موضوع ابي رايكم ياهل الخير الله يعافيكمـ

[الممشارك]

السلام عليكم ورحمة الله وبركاته

اخواني انا من الاحتياجات الخاصه وكنت موضف في شركه ودوامه مرن وممتاز

المهم رحت للتاهيل الشامل واخذت قائمه وضائف للاحتياجات الخاصه

المهم اتصلت على شركه وقال بعطي رقمك واحد

المهم اتصل علي وقال الراتب 5400 وانا تحمست وقلت خلاص بعمل عندكم

المهم رحت للشركه والشركه معروفه ومشهوره

وقابلت الرجال وقال لو تبي سعوده وراتبك 5400 طبعآ انا رفضت قلت لازم اداوم المساء لان الصباح ادرس

وقابلت المدير مصري الجنسيه

وقالي العمل بيكون جزء دوام وافقت انا على اساس ان شغلي كله مع المدير السعودي

المدير المصري بس كذا يبي يشوفني

على العموم واعدني اجي بعدها بكم يوم على اساس اوقع على عقد عمل تبع الموارد البشريه هم لهم ادارة للموارد البشريه في الشركه نفسها وتفاجات ان الراتب 4700 مع البدلات

مشيتها وقلت خير وبركه

فجاة بعد كم يوم اتصلت عليه وقال مالك الا سعوده وراتبك 3000 هنا الزبدهـ

انا انقهرت خلاني اترك الوظيفه السابقه اللي الحمدلله ماشي فيها ولا استفدت شي الان

المهم اني اتصلت عليه وسجلت المكالمه وهو يقول مالك الا نوظفك سعوده وخليته يقول اسمه ويقول ان ادارة الشركه ــــــــــ وقال اسم الشركه وقال المدير العام يقول ماله الا سعوده

وهو قال اسمه بعد المهم انا سجلت المكالمه وبشتكي عليهم في وزارة العمل على شان يبطلون أستغلال ذوي الاحتياجات الخاصه

أبــي ارئكم تكفون واي جهه اشتكي عليهم

 

[سليمه]

رد: موضوع ابي رايكم ياهل الخير الله يعافيكمـ

مسالخير ليش ياخي المشاكل مع الناس افصل وخلهم فيه ناس تدور السعوده وانت الخير جاك وانت ماتبي ياخي تكفى عطني رقمه لان فيه حريم واجد يدورن السعوده وعندهن تاهيل والك اجر والصدقه

 

[الممشارك]

رد: موضوع ابي رايكم ياهل الخير الله يعافيكمـ

اختي

هو ماقال زي كذا في اول كلامه مواعدني براتب وطلع اخر شي 300 وسعودهـ

والسعوده الوهميه تكلمو فيها المشايخ وانها نصب واحتيال

 

[نجمة مسافر]

رد: موضوع ابي رايكم ياهل الخير الله يعافيكمـ

وعليكم السلام ورحمة الله وبركاته
كان الله في عونك وجزاك الله خير على حرصك والله لا يحيي رزق يجي من السعوده
حسبنا الله عليهم ونعم الوكيل ضيعوا عليك وظيفتك الي ما يخافون الله :sad:
نعم السعوده نصب واحتيال وغش على المواطن والدوله والي يوافق عليها ويتوظف معهم يشاركهم في هالذنب
راتب مشبوه ومن دون شغل فكيف نرجي البركه منه
والله لوما تساهل الكثيرين وقبولهم بالسعوده كان ما تجرأوا يسوون هالشي بخلق الله إستغلالاً للحاجه ونقص الوظايف وخصوصاً على ذوي الاحتياجات الخاصه رجال ونساء
خير ما سويت يوم سجلته وتوكل على الله ورح اشتكيه ولا تخلي حقك وربي يعوضك بخير وأحسن من الوظيفه الي فقدتها

 

[الصافي]

رد: موضوع ابي رايكم ياهل الخير الله يعافيكمـ

أخي قدر الله وماشاء فعل و لعله خير نصيحتي لك هي

أولاً حاول التواصل مع عملك الاول لتعاود العمل و لا تعمل مع الشركة الثانية حتى لو عاودوا الاتصال بك (الي هذا اوله ينعاف تاليه)

ثانياً في مايخص سؤالك حسب علمي المتواضع ان اي تسجيل لايؤخذ به ان كان الطرف الاخر لا يعلم بذلك وارجو ان تبحث وتسال قبل اتخاذ اي خطوة و انا اؤويدك ان تسعى ورائهم و تاخذ حقك منهم حتى يوقفوا هذا الاستغلال والتلاعب بالاشخاص خصوصا انهم تسببوا لك بخسارة عملك ... أيضا حاول ان تذهب الى اقرب مكتب عمل و تشرح لهم الامر ربما يفيدوك ... وحسب كلام شخص اعرفه فهم متفهمون جدا لامر ذوي الاعاقة.

 

[الممشارك]

رد: موضوع ابي رايكم ياهل الخير الله يعافيكمـ

شكرآ لكم

 

[ام زياد الرفيعي]

رد: موضوع ابي رايكم ياهل الخير الله يعافيكمـ

حسبنا الله ونعم الوكيل فيمن يستغل حاجة المعاقين واسمهم