موقف حصل معي في ملعب مباراة كرة قدم حواري

[سعود]

السلام عليكم ورحمة الله وبركاتة
اعزائي الاعضاء ...اليكم السالفه من السوالف الي صارت معي

قبل حوالي عام كنت احضر مباراة كرة قدم في ملعب قريب من المنزل دوري حواري
وفي مجريات القى قال احد لعبي الفريقين الاحتياط منفعلا على فريقه المهزوم
بكلمات لاتقال كلام شوارع يا... يا...يا... بعدين تطور الكلام قال يا معاق يا معاق يا معاق
سراحه الكلمه هذي جرحتني مع انه يعلم ان هناك معاق دائما يحضر الملعب
بلعت الكلمه وسكت
وعند ذهابي الى المنزل فكرت في الكلمه وقلت في نفسي لماذا لم اكلمه
واوقفه عند حده وراحت السالفه

وقبل تقريبا اسبوعين حصل معي نفس الموقف من شخص اخر لاكنه من الجمهور
قلت في نفسي المره هذي لن اصمت وذهبت اليه
وقلتله( انت اهلك ماربوك ) قال مالقيت احد يربيني بكل استهزاء ومشى من عندي
سويت نفسي عنتر وقلتله اذا مالقيت احد يربيك حنى نربيك و كمل طريقه الرجال
سراحه ارتفع ضغطي هههه
وبعدها بساعه ارسلي شخص صديق لي قديم
قالي لماذا قلت الكلام هذا قلت هو الي بدا قالي هو مايقصدك انت
قلت يا رجال ادري انه مايصدني بس على الاقل يحترم مشاعر المعاق
قال خلاص المره هذي امسحها بوجهي قلت لعيونك خلاص السالفه نسيته
واصلح بيننا وانتها الموضوع


لاكن الطامه الكبراء
بعد السالفه بيوم
مريت بجنب الملعب واسمع واحد يقول لزميله يا معوق مررلي الكوره!!!!!
لحووووول الى متى وانا اسمع الكلمه هذي( لابو الكورة لابو الي يجي الملعب مره ثانيه )
واعتزلة حضور مباريات الحواري

 

[الامل المتجدد]

رد: موقف حصل معي في ملعب مباراة كرة قدم حواري

ياخوي لاتكبر السالفه
الناس خذو على الفاظ مايقصدون يجرحون احد بس من باب تعودو عليها
انا موظفه وصار لي موقف ومع وحده من الزميلات المراسله تدور بتعميم لتوقيع والقلم الي معها كان مايل قالت زميلتي وش ذا القلم المعاق
اي شي يشوفونه مثل كرسي منعفط طاوله مايله كوب خربان يقولون وراه معاق
عادي وسع صدرك
انا واعوذ بالله من كلمت انا اذا كلمت وحده من صديقاتي المعاقات وردو اهلها ونادوها وتاخرت اقول الله يطلق عوقك ساعه ماجيتي
ومن هذا واكثر عادي عادي على قولت اهل الشرقيه

 

[مايباخ]

رد: موقف حصل معي في ملعب مباراة كرة قدم حواري

يابو سعوووود هونها وتهون..
والله ياخي المشكله في نظرة العرب للمعاق وخاصه عندنا هنا بالسعوديه وقيمته كأنسان..
تعرف إن الغرب عندهم شي اسمه ثقافة وتربيه على المعامله مع المجتمع واحترام الآخرين..
لكن لو أنا مكانك كان ناديته وتناقشة معه نقاش واضح وصريح لحد ماتقنعه إنها غلطان.

 

[سعود]

رد: موقف حصل معي في ملعب مباراة كرة قدم حواري

شكرا على مروركم
اختي الامل المتجدد
اخي مايباخ
على فكره انا مهونها من زمان بس تخبرون احيانن يجيني انفعال

 

[ابن جلال]

رد: موقف حصل معي في ملعب مباراة كرة قدم حواري

سعود --->> لو أنا بمكانك كان ركبت البليزر وخذيته على الصدام ليكون عبرةً لمن يعتبر


أنا مره سمعت شايب يتكلم عن المعاقين وكأنهم ماهم بشر قمت رديت عليه والمجلس مليان وقلت له ((أقطع واخس)) والله مارد سكت .

 

[الامل المتجدد]

رد: موقف حصل معي في ملعب مباراة كرة قدم حواري

سعود --->> لو أنا بمكانك كان ركبت البليزر وخذيته على الصدام ليكون عبرةً لمن يعتبر


أنا مره سمعت شايب يتكلم عن المعاقين وكأنهم ماهم بشر قمت رديت عليه والمجلس مليان وقلت له ((أقطع واخس)) والله مارد سكت .

لالالالالالالالالالالالالالالالالالالالالا
ماهقيتها منك ليه كذا وين الاحترام للاكبر منك احترم شيبته
حتى لو غلط عليك ماترد عليه ياعيباهيكبرها والمجلس مليان الله لايخزينا

اذا تكلم الاكبر قل خير او

وخذ ها العصير روق []



[align=center]

[/align]

 

[آهة وصمت]

رد: موقف حصل معي في ملعب مباراة كرة قدم حواري

[align=center]بالفعل هذه الكلمة كثير مااسمعها
في جلساتنا العائلية .. في مجال عملي .. في اماكن كثيره

ولكنني دائماً حين اسمع تلك الكلمة وانا جالسه بينهم

ارد عليهم بكل ثقة

اقول لهم صح كلامك وهذا دليل ان فيه كثير ناس اجساد سليمه لكن عقول معاقة
والمعاق الجسد اصح عقل منكم [/align]

 

[سعود]

رد: موقف حصل معي في ملعب مباراة كرة قدم حواري

كفو والله يا ابن جلال
قدها وقدوود

 

[فالح عبدالله الهاجري]

رد: موقف حصل معي في ملعب مباراة كرة قدم حواري

الظاهر قصدهم معاق فكريا
يعني اللي يفكر خطا
اما اعاقات الاجسام ماهي اعاقات
والحمدلله على نعمته يالله لك الحمد

 

[فالح عبدالله الهاجري]

رد: موقف حصل معي في ملعب مباراة كرة قدم حواري

ابن جلال ماعنده وقت طخه ولا اكسر مخه
اقول اركد بس

 

[سعود]

رد: موقف حصل معي في ملعب مباراة كرة قدم حواري

اخوي فالح
المعاق فكريا يسمونه مجنون
اما المعاق حركيا يسمونه معاق

 

[احلاهم واتحداهم]

رد: موقف حصل معي في ملعب مباراة كرة قدم حواري

[align=center] يا اخوان ويا اخوات كل شخص تعود لسانه على قول كلمة معاق سواء كانت هالكلمه بقصد التجريح او بدون قصد فهو شخص بلا ضمير ومعدوم الانسانيه وطبعا كثيراً مانراهم في كامل صحتهم وفي أجمل صورهم ! ولكن بالأصح هم معاقين داخياً ونفسياً وفكرياً يعني يعيبو على الناس والعيبه فيهم

اخت الامل المتجدد عذرا على هالكلام لكن اظن لو تعيشي في زمن افلاطون زمن المثاليه الزايده يكون افضل [/align]

 

[الامل المتجدد]

رد: موقف حصل معي في ملعب مباراة كرة قدم حواري

[align=center] يا اخوان ويا اخوات كل شخص تعود لسانه على قول كلمة معاق سواء كانت هالكلمه بقصد التجريح او بدون قصد فهو شخص بلا ضمير ومعدوم الانسانيه وطبعا كثيراً مانراهم في كامل صحتهم وفي أجمل صورهم ! ولكن بالأصح هم معاقين داخياً ونفسياً وفكرياً يعني يعيبو على الناس والعيبه فيهم

اخت الامل المتجدد عذرا على هالكلام لكن اظن لو تعيشي في زمن افلاطون زمن المثاليه الزايده يكون افضل [/align]

اول شي اهلا برجعتك وعسى المانع خير
ثانياشئ اذا انا عشت في زمن افلاطون ومثالياته انتي وين بتعيشين زمن الهم والغم عيشي حياتك
بعد ماترضينها لنفسك

 

[احلاهم واتحداهم]

رد: موقف حصل معي في ملعب مباراة كرة قدم حواري

اخت الامل انا عايشه حياتي بالطول وبالعرض والحمدلله على كل حال فمن رضى فله الرضى ومن سخط فله السخط لكن بنفس الوقت كلمة معاقه او معاق مو عاديه عندي او عند غيري لاني بكل قناعه المعاق بنظري معاق بطريقة تفكيره واسلوبه وطريقة تخاطبه وكل انسان ربي ميزه وابتلاه بكل تأكيد انه مايرضي ان احد يقوله انت معاق والرسول عليه الصلاة والسلام يقول ( الكلمه الطيبه صدقه ) هل تظنين ان هذي كلمه طيبه يعني لو لاقدر الله احد قال لك هالكلمة بين مجموعه من الناس اكيد بتتضايقين بينك وبين نفسك حتى لو ما بينتي للي حوليكي لاحظي يا اخت الامل انا قلت تتضايقين من الكلمه ما قلت تعترضين على عطية الرحمن بس هذا قصدي وفي النهايه نحن مميزين ولسنا معااااااااااااااااااااقين وعلى قول المثل ليس الانسان بالصوره . إنما بالعقل و لكن لعل وعسي في يوم من الايام اخرج عن المؤلوف واصبح مثاليه مثلك تماما !!!!!!!!!!!!!!!!!!!

 

[الامل المتجدد]

رد: موقف حصل معي في ملعب مباراة كرة قدم حواري

والله انتي مكبره السالفه
لاني في ردودي اتكلم عن عامة الناس ويومياتهم
ويمكن حنا تصدر منا كلمه نجرح غيرنا منغير قصد مثل لوقلتي عانس مطلقه او اي كلمه ثانيه
والي يفوت زلة الغير ربي يفوت زلاته عند الغير ونحن في عصر لابد فيه من المرونه
والموضوع كله ما يحتاج عبراتك..... مؤلوف..... وافلاطون..... ومثاليه....
والله العالم وش بتطلعين ثاني
والغرض من طرح الموضوع تقريب وجهة نظر واحترام الاخر.........

 

[احلاهم واتحداهم]

رد: موقف حصل معي في ملعب مباراة كرة قدم حواري

يا اختي انا عارفه ان الغرض من طرح الموضوع تقريب وجهة النظر واحترام الاخرين ايضا في هذا الموضوع لابد من ابدأ الأراء يعني لما قلت لك انتي مثاليه زياده عن اللزوم اخذتي بخاطرك عادي يا اختي لكل شخص وجه نظر وعلى الطرف الآخر احترامها واختلاف وجهات النظر لا يفسد للود قضية
شوية مرونه يالامل لانه من الصعب توحيد الافكار والاراء ريلكس حبيبتي لا انا مكبره السالفه ولا يحزنون

 

[الامل المتجدد]

رد: موقف حصل معي في ملعب مباراة كرة قدم حواري

ما حصل الا خير
واختلاف الرأي لايفسد للقضيه ود

 

[سعود]

رد: موقف حصل معي في ملعب مباراة كرة قدم حواري

هدو السالفه انا كتبت الموضوع قصه لا اكثر ولا اقل
واشرح لكم نظرت المجتمع لنا

 

[فالح عبدالله الهاجري]

رد: موقف حصل معي في ملعب مباراة كرة قدم حواري

اقول اعقلو
يالله صبح خير
ترى مابي احذف ردود
خلو الموضوع فرفشه لاتقلبونه

 

[احلاهم واتحداهم]

رد: موقف حصل معي في ملعب مباراة كرة قدم حواري

والله يا فالح الموضوع فرفشه وتبادل في الاراء وتفاعل لا اكثر ولا اقل وحشى والله ما نقلب الموضوع حنا خوات واخوان عالخير صح يالامل