هالعينات بشكل كبير ..

طيب وين راح دور اللي علي عكسها تماما من بنات جيلها ؟؟ ..
هنا السؤال ..؟


هذا اللي حبيت اوضحه من كل كلامي السابق

وبالنسبه لتحديد المهور ما اعتقد برأيي انه حل.. والله اعلم ..
( ممكن اكون مخطئة )

لانه بيكون علي حسب الاسرة .. ( وانا لا انكر انو فيه اسر تهتم بالماديات اكثر من كون المسأله ارتباط شريكين لتكوين اسرة ..
مع الأسف الشديد وراح نتكلم عنهم بالاخص )

لنفرض انه توحد واصبح 25 الف هل معناته ان كل الاسر بعد هالقرار بتزوج بناتها ..؟؟

ممكن وممكن لا

بس بعض الاسر لاينظر لأهمية المهر بقدر ماينظر لدخل الشاب الشهري .. والمنزل.. وإلئ آخره
وهذا وش حله ..؟

وبكذا راح نستمر
( طبعا هذا مع الاسر الماديه اللي ماراح يغيرهم ولاقرار ولاشي لانهم بيطلعون لك بكمية هائله من الاعذار والمتطلبات ..! )


ونرجع ونقول هذا مجتمع كامل صعب اننا نكون مثل بعض في نفس التفكير والشخصيات ووجهات النظر ..

ولاقرارات بتغير فكرهم ولا اوامر بتخليهم يتغيرون .. إلا ماشاء الله

فالواحد يتوكل علئ ربه وبيلقي بإذن الله الفئة الاخرئ من المجتمع اللي تكلمنا عنهم كثير ممن يزوج بأقل المهور والتكاليف .. واللي ايضا ماننكر وجودهم

 

[صديقة ذوي الإعاقة]

رد: موضة الزواج من الخارج !

كلامك سليم ومعاك بكل كلمة الله يكملك بعقلك

 

[اسامه الصاعدي]

رد: موضة الزواج من الخارج !

إن شاء الله اتزوج قريب من بنت مقيمه من الجاليات الي بمكه دعواتكم لي

 

[سعوديه كوول]

رد: موضة الزواج من الخارج !

عقبال البنات كمان خلي ربي يفتح عليهم وينسترون بس لوتنعطى الجنسيه لعيالها وزوجها هذا الحل المنصف اما هم يتزوجون والبنات يغنون ظلموه ماهي قسمة عدل اطلاقا

 

[سعوديه كوول]

رد: موضة الزواج من الخارج !

والانكل والاشد يتزوج بنت البلد يسال عن جدها السبعين واصلها وفصلها واخلاقها ويسوي زحمممه ويطلع ياخذ وحده (تخرفنه )ومسويه قديسه قدامه ويصدقها وهي حالتها حاله هنا الغبن الحقيقي....طبعا مو كلهم بس الاغلب يعني

 

[ابو اليزيد]

رد: موضة الزواج من الخارج !

[align=center] زواج من الخارج ليست موضة لكن يفعلها المضطر
أخي محمد العمري كفيت ووفيت
ولي تحفظ على بعض النقاط
التي ذكرت[/align]

 

[اسامه الصاعدي]

رد: موضة الزواج من الخارج !

الأفضل من الداخل قصدي المقيمه
لاكن بنات البلد الله يهديهم

 

[اسامه الصاعدي]

رد: موضة الزواج من الخارج !

فضيحه والله لو الأجانب يدرون عن بنات البلد

 

[حسن ااحمد]

رد: موضة الزواج من الخارج !

السبب اهل البنت وثقافة المجتمع بشكل عام

اجل مهر 30 ألف , وتكاليف عرس 35 ألف !

(هذا تكاليف عرس متواضع)

هذا طبعا غير اجار الشقة

وينكم عن حديث النبي عليه الصلاة والسلام : أيسرهن مهرًا أكثرهن بركة

احنا بالعكس , قاعدين نزيد التكاليف ونكسر ظهر اللي بيتزوج

طبعا انا مع بنت بلادي ولاشك :001_tt2: وضد الزواج من برا , وإن شاء الله ماراح اخذ من برا

لكن انا ابرر للي يدور اجنبية , التكاليف رخيييصة وميسرة :biggrin23[1]:

اذا اردت ان تطاع فامر بالمستطاع , تبون للبنت يجيها نصيب , لا تخلون الولد يشق هدومه من المصاريف

 

[محمد العمري]

رد: موضة الزواج من الخارج !

اللي يجيها رزقها من البنات لاتشوته برجلها وتتجلس تتشرط ابغا وابغا مااثقل على الناس الا شروط الحريم واعراس طول بعرض ويقولون بنت البلد فيها ومافيها وتعقيبا على كلام الاخت سعودية كول ترى أمة محمد صلى الله عليه وسلم ماهي على السعودية ودول الخليج فقط يقصد بها كل بقاع العالم وتنطبق على قرابة الثمان مليار انسان مافيها شي ان الشخص يختار زوجته سواء سعودية خليجية اجنبية الزواج استقرار وستر للطرفين مافيه احد يخرفن احد الارزاق والنصيب من الله سبحانه وتعالى نصيب البنت وجاها سواء سعودي من سعوديه او من خليجي او من نفس جنسيتها هذا رزقها ونصيبها ساقها الله لها وكذلك ينطبق كلامي على الشباب حصلت زوجة سعودية وارتحتوا لبعض توكل على الله ماحصلت توكل على الله ودور نصيبك برى السعودية والاحاديث واضحة مايبي لها تفصيل ،،

 

[صديقة ذوي الإعاقة]

رد: موضة الزواج من الخارج !

اللي يجيها رزقها من البنات لاتشوته برجلها وتتجلس تتشرط ابغا وابغا مااثقل على الناس الا شروط الحريم واعراس طول بعرض ويقولون بنت البلد فيها ومافيها وتعقيبا على كلام الاخت سعودية كول ترى أمة محمد صلى الله عليه وسلم ماهي على السعودية ودول الخليج فقط يقصد بها كل بقاع العالم وتنطبق على قرابة الثمان مليار انسان مافيها شي ان الشخص يختار زوجته سواء سعودية خليجية اجنبية الزواج استقرار وستر للطرفين مافيه احد يخرفن احد الارزاق والنصيب من الله سبحانه وتعالى نصيب البنت وجاها سواء سعودي من سعوديه او من خليجي او من نفس جنسيتها هذا رزقها ونصيبها ساقها الله لها وكذلك ينطبق كلامي على الشباب حصلت زوجة سعودية وارتحتوا لبعض توكل على الله ماحصلت توكل على الله ودور نصيبك برى السعودية والاحاديث واضحة مايبي لها تفصيل ،،

انتم يا الرجال بسهولة تتزوجون لكن البنات حاكمتهم العادات والتقاليد !! مدري لية تطبق علي البنت والولدلابس مو عذر تطلعون بري يحجة المصاريف

 

[صديقة ذوي الإعاقة]

رد: موضة الزواج من الخارج !

السبب اهل البنت وثقافة المجتمع بشكل عام

اجل مهر 30 ألف , وتكاليف عرس 35 ألف !

(هذا تكاليف عرس متواضع)

هذا طبعا غير اجار الشقة

وينكم عن حديث النبي عليه الصلاة والسلام : أيسرهن مهرًا أكثرهن بركة

احنا بالعكس , قاعدين نزيد التكاليف ونكسر ظهر اللي بيتزوج

طبعا انا مع بنت بلادي ولاشك :001_tt2: وضد الزواج من برا , وإن شاء الله ماراح اخذ من برا

لكن انا ابرر للي يدور اجنبية , التكاليف رخيييصة وميسرة :biggrin23[1]:

اذا اردت ان تطاع فامر بالمستطاع , تبون للبنت يجيها نصيب , لا تخلون الولد يشق هدومه من المصاريف

كلام سليم واتفق معك

 

[صديقة ذوي الإعاقة]

رد: موضة الزواج من الخارج !

فضيحه والله لو الأجانب يدرون عن بنات البلد

المشكلة مو بس عندنا عند كل الشعوب

 

[اسامه الصاعدي]

رد: موضة الزواج من الخارج !

والحل

 

[صديقة ذوي الإعاقة]

رد: موضة الزواج من الخارج !

إن شاء الله اتزوج قريب من بنت مقيمه من الجاليات الي بمكه دعواتكم لي

ليه وبنت البلد لية الاستهانة ببنت البلد مو هي بنتك واختك وقريبتك !

 

[صديقة ذوي الإعاقة]

رد: موضة الزواج من الخارج !

والحل

ابحث عن زوجة صالحة من بنات بلدك لاتحصر نفسك علي قبيلة واحدة !

 

[صديقة ذوي الإعاقة]

رد: موضة الزواج من الخارج !

عقبال البنات كمان خلي ربي يفتح عليهم وينسترون بس لوتنعطى الجنسيه لعيالها وزوجها هذا الحل المنصف اما هم يتزوجون والبنات يغنون ظلموه ماهي قسمة عدل اطلاقا

بس فية بنات مايرضون اهلهم تاخذ اجنبي !! حا كمتهم العادات والتقاليد